Isaías 65:1 - Dios Iwene

¹ Baikwö yöawobe Isabenö Jo̧ma: Isabenö chömöledönö cha̧ja̧kwobö chiteada̧lijatö, jo̧kwaijayonö atjebinokobe chömöledöma. Ja̧danö ötjönö tjöbadekwajobö chi̧sȩkwijayonö, ötjönö tjisakwinokobe chömöledöma. Chömöledö israel jojodö ötjönö, —Isabenö Jo̧, pjabati, —jö̧ba̧lö atjebököjayonö, jobadönö pjatatotö jö̧ba̧lö yöta̧lijatö, —Bai chö̧ja chömöledö, akebaduwotjö, —jö̧ba̧lö.

Isaías 65:1 Referans Kwoze

Romanos 10:20

Ja̧danö, Dios iwene wȩyudina Isaíasbi biya̧ wene yebabökönö iwȩyudinobe, Dios Israel jojodöböködönö yöawi̧ma. Baikwö laebobe Isaías iwȩyudinama: Ötjönö Diosnö isakwöködöma, tjisakwököjayonö, ötjönö tjöbadekwajinobe. Ja̧danö, ötjönö isakwö abebinöködöma, jobadönö chi̧sekwijatö, ötjönö tjedobö, jö̧ba̧lö laebobe Dios Israel jojodöböködönö yöawinama.

1 Pedro 2:10

Ajayinöma Dios ömöledöbinöködö kwö̧jinaduwobe chömöledö, jo̧kwaijayonö Dios ömöledöbinöködö kwö̧jinaduwijayonö babema Diosda ömöledöja chömöledö. Ja̧danö ajayinöma Dios lȩlö̧jinö edököwö̧ kwö̧jinaduwajayonö, babema Dios lȩlö̧jinö edawö̧ja chömöledö. Jau chömöledö, Diosma isabenö otiwanö ökwödönö pjaatinobe, iteda ömöledö bakibaduwanö, jo̧kwajabetjö̧ isabenö jo̧ba iwene waisachö kwöda̧peachaduwobö kwisakwaduwo.

Isaías 45:22

Jau, ötjöda Diosbo̧ma, jo̧kwajabetjö̧ sulabenö kwomukwataduwi̧ kabatibö, balewachö ötjönö kwösödaduwo, ökwödönöbi kwö̧jibaduwinö pjatatakobetjö̧. Jau, okobe deinö bö̧jȩnö ju̧kwadö, bö̧jȩ bakwachö̧je ju̧kwadöbi ötjönö kwödösaduwo, ötjöda Diosbo̧chobetjö̧, ja̧danö jelo̧ diosbo̧ma deobetjö̧.

Romanos 9:30

Chömöledö, ja̧ laebi̧ omukwatö, ¿dakwö döwaiso jö̧da̧lobeda? Baikwö yötawa chömöledö: Judío jojodöböködöma, la'akatjöda tjisakwinokobe sulabe jwibadö batjiboböma, ¿jö̧tö? Jo̧kwaijayonö, jejenö tjisakwököjayonö, Dios yöawi̧ tjösödiökwe, Diosma jobadönö jö̧a̧linobe, Bidöma sulabe jwibadö, jö̧ba̧lö.

Juan 1:29

Ju'wi dewachö Juanma edinobe iteda ö̧jobekwö Jesús ichobe. Jesúsnö edö jö̧a̧linobe itekwöda ju̧kwadönö: —Edaduwi. Ite baikwö icho̧ma, Dios weinökwe obeja itji̧danö jo̧. Diosma jo̧banö ö'wöchinö midawö, jojodö tjusuli̧ söbebö loobö weinobetjö̧, obeja itji̧danö jo̧, ötjabökwe.

Isaías 43:1

Sulabenö ja̧diökwe, ökwödö Jacob itji̧mu tupadanö jojodönö otidina, israelsaso badibanö otidina Isabenö Jo̧ Diosma ökwödönö lȩebinobe. Jo̧kwaijayonö, ökwödönö lȩbebajo̧, baikwö yöawobe: Ökwödö Israel jojodöma, yekabiduwoko, ötjöma kwö̧ji̧baduwinö pjatatinobetjö̧. Isabenö ötjöda chömöledöja, ja̧danö ötjöda chömöledököbaduwobetjö̧, otiwanö jweinö kwimiduwi yöba̧lö ökwödönö jwötajabe, jo̧kwajabetjö̧ yekabiduwoko.

Isaías 55:5

Ja̧danö, ökwödökwöbi bakobe dösölö̧jinö dö̧jakwa̧ wene yöbawö dujunitjö̧ma, jo̧banö chujuninadanö chujunakwawö̧ja. Ja̧danö ju'wedö tjitebo jojodönö jwököbaduwakwedöja, ajayinö kwa̧ja̧kwinaduwököwö̧ jojodönö jwököbaduwakwedöja. Ja̧danö, jwököbiawö̧, ajayinö ökwödönö wajwitjinajayonö, juluwanö kwö̧jaduwobekwö ö'ötakwakwedö. Jau chömöledö, ötjö kwuluwo̧duwi Isabenö Jo̧, israel jojodö tjösödökwe Suli̧ Jwibo̧ Diosma ökwödönö otiwanö tjomukwatobö chujunobetjö, jobekwö jwököbaduwiawö̧ juluwanö tjichakwedö, jö̧ba̧lö yöa̧lobe Diosma.

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Isaías 63:19

Ökwödöwe chuluwo̧, la'akatjöda ökwödönö webö kwö̧jinokobedanö ichejekwa chuluwo̧, ökwödöma la'akatjöda, —Isabenö Jo̧ ömöledö, —jö̧ba̧lö ötjabiwö̧kö̧wö̧danö ichejekwadösa.

Isaías 41:27

Ötjödasa ja̧ baledakwa̧ yöbawinama, ötjöda Sion mösa'onö ju̧kwadönö yötawijatö, —Babeda tjichiba, —jö̧ba̧lö. Ja̧danö ötjöda Jerusalennö ju̧kwadönö yöbawo̧nö webo̧sa, otiwa jawa wene yöawobö.

Isaías 40:9

Sion mösa'oma, otiwa jawa yöawelö, jo̧kwajabetjö ökwödö Sion mösa'o jojodöma, mösa'o möa'o wa̧pekwa'otjö labinö jwökeba̧laduwo. Jau ökwödö Jerusalennö ju̧kwadöma, otiwa jawa wene yöbawadöja, jo̧kwajabetjö̧ yebabökönö labinö jwöbeba̧lö yökawaduwo. Ju'wi Juda niji comunidadbiya jojodönö yöbawö jwökeba̧laduwo: —Edaduwi, kwuluwo̧duwi Dios icha.

2 Samuel 1:7

Ja̧danö, ökömakwö jalachibö edö, ötjönö edinobe Saulma, ja̧danö edö, ötjönö jwöinobe. Jwöitjö̧, –Tajida chuluwo̧? –jö̧ba̧lö chatadijatö.

Lucas 13:12

Jobujunö edö, Jesúsma jobujunö jwöinobe, ö̧jobekwö jichobö, ja̧danö ichibajunö yöa̧linobe: —Jojosuju, kwö'wöchi̧tjö ejatö lotakwö— jö̧ba̧lö.