Diosnö ösödo̧ Job mikwo̧ usula emawina jawa 14:18 - Dios Iwene

¹⁸ —Ökwödö bö̧je jojodöwe! Isabenö ökwödönö lȩbebo̧ja chuluwo̧ Dios, baikwö wanedö yötawa: Mösa'iju 'dabö inawiya nijakwö tjoduwi̧danö,

Diosnö ösödo̧ Job mikwo̧ usula emawina jawa 14:18 Referans Kwoze

Apocalipsis 6:14

Ja̧danö, mölejȩma ösöja 'bo̧dachibi̧danö baibobe chedijatö, öwawököje baibanö. Ja̧danö, mö'ösa'ijubi, ö'wejesa'ijubi jelöma pjolachibö jelobekwö jamatobe chedijatö.

Diosnö ösödo̧ Job mikwo̧ usula emawina jawa 18:4

—Ökwöma dameakwö ja̧nö, ökwödada suli̧ jwöbekwo̧ja, kwiteba'o yö̧yö̧bakwawo̧danö suli̧ waedakwawo̧ja Job, sula. Kwedemi, ökwöda jejenö kwödameakwobetjö̧, bö̧jȩma jojodö deö̧jȩ baibobö jȩnaji̧? Kwedemi ökwöda kwödameakwobetjö̧, inawiya pjolachibobö jȩnaji̧? Ja̧maökö Job, jweinö kwomukwatobö jo̧be.

Apocalipsis 20:11

Ja̧danö, chedijatö Diosnö, inesö ö̧baka, dewakanö bo̧nö. Ikenama böjȩbi, mölejȩbi jwiinö baibobe chedijatö, yemidanö baibökönö.

Apocalipsis 8:8

Jemi ikenama pjubo̧ pjuena, mö'ösa'odanö, möa'o, uba'o, ojwe nöödö ö'wödönö loobe chedijatö, jödönö jamatinö.

Mateo 27:51

Ja̧danö, Jesús ö'wö baibenama, Dios ejutjö jojodö teachakwawökȩko̧ tjöekwado̧ma kȩachajinobe, mötjö nijakwö bajalenö, ja̧danö niji tjö̧awinobe, ja̧danö inawiya 'dabö lileibinobe.

Isaías 64:1

Chuluwo̧ Dios, mölȩjȩ kȩ'ebö, bö̧jȩkwö kwichitjö̧ma otiwo jö̧a̧lena. Jobekwö kwichitjö̧ma, kwöba a'otjö tjö̧awena mösa'ijuma.

Isaías 54:10

Isabenö jwaikwöda ile 'di̧bebö chösödakwujuja, baikwö wanedö yöta̧la: Mösa'iju pjolachibö laebitjö̧bi, mösa'iju pjei̧ o'iju tjö̧bawö meitjö̧bi, ökwönö ile 'di̧tebi̧ma la'akatjöda katatibökakwo̧sa. Ökwönö yöbawö chujunajabe, dösölö̧jinö pjabatö chö̧jakwa̧ wenema, ja̧danö ja̧ yöbawö chujunina wenema la'akatjöda söbebö loawökakobe, jö̧ba̧lö ötjö Isabenö Jo̧, ökwönö lȩlöjinö edo̧ma yöta̧lakwö.

Isaías 40:12

Isabenö duluwo̧ Diosdanöbo̧ma deobe. Jo̧bada iteda ömamunö jwaibalawa badedö edinama, ojwiyo dokwa nöinö lo̧ojobö jö̧ba̧lö. Ja̧danö jo̧bada ötö'anö ba̧ja̧dö, mölȩjȩ ba̧ja̧dö edinama, dokwa jalojobö jö̧ba̧lö. Jo̧bada böjȩ niji̧so̧pja ba̧ja̧dö edinama, jo̧bada mösa'iju dokwa nöinö ömökojobö jö̧ba̧lö, ba̧ja̧dö edinama.

Diosnö ösödo̧ Job mikwo̧ usula emawina jawa 14:17

Ja̧ möle ötjö sulabenö ja̧tina wȩyukwöja tuda'wo okwa anö loköbena, ja̧danö chusula o̧tjö̧ loköbena, jejenö baibobö chösöda chuluwo̧.

Diosnö ösödo̧ Job mikwo̧ usula emawina jawa 14:19

ja̧danö ojwe tjo̧'omanö inawiya kelachö pjo̧'yachobedanö, ja̧danö ojwe niji e'ewö loi̧danö, ökwödö bö̧jȩ jojodönö lȩbebo̧ja, –Otiwanö dö̧jakwedösa, –jö̧ba̧lö domukwati̧ waekwenanö kabatö.