Diosnö ösödo̧ Job mikwo̧ usula emawina jawa 15:16 - Dios Iwene

¹⁶ Ja̧danö, jobadö angeledönö jejenö omukwatitjö̧ma, bö̧je jojodötjö bakwo̧nö, –Wene jwibo̧, –jö̧ba̧lö omukwatenaji̧? Ja̧maökö Job, bö̧jenö ju̧kwadöma isabenö sulabedö yȩbekwadösa, ja̧danö ojwiyo o̧ti̧tjö ojwiyo dowobö dösödi̧danö, sulabenö ja̧dobö ösödadösa ökwödö bö̧jȩ jojodöma.

Diosnö ösödo̧ Job mikwo̧ usula emawina jawa 15:16 Referans Kwoze

Proverbios 19:28

Ja̧danö, ju'wibi yötawaduwakwö chömöledö: Bakwo̧ lȩekwa yöbawo̧nö edina jawa yöa̧lobö atjebitjö̧ma jweinö yöa̧lobö jo̧be. Jweinö yöa̧litjö̧ma lȩekwa yöbawo̧ma öwaisakwo̧ jelo̧nö lȩebojobö, lȩebokojobö jö̧ba̧lö. Edina yöba̧lo̧ma lȩekwa yöbawo̧nö ö'öbönö yöawitjö̧ma ¿dakwö öwaisoböda? Jweinö lȩeboböma jwiena jo̧banö yöba̧lo̧ma jweinö yöa̧lokobetjö̧. Isabenö, jo̧ba omöna yöba̧lo̧ma jweinö lȩekwa yöawakwawama sulabenö obo̧, lȩekwa yöbawo̧ma jweinö yöawi̧ma mikwawökö jö̧ba̧lö. Ja̧danö ju'wibi yötawa: Sulabenö ja̧bo̧ma iteda sulabenö ja̧i̧ma ösödo̧. Isabenö, söi̧ kwakwawa ukwobö ösödi̧danö ösödobe iteda sulabenö ja̧i̧ma.

Diosnö ösödo̧ Job mikwo̧ usula emawina jawa 34:7

Bakwo̧bi Job yöa̧li̧danö yöba̧lo̧ma ö̧jenaji̧? Bakwo̧bi Job sulabenö Diosnö yöa̧li̧danö yöba̧lo̧ma ö̧jenaji̧? Kabatökönö jejenö sulabenö yöa̧lobö ösödo̧ ichejekwa, –Sulabenö ja̧tököjayonö, Dios sulabenö usula chemawinö weökwesa, –jö̧ba̧lö.

Tito 3:3

Ökwödö Jesúsnö ösödadöma, ina Jesúsnö dösödakwa̧ abönö böjȩ jojodö ja̧bö tjö̧ji̧danö ja̧bö dö̧jijatö Tito. Ja̧danö, wajwibadö ja̧nö, Dios wei̧ a̧ja̧kwökönö ja̧nö, omöna yöa̧lakwawa ösödö ja̧nö dö̧jijatö ajayinöma. Jejenö dö̧jenama, sulabe jawa dösödinama ökwödönö juluwinobedanö ichejekwa. Jau Tito, okobe jwiinö sulabe jawa dösödinama ökwödönö juluwinobedanö ichejekwa. Ja̧danö, ökwödönö juluwinobetjö̧, otiwanö ja̧bö dö̧joböma jwidinobe. Ja̧danö, jwaikwöda sulabenö dösödi̧ jawada ja̧bö dö̧jijatö. Ja̧danö, jejenö ja̧nö, kabatökönö sulabenö ja̧bö, ö'wiabinö edö dö̧jijatö. Ja̧danö, ju'wedönö öpöjödadö, ja̧danö ju'wedö tjöpöjödawö̧ dö̧jijatö ajayima.

Diosnö ösödo̧ Job mikwo̧ usula emawina jawa 42:6

ja̧danö ökwönö edajo̧, ajayinö omukwatö yöta̧laja̧ma chötabakwobe, –Ötjö Jobma isabenö mikwawö̧kö̧sa, yöta̧loko jawa sulabenö yöta̧lajabe, –jö̧ba̧lö. Jau chuluwo̧, sulabenö chomukwataja̧ kabatibö chöbalewachajabe, jadanö chomukwati̧ chöbalewachaja̧ i̧sȩbö, nijiso̧pjanöbi, ökwölaso̧pjanöbi bamato̧sa, –Isabenö Dios öba a'otjö mikwawö̧kö̧sa, sulabenö ja̧köba, jö̧ba̧lö Diosnö̧ yöta̧lobö, —jö̧ba̧lö atadinobe Jobma Diosnö.

Diosnö ösödo̧ Job mikwo̧ usula emawina jawa 20:12

—Baikwö wanedö yötawa sulabo̧ öji̧ma: Jojodö söi̧ kwakwawa kwanö, 'dȩtjawobö tjösödi̧danö, sulabo̧ma jwiinö sulabenö ja̧awa 'diinö do̧a̧lobö ösödo̧.

Diosnö ösödo̧ Job mikwo̧ usula emawina jawa 4:19

Jau, Dios ömöayedö angeledöbi Dios öba a'otjö wene juna̧ladö, ja̧danö angeledö wene tjujuna̧litjö̧ma, lete'otjö otidinawö̧ jojodöbi isabenö Dios öba a'otjö wene tjujuna̧lakwedö, la'akatjöda Dios öba a'o wene jwiinö tjö̧joböma jwitjakwedö. —Jau, baikwö yötawa bö̧je jojodönö: Bö̧jȩ jojodöma nijiso̧pjatjö otidinawö̧, ja̧danö pjȩlȩbönö 'bȩbö lotji̧danö, juluwanö kwabö lotjawö̧.

Diosnö ösödo̧ Job mikwo̧ usula emawina jawa 15:17

—Isabenö yötawi̧ kwa̧ja̧kwobö jo̧be Job, kwa̧ja̧kwitjö̧ma otiwanö ökwönö chi̧sȩbocha, chedina jawa kwöwaisachibanö labebö lobö yötawocha.