Isaías 63:10 - Dios Iwene

¹⁰ Jo̧kwaijayonö, jobekwö otiwanö pjaatinajayonö, jo̧banö katjatibinobe, ja̧danö Dios O̧'wo Luwo̧ o̧'wo tjo̧ekwobö sulabenö ja̧tjinobe. Jobekwö sulabenö ja̧tjiökwe, tjöpöjojo baibinobe Diosma, ja̧danö jo̧bada da'dödönö ölakwabikwawö ö̧jinobe.

Isaías 63:10 Referans Kwoze

Hechos 7:51

Ina yöbawijetö: Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö.

Efesios 4:30

Ju'wibi yötawa chömöledö, ökwödönöma. Dios O̧'wo̧ Luwo̧ o̧'wo̧ tjo̧ekwinöma ja̧köbaduwoko. Ökwödöma seyu dobawedödanöbedösa Dios O̧'wo̧ Luwo̧ tebachibö öjamatinobetjö̧. Ja̧danö, Dios O̧'wo̧ Luwo̧ ökwödö do̧'wo̧ luwo̧nö ö̧ji̧ma i̧sebobe, Bidöma Dios ömöledö babibinadö, Dios lȩebi̧tjö emökönö, ba̧kwȩlö̧jatebö Dioskwö tjuju̧kwakwedö, jö̧ba̧lö. Jo̧kwaobetjö̧, Dios O̧'wo̧ Luwo̧ o̧'wo̧ tjo̧ekwinöma ja̧köbaduwa.

Deuteronomio 9:7

Tupakwö yöawinobe Moisesma, israel jojodönö: —Jau chömöledö, isabenö kwuluwo̧duwi Isabenö Jo̧ Dios ödameakwobö sulabenö ja̧badöja. Kabatökönö Isabenö Jo̧ wei̧ öpöjödö ji̧nadöja, Egipto nijitjö lakebinaduwelö baikwö bemi nijibe dichibenanö kabatö. Ja̧ wene isabenö kwomukwataduwobö jo̧be chömöledö, kwo̧'wo jwibibö, –Aaa, otiwadösa, –jö̧ba̧lö kwomukwataduwapji jö̧ba̧lö.

Éxodo 23:21

Jo̧ba ángelso̧ wei̧ ö'wiyawakwalö̧jinö kwa̧ja̧kwaduwo. Jelobekwö kwomukwataduwoko, jo̧ba wei̧ a̧ja̧kwökönö, ötjö weti̧da webo̧obetjö̧. Jo̧ba wei̧ kwa̧ja̧kwaduwökötjö̧ma jwiinö ölabikobe ökwödönöma.

Éxodo 16:8

Ikenama Moisés jö̧ba̧lijetö: —Yi̧benakwena Isabenö Jo̧ma itebiya kukwaduwobö iyakobe. Ja̧danö, yȩayikwena kwakwawa iyakobe, ökwödö pan kwukwaduwi̧danö kwomeawaduwinö kwukwaduwobö jwökeba̧laduwi̧ a̧ja̧kwajabetjö̧. Isabenö, jo̧banöda jwökeba̧laduwobe, ökwödönömaö̧kö̧. Sule Isabenö Jo̧ ömöayedöbedösa ökwödöma— jö̧ba̧lijetö.

Éxodo 15:24

Jejenö ji̧awö̧ Israel jojodöma Moisésnö jwöbeba̧lijadötö, ¿Taji dowakwa̧da? jö̧ba̧lö.

Mateo 22:7

Jejenö ja̧tjiökwe, la'aka luwo̧ma ödameakwinobe, ja̧danö iteda ömöayedö guardia jojodönö weinobe, jobadö iteda ömöayedönö kwabö lobajadönö kwabö lotjobö, ja̧danö tjö̧jinemi comunidad juwö lotjobö.

Isaías 65:2

Jau, möle baledibanö, chömöledönö pjatatotö jö̧ba̧lö, chömamu kabebö debatö chö̧jijatö, jo̧kwaijayonö ötjönö öpöjödö kabatibadö israel jojodöma. Ötjönö öpöjödö, idöda sulabenö tjo̧mukwati̧danö, sulabenö ja̧bö ju̧kwadö.

Isaías 1:2

Bö̧jenö ju̧kwadöbi, mölejenö ju̧kwadöbi kwa̧ja̧kwaduwo, Isabenö Jo̧ yöawaja̧ jawama, baikwö: Tjemu chö̧da̧pedinawö̧ma, ötjönö öpöjödö katjatibajabe.

Éxodo 32:8

Ida̧kö ötjö wetina a̧ja̧kwökönö lotjajabe. Jobadöma orotjö otikwa ökwölanö tubinö tobajadö isobu isa'onö tjotjebinobe, pakaya itji̧danö ichejekwo̧ laebinö. Jemi ikenama o'wo jawa ösödö juwö tjiyajabe a̧ji̧kwakwawedönöma. Ja̧danö, yötjalobe, Ökwödö Israel jojodö dösödökwe dios biteda, jö̧ba̧lö. Biteda Egiptotjö ladebinö öbibö pjabatinama, jö̧ba̧lö, yötja̧lobe— yöbawijetö Isabenö Jo̧ma Moisésnöma. Ina yöbawijetö:

Hechos 7:42

Jejenö tjösödiökwe Diosma jobadönö kabatibijetö. Idöda tjösödi̧da tjösödobö, mölejȩnö lö̧jadönö, möle ja̧wo̧nöbi yö̧te ja̧wo̧nöbi, si̧li̧'i̧dönöbi wainö tjösödobö kabatibijetö Diosma, da'dödöminenöma—yöbawijetö Estebanma. Ina yöbawijetö: —Damötjö Dios yöawi̧ yöbawinama baikwö wȩyudijetö, Dios da'dödöminenö ju'wi möle baledakwa̧ yöawinama: Ökwödö israel jojodöma, ötjönö kwabö juwö iyö kwösödinaduwokobe cuarenta o̧biya kwebachö kwö̧jaduwenama, jojodö deena.

Génesis 6:6

Edinö omukwatijetö, tajawedö chotidinawö̧jö, la'akatjöda chotidinökötjö̧bö, jö̧ba̧lö. Jwiinö o̧'wo tjo̧bekwibö omukwatijetö, chotidinawö̧ma sulabedö babibinadöwe, jö̧ba̧lö.

Isaías 63:11

Jobekwö balediawö̧, da'dödöma tjomukwatibinobe damötjö tjö̧jina jawa, Moises da'dödönö öibina jawa tjomukwatibinobe. Ja̧ omukwatö yötja̧lakwawinobe: —Egipto nijitjö da'dödö latjebinena, jwaibalawa duwobu ö'wejenö tjöbaledobö pjabatinama, daida? Iteda O̧'wo Luwo̧ da'dödökwö ö̧jobö webinama, daida?

Deuteronomio 1:26

Jo̧kwaijayonö, inesö otiwobe jö̧ba̧lö yötjawijayonö, ökwödöma jobe kwi̧'yaduwobö kwöpöjödinaduwobe. Kwuluwo̧duwi Isabenö Jo̧ Dios wei̧ öpöjödö, Dios iyi̧ nijibe kwi̧'yinaduwokobe.

Josué 22:15

Jejenö weawö̧, Galaad nijibe tjichibinobe, ja̧danö Rubensasobi, Gadsasobi, Manasessaso ja'öbi jojodökwö ko̧ko̧kwö yötjawinobe, baikwö: