Diosnö ösödo̧ Job mikwo̧ usula emawina jawa 13:11 - Dios Iwene

¹¹ Jau chömöledö, iteda ujulu i̧sebö, yekaibaduwanö i̧sȩbakobe, isabenö i̧sȩbi̧ edö, jwiinö yekaibaduwakobe chömöledö.

Diosnö ösödo̧ Job mikwo̧ usula emawina jawa 13:11 Referans Kwoze

Diosnö ösödo̧ Job mikwo̧ usula emawina jawa 31:23

Jo̧kwaijayonö, Diosnö yetabobetjö̧ jejenö ja̧binö̧kö̧sa chömöledö. Jau chömöledö, Dios inesö ujulu edö, chujulu jwibö yetabijatö, ja̧danö yebabinö ja̧nö, jejenö ja̧tijökötö, –Dios labinö lȩebapji, –jö̧ba̧lö.

Mateo 10:28

Jojodönö yekabiduwa chömöledö, jobadöma sule tjiteba'oda kwabö lobadö, tjo̧'wo̧ luwo̧nö kwabö lotjoböma juluwöködö. Jau chömöledö, Diosnöda yekabiduwobö jo̧be, jo̧bama isabenö jojodönö lȩebobö juluwo̧obetjö̧, jo̧bada ökwöla nöolatjö jojodö tjiteba'obi, tjo̧'wo̧ luwo̧bi söbebö loakwo̧.

Isaías 8:13

Jau Isaias, ju'wedö yetjabi̧ jawama yekaboko, ötjö Okobe Jwiinö Juluwo̧ Isabenö Jo̧ Diosnö yebabinö omukwatö kwösödo, –Isabenö Jo̧ma inesö suli̧ jwibo̧, –jö̧ba̧lö. Ötjönöda omukwatö yebabinö tjö̧bawö kwö̧jo Isaias.

Éxodo 15:16

¡Ayö! jö̧ba̧lö, okobe deinö Canaán nijinö ju̧kwadöma yebabidöda tjuju̧kwobe, kwujulu kwisȩbaja̧ yötjawi̧ tja̧ja̧kwajabetjö̧, jwiinö juluwo̧, jö̧ba̧lö. Jejenö, yebabinö tjuju̧kwobetjö̧ jobadö tjuju̧kwemi döbaledena wi̧inö tjö̧jobe, inawa wi̧achawa ji̧danö. Isabenö Jo̧, ökwödö, ökwö kwömöledö, Egiptotjö dö̧jibinö pjabatö lakebinawö̧ma jobadö tjuju̧kwemi döbaledenanö kabatö jejenö, wi̧inö tjö̧jobe.

Diosnö ösödo̧ Job mikwo̧ usula emawina jawa 13:12

Isabenö mikwawökö ji̧ ökwödö yöka̧laduwi̧ma chömöledö, –Waisanö yöba̧ladösa, –jö̧ba̧lö yöka̧laduwi̧jayonö, mikwawökö ji̧ yöka̧laduwi̧ma, ökwölaso̧pjadanö mikwawökö ji̧ chömöledö. Ja̧danö, –Otiwanö Diosnö tjöbeba̧lö yöba̧ladösa, –jö̧ba̧lö kwomukwataduwijayonö, tjökeba̧laduwi̧ma sule lete'otjö otikwa tjöekwemidanö ichejekwobe chömöledö, otiwanö tjöbeböködöja.