Diosnö ösödo̧ Job mikwo̧ usula emawina jawa 1:3 - Dios Iwene

³ Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Diosnö ösödo̧ Job mikwo̧ usula emawina jawa 1:3 Referans Kwoze

Diosnö ösödo̧ Job mikwo̧ usula emawina jawa 29:25

—Ja̧ möle isabenö la'aka luwo̧ ö̧ji̧danö chö̧jijatö, tjuluwo̧danö otiwanö tji̧'yakwa̧ma mana chi̧sȩbijatö, ja̧danö la'aka luwo̧ iteda ömöayedö ölakwabikwawa jojodönö öbibö ö̧jidanö, jojodönö öbibö chö̧jijatö, ja̧danö tjo̧'wo tjo̧achö budekwadönö tjo̧'wo ösöwachibanö pjabato̧danö chö̧jijatö, isabenö otiwanö jojodönö pjabatö chö̧jinobetjö̧, —jö̧ba̧lö yöa̧linobe Jobma, ajayinö otiwanö ö̧jina jawama.

Diosnö ösödo̧ Job mikwo̧ usula emawina jawa 42:12

Isabenö otiwanö Jobnö iyinobe Isabenö Jo̧ma. Usula emawakwa abönö otiwanö iyinatjö bajalekwönönö, usula emawaja̧ o̧pe jwiinö otiwanö iyinobe. Jejenö otiwanö iyiökwe, obejadö catorce milbedönö ajikwinobe Jobma, ja̧danö camellodö seis milbedönö ajikwinobe, ja̧danö pakayadö dos milbedönö ajikwinobe, ja̧danö bu̧lu̧dö ya̧dönö, milbedönö ajikwinobe.

Jueces 6:3

Isabenö usula tjemawinö ja̧tjinobe, ba̧kwelöjatebö israel jojodö batjo tjotidenama, wa̧ji̧ emajitja möle baibakwa̧ abönö madianitas jojodöbi, amalecitas jojodöbi, ju'wedö jawo̧ laebobekwö ju̧kwadöbi tjönaukwobö tjichinobe.

1 Reyes 4:30

Okobe deinö jawo̧ laebobekwö ju̧kwadötjö, bajalekwönönö waisanö omukwato̧ ö̧jinobe Salomonma, ja̧danö okobe deinö Egipto nijitjö waisanö omukwatadö ötjabawö̧tjö, bajalekwönönö waisanö omukwato̧ ö̧jinobe.

Proverbios 10:22

Ja̧danö, ju'wibi yötawa: Isabenö Jo̧ma otiwanö edö pjaatobe jojodötjö ju'wedönöma, balada tju̧juna̧lobö. Idöda nöinö tjotidi̧ma pjaatokobe tju̧juna̧lobö. Isabenö Jo̧da tju̧juna̧lobö pjabato̧ma.

Génesis 12:16

Ja̧danö, faraónma Sarainö jwiinö ösödijetö. Jo̧kwaobetjö̧ otiwanö iyijetö Abramnöma, bisu jöpöe, jö̧ba̧lö. O̧bȩja̧dönöbi, pa̧ka̧yö̧nöbi, ömöayedö ömadönöbi ya̧dönöbi, bu̧lu̧dö ömadönöbi ya̧dönöbi, ka̧mȩyu̧dönöbi iyijetö faraónma Abramnöma.

Génesis 12:5

Ja̧danö, Harántjö labebö 'yi̧jetö Abramma, öjawo̧mine itji̧ Lotkwö, ja̧danö, ilekwo Saraikwö. Ja̧danö, okobe jwiinö tjiteabi, tja̧jwi̧munöbi, Harántjö midö tjeminawö̧ tjömöayedönöbi öbibö 'yi̧jadötö Canaán nijibe. 'Ya̧jadöma Canaán nijinö ichibijadötö.

Génesis 29:1

Ikenama Jacobma ja̧wo̧ laebobekwö 'yi̧jetö ojo'do jömöledö tjitebobe.

Génesis 13:6

Ja̧danö Abram a̧jwi̧mu, Lot a̧jwi̧mu ba̧jekwadötjobetjö̧ okobe deinö tjukwa'ye meje'ye, tjowobu ojwiyo jwiijetö. Jwiiawö̧ bakwena tjuju̧kwoböma jwiijetö.

