Biblia Todo Logo
Bib sou entènèt

- Piblisite -




Diosnö ösödo̧ Job mikwo̧ usula emawina jawa 11:13 - Dios Iwene

13 —Isabenö sulabenö kwomukwati̧ kabatibö, kwöbalewacho Job, ja̧danö balewachajo̧, Diosnö akebo.

Gade chapit la Kopi




Diosnö ösödo̧ Job mikwo̧ usula emawina jawa 11:13
18 Referans Kwoze  

Jemi ikenama, Samuelma okobe deinö israel jojodönö yöa̧linobe: —Isabenö jwaikwöda Isabenö Jo̧nö kwösödaduwitjö̧ma, okobe deinö ju'wedö tjösödawö̧ o̧'wo jawa kabatibö loköbaduwo, Asterot ötjaboko jo̧'wo jawabi, ju'wedö tjösödawö̧ tjo̧'wo jawabi. Ja̧danö, jobadönö kabatibajadö, yemidanö jwaikwöda Isabenö Jo̧nöda ösödö, jo̧ba wei̧da kwa̧ja̧kaduwitjö̧ma, isabenö ökwödönö pjaatakwo̧ Diosma, filisteo jojodö tjujulutjö kwö̧jibaduwinö, —jö̧ba̧lö.


Jau chömöledö, jo̧ba ömöayo̧ sulabo̧ma, uluwo̧ wei̧ öwaisinobe, uluwo̧ ȩwa̧jakwa̧ abönö otido jö̧a̧li̧ma. Jo̧kwaijayonö, uluwo̧ wei̧ öwaisijayonö, uluwo̧ wei̧danö ja̧inokobe, ja̧danö uluwo̧ ȩwa̧jakwa̧ jawa otidinokobe. Jo̧kwaiökwe, uluwo̧ma isabenö jo̧banö labinö kwakwaakobe chömöledö, öwaisijayonö öwaisi̧danö ja̧okobetjö̧.


Tupakwö yöa̧linobe Elifazma, Jobnö: —Job, ökwö usula kwemawi̧danö, ötjöbi usula chemawitjö̧ma, jweinö omukwatö, Diosnö atebena, lȩlöjinö edö pjaatobö. Jau Job, ötjöma Diosnö atebena, –Chuluwo̧ Dios, isabenö usula emawo̧sa, lȩlöjinö edö pjakatobö atebakwö, –Diosnöda atebo jö̧ta̧lena. Ökwöbi, tajawedö jejenö akebokobeda?


—Isabenö yötawakwö Job, babe ökwönö baledi̧ jawama: Sulabenö ja̧köbiökwe, Diosma ökwönö jweebotö jö̧ba̧lö lȩbebo̧. Ja̧danö, Dios jweebi̧ öpöjödökönö, otiwanö kwa̧ja̧kwitjö̧ma, isabenö kwo̧'wo ösöwachibanö kwö̧jakwo̧ja. Jau Job, Diosma bakwo̧nö jweebitjö̧ma, isabenö o̧'wo ösöwanö ö̧jobö jo̧be jweebökwema, –Dios otiwanö pjaatökwesa, –jö̧ba̧lö. Jo̧kwajabetjö̧ kwöpöjödoko Okobe Jwiinö Juluwo̧ Dios ökwönö jweebi̧ma, baikwö labebö lobö yötawa:


Tajawedö kwödameakwobeda kwomajadenö, ja̧danö tajawedö kwöbajale duwamachibanö kwölabobeda?


Jau Job, sulabenö ja̧awa kwejutjö 'da̧batö junö, tjebachajö Okobe Jwiinö Juluwo̧ Diosnö kwösöditjö̧ma, isabenö ökwönö pjaatakwo̧.


Diosnö akebakwo̧ja, ja̧danö akebiökwe, ökwönö a̧ja̧kwakwo̧ Diosma. –Isabenö Diosnö chiyakwo̧sa, –jö̧ba̧lajo̧, waekwökönö yöbawö kwujunaja̧danö isabenö Diosnö kwiyakwo̧ja,


Jejenö jö̧a̧lökwe jöba̧lijetö Moisésma: —Jao kwatjö̧ma, bemi comunidadtjö atebena chömamiju mölejebekwö kabebö Isabenö Jo̧nö atebocha. Ikenama böba kwaawökönöbi, ja̧danö, inawi̧ya̧ tjoduwökönöbi baibakobe. Jejenö baibena kwöwaisachibakobe: Bö̧jenö baledi̧ma Isabenö Jo̧ Diosda wei̧, jojodö ösödö wetji̧makö, jö̧ba̧lö.


Swiv nou:

Piblisite


Piblisite