Jau, chöba a'otjö juluwöködö jobadö bö̧je luwedöma, baikwö yöta̧la: Siria nijitjö la'aka comunidadma, sule Damasco comunidadda, ja̧danö Damasco comunidad la'aka luwo̧ma, sule Rezin mikwo̧da. Ja̧danö israel niji baikwö yöta̧la, ja'yubeda lekwajabetjö̧ tjöpöjojodöma söbebö lotjakobe israel nijima, israelsaso ötjabawö̧ma deinö baibanö.
Isaías 9:11 - Dios Iwene11 Jobekwö sulabenö tjö̧jiökwe, Isabenö Jo̧ma tjöpöjojodönö weakobe, Siria niji la'aka luwo̧ Rezin mikwo̧ öpöjojodö Asiria jojodönö, ja̧danö ju'wedö israel jojodö tjöpöjojodönö weakobe, jobadöbi israel jojodönö metji̧bakobetjö̧. Gade chapit la |
Isaías 9:11
10 Referans Kwoze
Ja̧danö, jobekwö aebiökwe, Acaz aebaja̧ a̧ja̧kwinobe Asiria la'aka luwo̧ma, ja̧danö Siria la'aka comunidad Damasco meibinobe. Mebibajo̧, Damasco comunidad ujulwinobe, ja̧danö Siria la'aka luwo̧ Rezinnö kwabö loinobe. Ja̧danö, Damasco comunidad juluwajo̧, Damasco comunidadnö ju̧kwinadönö tjitebotjö laebinobe, ja̧danö jobadönö öbibö ujuninobe, Asiria niji comunidad Kirnö tjö̧jobö.
Ja̧danö, Peka israel la'aka luwo̧ öjonö, Asiria la'aka luwo̧ Tiglat-pileser mikwo̧ma israel nijibe ölakwabikwawö ichinobe, ja̧danö ichibajo̧ Ijon comunidadbi, Abel-bet-maaca comunidadbi, Janoa comunidadbi, Cedes comunidadbi, Hazor comunidadbi, Galaad nijibi, Galilea nijibi, okobe jwiinö Neftalisaso nijibi mebibö ujuluwinobe. Ja̧danö, juluwajo̧, jobe ju̧kwinadönö do̧batö, tjitebotjö labebö öibinobe jobadönö, iteda itebo Asiriabe.
Juda niji inesö la'aka luwo̧ Acaz mikwo̧ webö ö̧jena baledina jawa baikwö laebobe. Acazma ajayi inesö la'aka luwo̧ Uzias mikwo̧ ö̧'dö̧ ö̧jinobe, ja̧danö ikena la'aka luwo̧ Jotan mikwo̧ itji̧ ö̧jinobe, ja̧danö jo̧ba Acas inesö la'aka luwo̧ ö̧jemi ja'ötjö, siria niji la'aka luwo̧ Rezin mikwo̧bi, israel niji la'aka luwo̧ Peka mikwo̧bi tjömöayedö ölakwabikwawa jojodökwö Jerusalen comunidadbe tjichibinobe, Jerusalennö ju̧kwadönö tjujuluwobö. Jo̧kwaijayonö, tjujuluwobö jö̧tja̧lima waekwinobe. Baikwö laebobe ja̧ baledina jawama:
Jau chömöledö, yöta̧laja̧danö sulabenö ja̧tjiökwe, isabenö ödameakwachibajabe Isabenö Jo̧ma, iteda ömöledö israel jojodönö, ja̧danö ömamu kabebö, jobadönö kwaajabe. Jobekwö kwaobetjö̧, mösa'ijuma tjö̧awobe, ja̧danö kwaajawö̧ tjiteba'ijuma, comunidad mananö bo̧be, sula'wo bi̧danö. Ja̧danö ida̧ökö bakwötanö kwaajayonö, ina seachibokobe Isabenö Jo̧ inesö ödameakwi̧ma, ja̧danö ina öja i̧sȩba̧lö jo̧, yemidanö kwaakobetjö̧.
Isabenö ji̧ikwa jwiköbaduwakwedöja, sule dötölataja jawada kwöbaledaduwobö ja̧kobe, tjujuluwajawö̧, jelobekwö ökwödönö töbö ötjibawö̧ kwi̧'yaduwoböö̧kö̧, kwabö lotjawö̧ debö kwi̧'yaduwoböö̧kö̧, isabenö ji̧ikwa jwiakobe ökwödönö. Ja̧danö jobekwö ökwödönö lȩebijayonö, ina iteda ömamu kabebö i̧sȩba̧lö ö̧jakwo̧ Diosma, tupakwönönö ökwödönö kwaakobetjö̧, ¡ökwödöwe!
Efrainsaso jojodötjö 'dukwachawö̧ tjubutjawakadanö ji̧ma, Samaria comunidad, —Inesö otiwemi, —jö̧ba̧lö. Jau, jobadö nöinö ubasobu o̧wa̧lö, 'dukwachawö̧ babibajadö tjö̧jemi wabeko ö'öbö mösa'o otiwa'o wame öwawinö jo̧be Samaria comunidadma, ja̧danö mösa'o wa̧pekwa'o ja̧nö, butjawakadanö ichejekwobe. Jau, butjawaka otiwakadanö, o̧bubia jwiinö otiwo̧'o̧bu ji̧danö ichejekwobe Samaria comunidadma. Jo̧kwaijayonö, o̧bubiya damö jawa babibö, suli̧ waekwi̧danö baledakobe Samaria comunidadma, Samaria comunidadwe.
Piblisite