Diosnö ösödo̧ Job mikwo̧ usula emawina jawa 11:10 - Dios Iwene

¹⁰ —Jau Job, Dios ichibö, ju'wedönö ka̧lena öditjö̧ma, ja̧danö lödajo̧, lȩekwa luwedö tjöba a'o ujunitjö̧ma, bakwo̧bi tjöbeba̧lö, –Bidönö lȩkeboko, –jö̧ba̧lö bakwo̧bi tjöbeba̧lo̧ ö̧jȩnaji̧? Deobe.

Diosnö ösödo̧ Job mikwo̧ usula emawina jawa 11:10 Referans Kwoze

Apocalipsis 3:7

Ja̧danö, chedökwema ina chiwȩyudobö weijatö: —Juan, biya̧ yötawi̧ma wȩyudi weköbo, Filadelfia jojodötjö ötjönö ko̧ko̧kwa̧lö ba̧nö ösödadönö te'ada̧lakwawa jojonöma. Jo̧banö weköbo, jobe ju̧kwadö ötjönö ösödadönö biya̧ yötawi̧ yöawo. Baikwö wȩyudi weköbo: Biya̧ chiwȩyudi̧ma suli̧ jwibo̧ yöawi̧. Ja̧danö, jö̧a̧linadanö ja̧bo̧ yöawi̧, biya̧ chiwȩyudi̧ma. Ja̧danö, jo̧bama la'aka luwo̧ Davidmine u̧kwa yawepi̧ juna̧lo̧. Jo̧bada apjude po̧bebö tebato̧ma. Ja̧danö, jo̧bada apjude yö̧beböbi yö̧bebo̧. Jo̧bama baikwö yöawobe ökwödö Filadelfia jojodönö, jo̧banö ösödadönöma:

Diosnö ösödo̧ Job mikwo̧ usula emawina jawa 12:14

—Isabenö juluwo̧ Diosma, baikwö yötawa: Diosma ju'wi jaye söbebö loitjö̧ma, bakwo̧bi yemidanö otidobö jwiobe. Ja̧danö Diosma bakwo̧nö 'dö̧yatö ödajökwenö, bakwo̧bi ejatobö jwiobe.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Isaías 41:27

Ötjödasa ja̧ baledakwa̧ yöbawinama, ötjöda Sion mösa'onö ju̧kwadönö yötawijatö, —Babeda tjichiba, —jö̧ba̧lö. Ja̧danö ötjöda Jerusalennö ju̧kwadönö yöbawo̧nö webo̧sa, otiwa jawa wene yöawobö.

Diosnö ösödo̧ Job mikwo̧ usula emawina jawa 38:8

Ja̧danö bakwuju jitji̧nö jemakwa̧ abönö, jusulasobu juluwanö ja̧jajibi̧danö, jwaibalawa ajayinö jamatenama, tida jwaibalawa bakwachobe baibanö yöbatö tumatö öninadaja, jwaibalawa tupakwö welachibapji jö̧ba̧löma?

Diosnö ösödo̧ Job mikwo̧ usula emawina jawa 34:29

—Jo̧kwaijayonö ju'wibi yötawakwö, jojodö sulabenö ja̧tjijayonö, lȩbebökönö, –Yadakwöda, –jö̧ba̧lö Dios iteada̧lobö ösöditjö̧ma, yayonö bakwobi jo̧banö yöa̧lobö jwiobe, –Dios, Sulabenö lȩbebö̧kö̧ja, –jö̧ba̧lö, Diosda inesö la'aka luwo̧obetjö̧. Ja̧danö Diosnö tjedapji jö̧ba̧lö, Dios uju̧kwawobö jö̧a̧litjö̧ma, bakwo̧bi jo̧banö edobö jwiena. Jejenö jo̧be Job, ja̧danö ju'wikwenama juluwanö lȩbebökönö, ö̧ji̧ tjedobö i̧sȩbököjayonö, jo̧bada inesö la'aka luwo̧ma, tjitebokwena inesö la'aka luwo̧bi, jojodö bakwo̧nökwena inesö la'aka tjuluwo̧bi jo̧bada.

Diosnö ösödo̧ Job mikwo̧ usula emawina jawa 9:4

Jau, isabenö jwiinö waisanö omukwato̧ Diosma, ja̧danö isabenö jwiinö juluwo̧. Bakwo̧bi Dios öba a'o 'diinö jwöjwöbakwawö jo̧ ö̧jȩnaji̧? Bakwo̧bi Dios öba a'o ja̧nö, isabenö wene jwibo̧sa i̧sȩbo̧ma ö̧jenaji̧? Deobe la'akatjöda. Bakwo̧bi Dios öba a'o 'diinö jo̧ma deobe.

Diosnö ösödo̧ Job mikwo̧ usula emawina jawa 5:18

Jojodönö jweebotö jö̧ba̧lö, isabenö inia tjötjinö webo̧ Diosma, jo̧kwaijayonö ju'wibi, seachibanö pjabato̧. Jau Job, ajayinö jwebebö kwaijayonö, jemi ikenama ju'wibi otiwachibanö otidö lobo̧ Diosma, jo̧kwajabetjö̧ otiwanö jweebi̧ kwa̧ja̧kwo, öpöjödökönö.

Deuteronomio 32:30

Jau, öwaetjöda öwawobe, Isabenö Jo̧ israel jojodönö pjabatökönö ö̧ji̧ma, baikwö yötawa: Inesö tjöeba̧lawa inawadanöbo̧ Diosma ina israel jojodönö pjabatö ö̧jitjö̧ma, döpöjojodöma la'akatjöda ökwödönö tjujuluwoko jö̧tja̧lena. Jo̧kwaijayonö, israel jojodönö pjaatokobetjö̧, tjöpöjojodötjö bakwo̧da milbedö israel jojodönö a'dewö loobe. Ja̧danö tjöpöjojodötjö du̧ju̧tajada inesö ba̧jȩkwadö israel jojodö dötjibajenanö tjujuluwobe. Isabenö yötawaduwakwö chömöledö, Isabenö Jo̧ ökwödönö pjaatitjö̧ma, la'akatjöda baledoko jö̧a̧lena jejenöma.

Diosnö ösödo̧ Job mikwo̧ usula emawina jawa 11:9

ja̧danö bö̧jȩ bajaletjö tupakwönönö ji̧, ja̧danö jwaibalawatjö bajalekwönönö jalobe ji̧, okobe jwiinö Dios jawa tjöwaisachobö jwii̧, la'akatjöda.

Isaías 14:27

Isabenö Jo̧ Okobe Jwiinö Juluwo̧ Diosda jobekwö omudawö ujunajabe, ja̧danö jobekwö omudawö ujunajobema, bakwo̧bi omudawö ujunaja̧ balewö lobo̧ma ö̧jȩnaji̧? Ja̧danö jo̧ba Diosda ömamu kabebö i̧sȩba̧lö ö̧jobema, bakwo̧bi kwabökönö kaatibobö webo̧ma ö̧jenaji̧? Deobe, isabenö Dios omudawö ujunaja̧danö baledakobe.