Diosnö ösödo̧ Job mikwo̧ usula emawina jawa 16:10 - Dios Iwene

¹⁰ —Jejenö balediawö̧, jojodöma ötjönö edö obadö, ötjönö obö, chibekasa'wo 'bȩtjajabe, –Bite Jobma sulabo̧, –jö̧ba̧lö. Jau, ötjönö tjölakwabikwawotö jö̧ba̧lö, chöba a'o ko̧ko̧kwö tjö̧jobe ichejekwa.

Diosnö ösödo̧ Job mikwo̧ usula emawina jawa 16:10 Referans Kwoze

Hechos 23:2

Jejenö yöawiökwe bakwo̧, jojodötjö Diostjö ö'weje la'aka pjabato̧ öpöjödijetö. Öpöjödobetjö̧ webijetö Pablo ipjeanö ja̧dönöma Pablonö aanö metjobö.

Isaías 50:6

Ja̧danö öpöjödadö ötjönö kwakwatjenema, yayonö katatibijökötö, jwaikwöda Dios wei̧ a̧ja̧kwö ja̧nö, wainö chibeka kwakwatjobö chi̧sȩbijatö. Ja̧danö cha̧jȩsa'ye 'yetjobö jö̧tja̧lenama, öpöjödökönö cha̧jȩ chi̧sebijatö, wainö 'yetakobetjö̧. Ötjönö otjenabi, ötjönö sutjenabi, yayonö tabatjö chöbama ju̧kwawö̧kö̧sa.

2 Corintios 11:20

Jau chömöledö, bakwo̧ ökwödönö jo̧ba ömöayedödanö bakibaduwanö ja̧itjö̧bi, jo̧banö ösödadöja, ja̧danö kwujuna̧laduwi̧ önaukwitjö̧bi jo̧banö ösödadöja, ja̧danö bakwo̧ ökwödönötjö iteda emotö jö̧ba̧lö ja̧itjö̧bi, jo̧banö ösödadöja, ja̧danö bakwo̧ Aaa, ökwödönötjö bajalekwönönö jo̧sa jö̧ba̧lö omukwatitjö̧bi, jo̧banö ösödadöja, ja̧danö bakwo̧ ökwödönö sulabedöja jö̧ba̧lö sulabenö yöawitjö̧bi, jo̧banö ösödadöja.

1 Reyes 22:24

Yöa̧liökwe, Sedequiasma yöne ichibö, Micaiasnö 'bȩinobe ibekasa'wonö, ja̧danö Micaiasnö yöa̧linobe: —Omöna. Isabenö Jo̧ yöawi̧ yöbawo̧sa, kwedemi ötjötjö labebö, ökwönöda yöawobeji̧, Isabenö Jo̧ o̧'wo luwo̧ma? Ömöna yöka̧la, —jö̧ba̧lö.

Hechos 4:27

Ina abebijadötö: —Dios, döwaisa ja̧ yökawinama tjo̧wi̧ baledinobe. La'aka luwedöma, Herodes mikwo̧, Pilato mikwo̧ benada tjoko̧ko̧kwinobe israel jojodökwöbi, israel jojodöböködökwöbi. Jobadöma Jesúsnö kwabö loawa wetjobö ko̧ko̧kwa̧lö tjomukwata̧linobe. Ökwö weköbina ja̧bo̧nö, suli̧ jwibo̧nö, ökwö yöbawö kwujuninökwe Jesúsnö kwabö loawa wetjobö ko̧ko̧kwa̧lö tjomukwata̧linobe jobadöma.

Juan 18:22

Jejenö atadiökwe bakwo̧ guardia jojoma Jesúsnö kwainobe ömamunö. Kwabö jö̧a̧linobe: —¿Tajawedö jejenö yöka̧la Diostjö jojodötjö ö'weje la'aka pjabato̧nöma? Jo̧kwadabo̧ yöka̧li̧danö yöka̧la jo̧banöma— jö̧a̧linobe.

Mateo 26:67

Ikenama Jesús öbanö sutjinobe, ja̧danö jo̧banö kwakwatjinobe, ja̧danö jobadötjö ju'wedö jo̧banö öbanö 'bȩbö yötja̧linobe:

Diosnö ösödo̧ Job mikwo̧ usula emawina jawa 16:11

Isabenö Diosma ötjönö iyö loajabe ichejekwa, Diosnö öpöjödadö ötjönö suli̧ tjöwaedobö, ötjönö ikwö loajabe ichejekwa, sulabedö ötjönö do̧ba̧lö suli̧ tjöwaedobö.

Diosnö ösödo̧ Job mikwo̧ usula emawina jawa 30:12

Chöwaisobekwöchobema, jobadötjö möayedöma ötjönö metjibotö jö̧ba̧lö a̧la̧ibadö, jadanö töbö metakobetjö̧, töawa jawa lödadö, ja̧danö ötjönö metjibakwa̧ jawa sulabenö otidadö.