Diosnö ösödo̧ Job mikwo̧ usula emawina jawa 12:18 - Dios Iwene

¹⁸ Jo̧bada inesö la'aka luwedö tjujulu 'döbebö, ju'wedö tjömöayedö batjibanö webo̧ma.

Diosnö ösödo̧ Job mikwo̧ usula emawina jawa 12:18 Referans Kwoze

Daniel 2:21

Isabenö Diosda tupakwö baledakwa̧ omukwatö juno̧ma, babe baledakwa̧bi tupakwö baledakwa̧bi. La'aka luwedötjö ju'wedönö la'aka luwedö tjö̧ji̧tjö latjebobö webo̧ Diosma, ja̧danö la'aka luwedö tjö̧jinemi balekwedönö webo̧. Diosda jojodö waisanö omukwatadö batjibobö pjabato̧ma, ja̧danö jo̧bada waisachadö nöinö tjöwaisachibobö pjabato̧ma.

Apocalipsis 19:16

Jo̧ba ökamijido̧nöbi i̧sȩ'bonöbi wȩyukwo̧, Ötjödasa Inesö La'aka Luwo̧ma, jö̧ba̧lö, wȩyukwo̧. Ja̧danö, Jojodö inesö tjuluwo̧, jö̧ba̧lö wȩyukwo̧ ökamijido̧nöbi, i̧sȩ'bonöbi. Jejenö chedijatö mölejȩ apjude po̧ekwobema.

Mateo 3:4

Jo̧ba Juanma ajwikwawedö kameyu ötjabiwö̧ tjöwö'yetjö otikwado̧ 'duawinobe, ja̧danö koleasö̧jȩ ajwikwawedö tji̧sȩdo̧tjö ötikwö̧jȩ u'dumawinobe. U̧kwama, ma̧la̧kayunö ukwinobe, ja̧danö tebotjö emawa wa̧yo̧ owinobe.

Diosnö ösödo̧ Job mikwo̧ usula emawina jawa 3:14

Jau, ö'wö batibinatjö̧ma, damötjö ji̧nadö la'aka luwedökwöbi, tjömöayedö waisanö tjomukwatobö pjabatadökwöbi wene jwiinö chabo jö̧ta̧lena, inesö otiweju babe ida̧ökö suli̧ waekwinejunö ju̧kwinadö la'aka luwedökwö chabo jö̧ta̧lena.

Diosnö ösödo̧ Job mikwo̧ usula emawina jawa 12:21

—La'aka luwedönö, ju'wedö –Bidöma mikwawöködö, –jö̧ba̧lö tjöpöjödobö webo̧ Diosma, ja̧danö juluwadönö, tjujulu jwibadö batjibanö webo̧ma Diosda.

Isaías 5:27

Ja̧danö tjichenema, tjime'dawachibökakwedö, ja̧danö töbö metjö̧kakwedö, ja̧danö tjabökakwedö, abökönö juluwanö tjichibakobetjö̧. Ja̧danö koleasö̧jȩ ejachibikönö, ja̧danö sapatu di̧atakwawö̧jȩ 'döawökönö tjichobö weakobe, otiwanö tjölakwabikwawakobetjö̧.