Diosnö ösödo̧ Job mikwo̧ usula emawina jawa 13:24 - Dios Iwene

²⁴ —Chuluwo̧ Dios, tajawedö ötjönö le'dedö lobö, atebi̧ kwa̧ja̧kwokobeda? Tajawedö kwöpöjojo chö̧jobedanö kwi̧sȩbobeda?

Diosnö ösödo̧ Job mikwo̧ usula emawina jawa 13:24 Referans Kwoze

Diosnö ösödo̧ Job mikwo̧ usula emawina jawa 19:11

Jobekwö jwiinö ödameakwajabe ötjönö, ja̧danö iteda öpöjojodötjö bakwo̧ chö̧ji̧danö, ötjönö ölakwabikwawobedanö ichejekwa.

Isaías 8:17

Jau chömöledö, babe Isabenö Jo̧ma öba muchekwö Jacobmine itji̧mu tupadanö jojodönö edökönö ö̧jobedanö ichejekwa babe döpöjojodöma ökwödönö tjujuluwobetjö̧, jo̧kwaijayonö ötjöma jo̧ba pjaatakwa̧ chiteada̧locha, —Isabenö yöawinadanö pjaatakwo̧, —jö̧ba̧lö, ja̧danö ja̧ wene cho̧'wo wana̧lö chö̧jakwo̧sa.

Diosnö ösödo̧ Job mikwo̧ usula emawina jawa 33:10

jo̧kwaijayonö chusula jwitijayonö, Diosma ötjökwö ölakwabikwawobö isakwobe, jadanö ötjönö öpöjödö omukwatobe, Chöpöjojo, jö̧balö.

Deuteronomio 32:20

Sulabenö ja̧tji̧ökwe, –Bidö chi̧tji̧muma jwiinö sulabedö, ja'yubebi ja̧tjo̧ jö̧tja̧li̧danöma ja̧böködö, jo̧kwajabetjö̧ jobadönö pjabatökönö chö̧ja̧kwo̧sa, jobadönö baledakwa̧ma dakwö baledakwojobö jö̧ba̧lö.

2 Tesalonicenses 3:15

Jo̧kwaijayonö jo̧banö omukwatökönaduwi, döpöjojo jö̧ba̧löma chömöledö, bitema döjawo̧ jö̧ba̧lö pjabatö lȩkebaduwonö chömöledö.

Diosnö ösödo̧ Job mikwo̧ usula emawina jawa 31:35

—Ötjöwe, bakwo̧bi ötjönö a̧ja̧kwo̧ma deobe. Isabenö yöta̧la, okobe jwiinö yöta̧laja̧ma, jweinö omöna yöba̧lökönö yöta̧lajabe, ja̧danö Okobe Jwiinö Juluwo̧ Dios a̧ja̧kwajo̧ yöawobö chösöda, jweinö yötawojobö, yötawokojobö jö̧ba̧lö. Ötjönö öpöjödadö, –Jobma sulabenö ja̧bo̧, –jö̧ba̧lö yöba̧ladö, wȩyukwöja tji̧wȩyudobö chösöda, –Job sulabenö ja̧inama bi̧ya, –jö̧ba̧lö wȩyukwöjama.

Diosnö ösödo̧ Job mikwo̧ usula emawina jawa 30:21

Isabenö ötjönö suli̧ kwöwaedobö ösödo̧ja chuluwo̧, ja̧danö inesö kwujulunö, usula chemawinö mebibo̧ja.

Diosnö ösödo̧ Job mikwo̧ usula emawina jawa 16:9

Isabenö ötjönö ödameakwajabe Diosma ichejekwa, wanedö yötawa: Tebonö jo̧ ötjönö lubö, o'yenö ötjönö yö̧yö̧bö seebajabe ichejekwa, ja̧danö chöpöjojo ja̧nö, labinö ötjönö suli̧ öwaedotö jö̧ba̧lö eda̧lobedanö ichejekwa.

Diosnö ösödo̧ Job mikwo̧ usula emawina jawa 10:2

Jau, Diosnö yöta̧locha, –Labebö lobökönö, sule Letebakwö jö̧ba̧löma lȩkeboko, jweinö labebö lobö yökawo kwöba a'otjö sulabenö ja̧taja̧ma, -Bejenö sulabenö ja̧köbi̧tjö̧ lȩtebakwö, -jö̧ba̧lö.

1 Samuel 28:16

Atadökwe, Samuel yöa̧linobe: —Isabenö Jo̧ma ökwönö a̧ja̧kwö̧kö̧ baibanö, kwöpöjojo ö̧jobe. Jo̧kwajabetjö̧, Dios kwöpöjojo ö̧jobema, tajawedö ötjö Dios ömöayo̧nö akebobö?

Diosnö ösödo̧ Job mikwo̧ usula emawina jawa 19:22

Dios usula chemawinö ja̧i̧danö, tajawedö ökwödöbi lȩlöjinö edökönö, usula chewawinö ja̧köbaduwobeda chömöledö? Ida̧ökö nöinö chiteba'o 'yö̧'yököbaduwajabe ichejekwa, la'akatjöda tjo̧wita jö̧ba̧lö, yö̧bö kakataduwökenaji̧? —jö̧ba̧lö yöa̧linobe Jobma.

Diosnö ösödo̧ Job mikwo̧ usula emawina jawa 10:16

—Chuluwo̧ Dios, tabakwö jo̧sa. Tabakwökönö ja̧nö, isabenö sulabenö ja̧binö̧kö̧sa jö̧ba̧lö chö̧jitjö̧ma, didiba lui̧danö lubo̧ja ötjönö chuluwo̧, ja̧danö ökwöda inesö kwujulunö, labinö lȩbebo̧ja ötjönö.

Diosnö ösödo̧ Job mikwo̧ usula emawina jawa 10:17

Kabatökönö ju'wedönöbi, ju'wedönöbi kwöbadekwajobedanö ichejekwa, ötjönö –Jobma sulabenö ja̧bo̧, –jö̧ba̧lö yötja̧lakwedönö, ja̧danö ajayitjö bajalekwönönö ötjönö kwödameakwobe ichejekwa. Wanedö yötawa, ötjönö ölakwabikwawö, ba̧kwelöjatebö yabayedö ölakwabikwawadö weköbobedanö ichejekwa, ötjönö metjibakobetjö̧.