Isaías 9:16 - Dios Iwene

¹⁶ Jau, israel jojodö tjuluwedöma sulabenö ötjibajabe israel jojodönö, ja̧danö jobekwö sulabenö ötjibiawö̧, tjömöayedö israel jojodöma wajwibö omukwatadö, —Otiwanö omukwatakwawama, diyajö, —jö̧ba̧lö.

Isaías 9:16 Referans Kwoze

Isaías 3:12

Ötjö chömöledö Juda jojodöwe. Tjemu la'aka luwedö babibinadöma, sulabenö ja̧badö chömöledö Juda jojodönö, ja̧danö ya̧döda chömöledö israel jojodönö webö jadö. Chömöledöwe! Ökwödönö öbibö jwebebadöma, ö'öbönö ötjibawö̧ja, jweinö kwi̧'yaduwakwa̧ma wajwiköbaduwenanö baibanö.

Hebreos 7:7

Chömöledö, ökwödöma okobe deinö döwaisa, jo̧kwadabo̧ma iteda uluwo̧nö yöawinokobe, Diosma ökwönö otiwanö pjaatakwo̧, jö̧ba̧lö. O̧penönö jo̧da, jejenö yöa̧lobe jo̧banötjö baikwönönö jo̧nö. Bakwo̧bi deobe, jejenömaökö, jö̧ba̧lo̧ma. Jo̧kwaobetjö̧ döwaisa, Melquisedecma Abrahamnötjö o̧penönö inesö jo̧obetjö̧ jejenö yöawinobe, Diosma ökwönö otiwanö pjaatakwo̧, jö̧ba̧lö. Ja̧ yöawinama i̧sebobe ökwödönöma, Melquisedecma Abrahamnötjö o̧penönö jo̧, jö̧ba̧lö.

Isaías 19:14

Jau, okwa jawa omukwatöködö batjibanö weajabe Isabenö Jo̧ma, ja̧danö okobe jwiinö ja̧bö tjö̧ji̧ma, sulabenö öbibadö Egipto jojodönö, Egipto jojodöma jwiinö 'dukwachökwe etekwawo̧danö tjichejekwenanö baibanö, etekwawaja̧nö sayuwena mebabinö kwebacho̧danö tjichejekwenanö baibanö.

Isaías 5:25

Jau chömöledö, yöta̧laja̧danö sulabenö ja̧tjiökwe, isabenö ödameakwachibajabe Isabenö Jo̧ma, iteda ömöledö israel jojodönö, ja̧danö ömamu kabebö, jobadönö kwaajabe. Jobekwö kwaobetjö̧, mösa'ijuma tjö̧awobe, ja̧danö kwaajawö̧ tjiteba'ijuma, comunidad mananö bo̧be, sula'wo bi̧danö. Ja̧danö ida̧ökö bakwötanö kwaajayonö, ina seachibokobe Isabenö Jo̧ inesö ödameakwi̧ma, ja̧danö ina öja i̧sȩba̧lö jo̧, yemidanö kwaakobetjö̧.

Isaías 10:4

Isabenö ji̧ikwa jwiköbaduwakwedöja, sule dötölataja jawada kwöbaledaduwobö ja̧kobe, tjujuluwajawö̧, jelobekwö ökwödönö töbö ötjibawö̧ kwi̧'yaduwoböö̧kö̧, kwabö lotjawö̧ debö kwi̧'yaduwoböö̧kö̧, isabenö ji̧ikwa jwiakobe ökwödönö. Ja̧danö jobekwö ökwödönö lȩebijayonö, ina iteda ömamu kabebö i̧sȩba̧lö ö̧jakwo̧ Diosma, tupakwönönö ökwödönö kwaakobetjö̧, ¡ökwödöwe!