Diosnö ösödo̧ Job mikwo̧ usula emawina jawa 12:2 - Dios Iwene

² —Kwedaduwemi, ökwödödaja, waisanö omukwatadöma, jadanö debö kwi̧'yaduwaja̧ ikenama, waisadö deena bö̧jenöma, jö̧ba̧lö.

Diosnö ösödo̧ Job mikwo̧ usula emawina jawa 12:2 Referans Kwoze

1 Corintios 6:5

Jau chömöledö, jejenö ja̧köbaduwi̧ omukwatö, kwötabakwaduwo chömöledö. Ökwödö Jesúsnö ösödadötjö, ¿bakwo̧bi waiso̧ ö̧jokobeji̧, Jesúsnö ösödadökwö ju'wedö Jesúsnö ösödadökwö wene lȩekwa yöawo jö̧ba̧löma?

1 Corintios 4:10

Jau chömöledö, Cristo ömöledödobetjö̧, wajwibadödanö dichejekwa. Jejenö dichejekwonö, ökwödö Cristo ömöledö ja̧nö, Aaa, waisadösa jö̧ba̧lö kwomukwataduwobe. Ja̧danö, dujulu jwibadödanö dichejekwijayonö, ökwödöma Aaa juluwadösa jö̧ba̧lö kwomukwataduwobe. Ja̧danö, ju'wedö ökwödönö Aaa, jobadö Corintio jojodöma otiwadö jö̧ba̧lö tjomukwatonö, ökwödönö sulabedö jö̧ba̧lö tjomukwatobe.

Isaías 5:21

Isabenö usula tjemawakwedö, —Waisanö omukwatadösa, okobe jwiinö waisakwawa jawa waisadösa, —jö̧ba̧lö sulabenö omukwatadöma.

Proverbios 28:11

Ja̧danö, ju'wibi yötawa: Balada luwo̧ma itedada, ötjöma jweinö omukwato̧sa, jö̧ba̧lö, omukwatobe. Jobekwö omukwatijayonö jelo̧, balada jwibo̧ma, di̧ya sulojobö jö̧ba̧lö, di̧ya otiwojobö jö̧ba̧lö waiso̧ma balada luwo̧nö öwaisachibökwe. Balada jwibo̧ma balada luwo̧nö edö omajade okwanö öwaisachibökwe, jweinö omukwatoböma wajwibo̧, jö̧ba̧lö.

Diosnö ösödo̧ Job mikwo̧ usula emawina jawa 20:3

Jau Job, tabakwö chö̧jotö jö̧ba̧lö, sulabenö yöka̧lajabe ötjönö, ja̧danö yöka̧laja̧ okwa jawa otiwanö cha̧ja̧kwobetjö̧, isabenö otiwanö chatadobö jo̧be.

Diosnö ösödo̧ Job mikwo̧ usula emawina jawa 17:10

Okobe deinö jobekwö omukwatadönö, baikwö yöta̧la, –Chöba a'o ichibö, ötjökwö jwöjwököbaduwo, ötjönö kwö̧ba̧ja̧daduwakobetjö̧, –jö̧ba̧lö. Jo̧kwaijayonö, chedemi okobe deinö jobadö chöba a'ö ichibö tjö̧jitjö̧ma, jobadötjö bakwo̧bi isabenö waisanö omukwato̧nö chöbadekwajökena, –Otiwanö omukwatadösa, –jö̧tja̧lonö, isabenö wajwiböda tjomukwatobetjö̧.

Diosnö ösödo̧ Job mikwo̧ usula emawina jawa 15:2

—Job, isabenö waisanö omukwato̧ kwö̧jitjö̧ma, yöka̧laja̧danö yöka̧loko jö̧ka̧lajena, baikwö yötawa: Isabenö waisadöma, mikwa jwii̧ jawa yöba̧löködö, –Waisakwawa jawa yötawaduwakwö, –jö̧ba̧lö. Ja̧danö, jwa̧le'epjo buluwanö jwa̧le'ewi̧danö, labinö mikwa jwii̧ jawa yöba̧löködö.

Diosnö ösödo̧ Job mikwo̧ usula emawina jawa 11:12

Ja̧ wene omukwatö, jweinö kwomukwato jö̧ka̧lajabe Job, jo̧kwaijayonö wajwibö sulabenö omukwato̧ja, baikwö wanedö yötawa: Tebonö ju̧kwadö bulu̧dö tji̧tji̧munö tjemenama, jojoso̧nö tjemenaji̧? Bulu̧döma la'akatjöda jojodönö emöködö, jö̧tö? Ja̧danö, ökwö wajwibö sulabenö kwomukwati̧danö omukwatadöma, la'akatjöda waisanö omukwatadö babiböködö.

Diosnö ösödo̧ Job mikwo̧ usula emawina jawa 11:6

Okobe jwiinö waisanö omukwato̧ Diosma Job, jo̧kwajabetjö̧ jo̧bada ökwönö ataditjö̧ma, waisanö omukwatakwawa okwa jawa labebö lobö yöawena. Ja̧danö, baikwö yötawakwö Job, –Wene jwibo̧sa —jö̧ba̧lö yöka̧lajayonö, isabenö wene juna̧lo̧ja, ja̧danö, –Nöinö lȩebökwesa, –jö̧ba̧lö budekwö yöka̧lijayonö, ja'yubeda Dios lȩebökweja. Sulabenö ja̧köbiökwe, isabenö babe lȩebi̧tjö̧ bajalekwönönö labinö ökwönö lȩebobö jo̧be.

Diosnö ösödo̧ Job mikwo̧ usula emawina jawa 11:2

—Bakwo̧ nöinö yöa̧litjö̧ma, jelo̧ atadobö jwienaji̧? Bakwo̧ nöinö yöa̧liawö̧, –Bitema isabenö wene jwibo̧, –jö̧ba̧lö tjomukwatobö jȩnaji̧?

Diosnö ösödo̧ Job mikwo̧ usula emawina jawa 12:1

Zofar jejenö yöa̧lökwe, Jobma atadö yöa̧linobe:

Diosnö ösödo̧ Job mikwo̧ usula emawina jawa 26:3

Ayö, öwaetjöda okobe jwiinö kwöwaisaduwi̧ i̧sȩbö, waisanö omukwatakwawa wajwibo̧nö, otiwanö öwaisachibobö yökawaduwajabe.