Diosnö ösödo̧ Job mikwo̧ usula emawina jawa 13:16 - Dios Iwene

¹⁶ Sulabedö Diosnö öpöjödadöma la'akatjöda Dios öba a'o tjichiboböma jö̧ba̧löködö, ja̧danö sulabo̧ chö̧jitjö̧ma, jo̧ba öba a'o ichibö yöta̧lakwawobö chöpöjödena. Jo̧kwaijayonö jejenöbö̧kö̧sa ötjöma, jo̧kwajabetjö̧ chedemi Dios öba a'o ichibö, labebö lobö yöta̧liökwe, isabenö chö̧jibinö pjaatena, —jö̧ba̧lö atadinobe Jobma, ömöledönö.

Diosnö ösödo̧ Job mikwo̧ usula emawina jawa 13:16 Referans Kwoze

Isaías 33:14

Jerusalennö ju̧kwadö sulabenö ja̧bö ju̧kwadöma, chujulu chi̧sȩbiawö̧ jwiinö yebabidö, –Ayö, Dioskwö dakwö dö̧joböjö? Jo̧bama ökwöla jwiinö ubola kwebato̧, tiibokola kwebato̧, ökwödötjö ditejö, jo̧bakwö ö̧jobö mikwawo̧ma? –jö̧ba̧lö.

Hechos 13:47

Jejenö yödawitjö̧ma jwiinö otiwena, Duluwo̧ma judío jojodöböködöbi tja̧ja̧kwobö weinobetjö̧. Baikwö laebobe Duluwo̧ iwenetjöma: Ökwönö 'da̧batö chujuna ötjö chiwene, ji̧bakwawa wene judío jojodöböködö tjöwaisinö yökawobö. Wanedö yötawa. La̧pa̧la̧yu̧ yȩobe tjidejatemi dewi̧danö, ökwödönö wetocha jojodönö yökawaduwobö ji̧bakwawa wenema. Jojodöma ökwö yökawi̧ a̧ja̧kwö, la̧pa̧la̧yu̧ tjidejatemi dewi̧danö edö tjöwaisachibakwedö, ji̧bakwawa wenema. Böjȩ bakwameachibanö ja̧ ji̧bakwawa wene yöbawö kwi̧'yo, jö̧ba̧lö laebobe Duluwo̧ iwenetjöma— jö̧ba̧lijadötö Pablo, Bernabé.

Diosnö ösödo̧ Job mikwo̧ usula emawina jawa 36:13

—Tjomajadenö Diosnö öpöjödadöma, jwaikwöda dameakwö ju̧kwadö, jadanö jobadönö lȩbebö, ka̧lena tjö̧bobö weenabi, yayonö Diosnö budekwöködö.

Diosnö ösödo̧ Job mikwo̧ usula emawina jawa 8:13

Jobekwö baledobe okobe deinö Diosnö tjo̧'wo jwibibadönöma Job. Jau, ja̧ pokwi̧ baledi̧danö baledakobe Diosnö öpöjödadönö, –Otiwanö dö̧jakwedösa, –jö̧ba̧lö tjomukwatemi ja'ötjö, waekwakobe, debö tji̧'yakobe.

Éxodo 15:2

Isabenö Jo̧ma ötjönö chujulu iyo̧. Jo̧banöda omukwatö lo̧ta. Isabenö Jo̧ma chöpöjojodötjö chö̧jibinö pjabato̧. Jo̧bama ötjö Chuluwo̧ Dios, ja̧danö jo̧banö chösöda, jwiinö otiwo̧, jö̧ba̧lö. Ja̧danö, jo̧bama chabe'do Uluwo̧ Dios, ja̧danö jo̧banö chösöda, jwiinö juluwo̧, jö̧ba̧lö.

Diosnö ösödo̧ Job mikwo̧ usula emawina jawa 13:17

Tupakwö yöa̧linobe Jobma, Diosnö abebö: —Chuluwo̧, otiwanö yöta̧li̧ kwa̧ja̧kwobö atebakwö, labebö lobö yöta̧lonö, kwölakiyunö kwa̧ja̧kwobö atebakwö.

Diosnö ösödo̧ Job mikwo̧ usula emawina jawa 23:7

ja̧danö a̧ja̧kwajo̧, inesö lȩekwa luwo̧ Diosma yöawena, –Isabenö wene jwibo̧ Jobma, –jö̧ba̧lö, ja̧danö yöawi̧tjö̧, la'akatjöda lȩebi̧tjö chemawobö jwiena. Jau chömöledö, isabenö Dios wei̧ a̧ja̧kwö jo̧sa, jo̧kwajabetjö̧ Dios öba a'o ichibö yötawitjö̧ma, isabenö otiwanö a̧ja̧kwena.

Diosnö ösödo̧ Job mikwo̧ usula emawina jawa 34:21

Jau, Diosma jojodönö bakwonökwena edo̧, okobe jwiinö jabö tjö̧ji̧ edo̧.