Diosnö ösödo̧ Job mikwo̧ usula emawina jawa 18:21 - Dios Iwene

²¹ –Ayö, isabenö itenö baledi̧danö baledawö̧, sulabedönöma, Diosnö öpöjödadönöma, —jö̧ba̧lö Bildad yöa̧linobe Jobnö, Isabenö sulabo̧ja, jö̧ba̧lö.

Diosnö ösödo̧ Job mikwo̧ usula emawina jawa 18:21 Referans Kwoze

Tito 1:16

Jobadöma, Aaa, Diosnö waisadösa. jö̧ba̧lö yötjawijayonö, ja̧tji̧ma wainö i̧sebö yöbawadö, Diosnö öpöjödadösa, jö̧ba̧lö. Ja̧danö, jobadöma sulabedö, Dios wei̧ a̧ja̧kwökönö ja̧badö, ja̧danö ja'yubebi otiwanö ja̧bö tjuju̧kwoböma jwibadö.

2 Tesalonicenses 1:8

Diosnö wajwibadönö lȩebo jö̧ba̧lö, ja̧danö Duluwo̧ Jesús jawa otiwa jawa wene öpöjödadönö lȩebo jö̧ba̧lö.

1 Tesalonicenses 4:5

Jau chömöledö, Diosnö wajwibadö ja̧bö tjö̧ji̧danöma, bakwainö 'da̧'da̧akwawa ösödö ja̧nöma, ja̧bö kwö̧jaduwoko.

Jueces 2:10

Ja̧danö, ju'wedö Josue ö̧jinena ju̧kwadö, Isabenö Jo̧ inesö otiwanö israel jojodönö pjaatina edinadöbi ö'wö batjibinobe. Jemi ikenama tji̧tji̧mu tupadanö jojodö Isabenö Jo̧nö wajwibadö tjö̧da̧peachinobe, iteda ujulu i̧sebö, israel jojodönö pjaatina edinöködöma.

Romanos 1:28

Chömöledö, bidöma, Diosnö tjomukwatoböma tjöpöjödobe. Ja̧danö, sulabeda tjomukwatiökwe jobadönö kaatibobe Diosma, Wainö sulabenö tjomukwati̧da ja̧bö ju̧kwadö, jö̧ba̧lö. Jo̧kwajabetjö̧, taba lö̧ji̧ jojodö ja̧awökö jawada i̧sebö ju̧kwadö.

Diosnö ösödo̧ Job mikwo̧ usula emawina jawa 21:28

Ökwödöma yöba̧ladöja, –Juluwadötjö sulabedö tjö̧jinejubiyama, söbebö lotjinemi, sulabedö tjö̧jinemima jwiinö söbebö loawemida jo̧be, –jö̧ba̧lö yöka̧laduwobe.

Diosnö ösödo̧ Job mikwo̧ usula emawina jawa 21:14

—Jejenö wene jwiinö tju̧ju̧kwobetjö̧, Diosnö yöba̧ladö, –Dö̧jelö labebi Dios, ökwö weköbi̧ da̧ja̧kwoböma öpöjödadösa.

1 Crónicas 28:9

Ja̧danö, ökwö chitji̧ Salomonnö baikwö yötawakwö: Ötjö kwabe'dö chösödökwe Diosnö otiwanö kwöwaisobö kwisakwo, ja̧danö jwaikwöda okobe jwiinö kwomajadenö, öpöjödökönö jo̧ba wei̧ ösödö a̧ja̧kwö kwö̧jo. Jau chitji̧, Isabenö Jo̧ma okobe deinö tjomajade okwanö tjomukwati̧ edö waiso̧, ja̧danö okobe jwiinö omukwatö tjujuni̧ jawama, öwawinö edö waiso̧. Ja̧danö, jo̧banö kwisakwitjö̧ma, kwöbadekwajobö weakwo̧ chitji̧, jo̧kwaijayonö jo̧batjö 'da̧bachibö kwi̧'yitjö̧ma, ökwönö kabatibö ikwö loakwo̧, ba̧kwelöjatebö loawa baibanö.

1 Samuel 2:12

Eli i̧tji̧muma, isabenö sulabenö otidö tjö̧jinobe. Diostjö jojodötjö tjö'da̧de pjabatö tjotidinajayonö, Isabenö Jo̧nö otiwanöma tjomukwatinokobe, ja̧danö wei̧ma tja̧ja̧kwinokobe.

Éxodo 5:2

—Jo̧ba Isabenö Jo̧ma ¿tida? Jo̧ba wei̧, Israel jojodönö kakatakwawo, jö̧ba̧lö, ¿cha̧ja̧kwiji̧? ¡Cha̧ja̧wökö! Jo̧ba, Isabenö Jo̧nöma wajwitökwe. Isabenö yöta̧la: Israel jojodönö katatakwawökakobe— yöba̧lijetö faraónma.

Diosnö ösödo̧ Job mikwo̧ usula emawina jawa 4:21

Jau, sabana'wotjö otikweju juluwanö nijakwö bakobe mei̧danö, juluwanö debö 'ya̧dö bö̧jȩ jojodöma, waisanö omukwatakwawa ina tjöwaisachibapji, juluwanö debö 'ya̧dö bö̧jȩ jojodöma, –jö̧ba̧lö isapjonö kwebacho̧ yöa̧lobekwö cha̧ja̧kwijatö chi̧'wi̧dinö, —jö̧ba̧lö yöa̧linobe Elifazma, Jobnö.

Diosnö ösödo̧ Job mikwo̧ usula emawina jawa 19:1

Bildad jejenö yöa̧liökwe, Jobma atadinobe baikwö:

Diosnö ösödo̧ Job mikwo̧ usula emawina jawa 20:29

Jejenö baledakobe sulabedönöma Job, Diosda omudawö ujuninobe, jobekwö jobadönö baledobö, sulabenö ja̧tjaja̧ mikwa baibanö. Isabenö iya̧da jawa tjemakwedö, —jö̧ba̧lö Jobnö yöa̧linobe Zofarma, isabenö Dios öba a'otjö sulabo̧ja, jö̧ba̧lö.