Diosnö ösödo̧ Job mikwo̧ usula emawina jawa 1:19 - Dios Iwene

¹⁹ ja̧danö jejenö ba'ali tjujunemi ja'ötjö, ayö, jwa̧le'epjo jwiinö labinö jojodö deobetjö jwa̧le'ewatö, ja̧danö ba'ali tjujuneju labinö kwabibö meajabeta, o̧do jwiinö kwaibanö. Kwitji̧mu okwa tjö̧jonö, kwaibajabeta chuluwo̧, okobe deinö kwitji̧mu debö tji̧'yinö, ja̧danö okobe deinö jobe ju̧kwadötjö ji̧bajo̧ma ötjödasa, ja̧danö ökwönö yöbawö chichajabe, —jö̧ba̧lö yöawinobe Jobnö.

Diosnö ösödo̧ Job mikwo̧ usula emawina jawa 1:19 Referans Kwoze

Efesios 2:2

Jejenö ja̧böda ju̧kwiaköbinaduwobe ökwödöma, Diosnö wajwibadö sulabenö ja̧tji̧danö ja̧bö. Ja̧danö, Awetja ösödi̧da ja̧bö ju̧kwiaköbinaduwobe. Jo̧bama iteda ömöayedönö, öwawöködönö webo̧. Ja̧danö, babema böjȩnö ju̧kwadönöbi webo̧, Dios wei̧ öpöjödadönö.

Hechos 28:4

Jobe ju̧kwadöma a̧ko'da Pablonö yö̧obe edö yötja̧lakwawijatö: —¡Ayö! Isabenö bite a̧ko'da yö̧ajökwema jojonö kwabö lobina. Ojwe okwatjö ö̧jibajayonö babema ö̧jibökö. Ö'wö baibakwo̧— yötja̧lakwawijatö.

1 Reyes 20:30

Ja̧danö, jejenö kwabö lotjiawö̧, siria jojodötjö ji̧bajadöma Afec comunidadbe dötjibajinobe, tjöekwemi o̧pe tjö̧jibobö, jo̧kwaijayonö Afec comunidad tjöekwemi jobadönö kwaibinobe, ja̧danö veintisiete milbedönö 'dabebö loinobe. Siria la'aka luwo̧ Ben-adadbi Afec comunidadbe döibajinobe, jadanö comunidad okwa tebachajo̧, okwasȩko̧nö uju̧kwawinobe.

2 Samuel 18:33

Jejenö yöawökwe, jwiinö o̧'wo tjo̧achinobe Davidma, ja̧danö o̧'wo tjo̧achö, apjude wamesȩko̧be budekwö önöchinobe. Ja̧danö 'ya̧nö, —Chitji̧ Absalonwe, chitji̧ Absalonwe, ökwö 'yaba̧lo̧ kwö̧jonö ötjöda ö'wö batibatjö̧ma, otiwo jö̧a̧lajena, chitji̧we, chitji̧we, —jö̧ba̧lö o̧'wo tjoachö ubudekwinobe Davidma.

Jueces 16:30

Ja̧danö, —Bidö filisteo jojodökwö bakobe ö'wö batibobö webitjö, —jö̧ba̧lö Diosnö aebinobe, ja̧danö abebajo̧ 'diinö jiinobe, okobe jwiinö ujulunö. Ja̧danö, ö'weje okwi'iju 'dainobe, ja̧danö okobe jwiinö o̧do meinobe, filisteo jojodötjö luwedönöbi, ju'wedö jobe ju̧kwadö filisteo jojodönöbi. Jejenö ba̧jȩkwadönö kwabö loinobe Sansonma, ina 'ya̧alayi kwabawö loinawö̧tjö bajalekwönönö, ja̧ mölȩ ba̧jȩkwadönö kwabö loinobe Sansonma, bakobe jobadökwö ö'wö baibenama.

Génesis 42:36

Ikenama tjabe'do Jacobma jö̧ba̧lijetö i̧tji̧munö: —¡Ayö chi̧tji̧muwe! Chö̧jelma kwe'ewinaduwobe chi̧tji̧mu̧nö du̧ju̧tajanö. Josébi dea. Simeónbi dea. Babebi ¿kwe'ewaduwo jö̧ka̧laduwiji̧ Benjamínnöbi? ¡Ötjöwe! Ökwödömaö̧kö̧, kwabe'doduwida usula emawo̧sa— budewabinö jö̧ba̧lijetö.

Mateo 7:27

ojwiyo nöinö o̧ba̧lena, ja̧danö ojwe okwatena, ja̧danö jwa̧lȩ'epjo labinö jwa̧le'ewenama, meeju, isabenö okobe jwiinö meeju jwiinö baibanö— jö̧ba̧lö yöawinobe Jesúsma.

Diosnö ösödo̧ Job mikwo̧ usula emawina jawa 1:18

Ja̧danö jo̧ba ina yöawonö, jelo̧ yöbawo̧bi ichibinobe, ja̧danö ichibajo̧ yöawinobe, —Ayö chuluwo̧, kwitji̧mu ömadöbi, ya̧döbi kwanöbi, ubasobu o̧'do̧bu öwöbi ba'ali tjujunatö tjöpöe abönö pöe ejunö,

Diosnö ösödo̧ Job mikwo̧ usula emawina jawa 1:20

Jejenö yötjawiökwe, Jobma jwiinö o̧'wo tjoachinobe, ja̧danö a̧la̧ibö ö̧kamijido̧ kȩ'ekwö loinobe, ja̧danö öwö'ye jwobawö loinobe, jwiinö o̧'wo tjo̧acho̧sa, jö̧ba̧lö. Ja̧danö, Dios öba a'o mebö bamatö, Diosnö ösödinobe,