2 Reyes 3:4

Moab niji la'aka luwo̧ Mesa mikwo̧ma, obejadönö ajwikwö ö̧jinobe, ja̧danö Israel niji la'aka luwo̧ ömöayo̧ ö̧jobetjö̧, o̧bakwena obejadö tji̧tji̧munö cien milbedönö iyobö ji̧nobe, ja̧danö obejadö ömadö cien milbedö tjöwö'yebi iyobö ji̧nobe.

1 Samuel 25:2

Ja̧danö jobe Maon comunidadnö bakwo̧ ö̧jinobe, yöne comunidad Carmeltjö niji junalo̧. Jo̧bama nöinö juna̧lo̧ ö̧jinobe, a̧jwi̧munö ba̧jȩkwadönö ujuna̧linobe, obejadötjö tres mil jenanö, ja̧danö chivodötjö mil jenanö. Ja̧danö, ja̧ möle jo̧bama ömöayedökwö a̧jwi̧mu obejadö tjöwö'ye 'wibö otidö ö̧jinobe, Carmel comunidadtjö.

Jueces 6:5

Isabenö ba̧jekwadö suli̧ waedö ichibiatjinobe tjajwi̧mukwöbi, tjejubiakwöbi ichibö. Ma̧la̧ka̧yö̧ tjö̧ba̧jekwi̧danö, jwiinö ba̧jȩkwadö suli̧ waedö tjichinobe, jojodönöbi, tjajwimu camellodönöbi tjö̧ba̧ja̧dökenanö ba̧jȩkwadö tjichinobe. Ja̧danö ichibö, okobe jwiinö israel jojodö tjitebo niji suli̧ tjöwaedinobe.

Génesis 34:23

Jejenö atjebinadanö ja̧ditjö̧ma okobe jwiinö jobadö tjujuna̧li̧ma, tjiteabi, tja̧jwi̧munöbi, ökwödöda dujuna̧li̧nö baibakobe. Jo̧kwaobetjö̧ yöta̧laduwakwö. Atjebinadanö ja̧daduwo bena ditebonöda tjuju̧kwakobetjö̧, ȩwa̧jökönö— yöbawijetö Hamorma.

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Jueces 8:10

Inesö la'aka luwedö Zebabi, Zalmunabi Carcor comunidadnö tjö̧jinobe, tjömöayedötjö ji̧bajadökö, quince milbedökwö. Ajayinö yelösöda ba̧jȩkwadö tjö̧möayedö jawo̧ laebobekwötjö ichadökwö tjö̧jinobe, ciento treinta y cinco milbedökwö, jo̧kwaijayonö jobadötjö ciento veinte milbedö ölakwabikwawadö ida̧ökö debö tji̧'yajobetjö̧, quince milbedökwöda tjö̧jinobe.

Jueces 7:12

Jwiinö ba̧jȩkwadö madianitas jojodöbi, amalecitas jojodöbi, ju'wedö jawo̧ laebobekwötjö ichajadöbi tjö̧ba̧jekwinobe wabekonö, jwiinö tjö̧ba̧jȩkwobetjö̧ ma̧la̧ka̧yu tjö̧ba̧jekwi̧danö ichejekwinobe, ja̧danö tja̧jwi̧mu ka̧meyudöbi ba̧ja̧dakwawökenanö tjö̧jinobe, jwaibalawa ö'öbö so̧bi̧apu ba̧jȩkwi̧danö.

1 Samuel 27:9

Ja̧danö, David ölakwabikwawö i̧'yenama, baikwö ja̧inobe: Ju'wedönö mebibö ujuluwenama, okobe deinö jojodönö kwabawö loinobe, ömadönöbi, ya̧dönöbi, ja̧danö kwabawö lobajo̧, tjiteaja̧ma eminobe, kamiji̧do̧bi, tja̧jwi̧mu obejadönöbi, pa̧ka̧yadönöbi, bu̧lö̧dönöbi, kameyodönöbi. Ikenama, emö kabatajo̧, Aquis ö̧jobekwö ȩwa̧jiyainobe.

Diosnö ösödo̧ Job mikwo̧ usula emawina jawa 1:4

Job itji̧mu ömadöma, o̧bakwena, bakwo̧nökwena ba'ali juniatjinobe idöda tjejunö, ja̧danö yöne tjö̧jawodö ömadönöbi, ya̧dönöbi a̧debiatjinobe, ichö jobadökwö ba'ali kwanöbi, owöbi tjujunobö.

Diosnö ösödo̧ Job mikwo̧ usula emawina jawa 1:10

Jau, isabenö nöinö Jobnö pjakatajabe, otiwanö tjöekwi̧danö Jobnö tjökeba̧lajabe, Jobnöbi, ömöledönöbi, ju'wi ujuna̧li̧bi suli̧ tjöwaedapji jö̧ba̧lö. Isabenö okobe jwiinö otidi̧tenia otiwanö pjakatajabe, ja̧danö jejenö pjakatökwe, nöinö junalo̧ baibajabe.

Diosnö ösödo̧ Job mikwo̧ usula emawina jawa 21:28

Ökwödöma yöba̧ladöja, –Juluwadötjö sulabedö tjö̧jinejubiyama, söbebö lotjinemi, sulabedö tjö̧jinemima jwiinö söbebö loawemida jo̧be, –jö̧ba̧lö yöka̧laduwobe.

Diosnö ösödo̧ Job mikwo̧ usula emawina jawa 31:25

ja̧danö, –Ötjöda otiwanö otidö, nöinö juna̧lo̧ batibajabe, isabenö otiwanö juna̧lo̧sa, –jö̧ba̧lö, otiwo̧sa jö̧ba̧lö chomukwatitjö̧ma, isabenö Dios lȩebobö jȩna.

Diosnö ösödo̧ Job mikwo̧ usula emawina jawa 31:37

Yebabökönö, la'aka luwo̧ yebabökönö lȩekwa luwo̧ öba a'o ichibi̧danö, yebabökönö inesö lȩekwa luwo̧ Dios öba a'o chichibena, okobe jwiinö ja̧bö chö̧jina jawa labebö lotakobetjö̧.

Diosnö ösödo̧ Job mikwo̧ usula emawina jawa 42:10

Jemi ikenama, Job ömöledönö lȩlöjinö edobö aebaja̧ ikenama, Isabenö Jo̧ma yemidanö otiwanö pjabatö iyinobe Jobnö. Okobe jwiinö ajayinö ujuna̧lina jawa, ajayinö Jobtjö 'döebina jawama, Jobnö tjebatajö iyinobe. Isabenö otiwanö jo̧banö iyinobe, ajayinö ujuna̧linatjö bajalekwönönö dötölatajanö ujuna̧lenanö baibanö.

Génesis 24:35

Ja̧danö, Isabenö Jo̧ Diosma otiwanö pjaatinobe ötjö chuluwo̧nö, balada luwo̧ baibanö. O̧bȩja̧dönöbi, pa̧ka̧yö̧nöbi, platabi, orobi, ömöayedö ömadönöbi ya̧dönöbi, ka̧mȩyu̧dönöbi, bu̧lu̧dönöbi iyinobe Isabenö Jo̧ Diosma chuluwo̧ Abrahamnöma.

Génesis 32:14

Ja̧danö, chi̧wo̧dötjö, o̧bȩja̧dötjö̧ ya̧dönö doscientoskwena 'da̧batö junijetö. Ja̧danö, ömadönöma veintekwena 'da̧batö junijetö.

2 Samuel 12:2

Luwo̧danö jo̧ma, nöinö a̧jwi̧munö ujuna̧linobe, pa̧ka̧yadönöbi, obejadönöbi,

2 Reyes 15:20

Ja̧ plata imidakobetjö̧, Mahanemma okobe deinö israel jojodötjö nöinö juna̧ladönö tjimidobö weinobe, bakwo̧nökwena cincuenta ö̧pibiya tjimidobö, ja̧danö tjimidaja̧ baladatjö Asiria luwo̧nö iyinobe. Ja̧danö, jobekwö iyajökwe, Israel jojodökwö ölakwabikwawökönö ȩwa̧jinobe itebobe.

1 Crónicas 27:30

Ismaelita jojo Obil mikwo̧ma, David ajwimu kameyodönö teada̧lakwawa luwo̧ ö̧jinobe. Meronot comunidad jojo Jehedias mikwo̧ma, David ajwimu burrodönö teada̧lakwawa luwo̧ ö̧jinobe.