Isaías 6:12 - Dios Iwene

¹² Jau, jobekwö baledakobe ötjö Isabenö Jo̧ma israel jojodönö tjitebotjö labebö lobö, ödö a'dewö lotenanö baibenanö kabatö. Ja̧danö israel nijitjö jojodö deemikwena nöinö ji̧nö baibenanö kabatö jobekwö baledakobe.

Isaías 6:12 Referans Kwoze

Deuteronomio 28:64

—Ja̧danö, kwiteboduwi nijitjö 'döbebajo̧, ju'wedö tjitebokwena jojodö tjö̧'da̧de kwipjelekwachaduwinö kwö̧jaduwobö weakwo̧ Isabenö Jo̧ma chömöledö, ja̧danö jobe ju'wedö tjitebonö ja̧nö, ju'wedö tjösödawö̧ ökwödöbi kwa'dödöbi wajwitjinawö̧nö kwösödaduwakwedöja, towisa'otjöbi, inawiyatjöbi otikwawö̧ o̧'wo jawanö.

Isaías 26:15

Jo̧kwaijayonö ökwödönö söbebö lobökonö, ditebo ba̧jȩkwaso baibanö pjabatinaja duluwo̧ Isabenö Jo̧, ditebo ba̧jȩkwaso badibanö pjabatinaja, ja̧danö ditebo ajayitjö bajalekwönönö jalobe baibanö pjabatinaja̧. Jobekwö pjakatiawö̧, ökwönö ösödadö jojodöma, —Isabenö Juluwo̧ja, —jö̧ba̧lö.

2 Reyes 25:21

ja̧danö jobe Ribla comunidadtjö, okobe deinö jobadönö kwabawö loinobe Babilonia la'aka luwo̧ma. Jobekwö laebobe Juda jojodönö tjitebotjö latjebina wenema.

2 Reyes 25:11

Jemi ikenama, ju'wedö ina Jerusalen comunidadnö ju̧kwadönöbi, Juda jojodötjö ajayinö Babilonia la'aka luwo̧ ömöayedö batjibanö iyawinadönöbi, ba̧jȩkwadö ju'wedö ja̧ nijinö ju̧kwadönöbi tjitebo Juda nijitjö labebö, öbibö ȩwa̧jinobe itebo Babiloniabia.

Romanos 11:15

Jau chömöledö, Diosma Israel jojodönö kaatibinobe ichejekwa, ja̧danö jejenö kaatibenama, Israel jojodöböködönö Dios ömöledö batjibanö ja̧inobe. Jejenö ja̧inobema, otiwinobe ökwödönö Israel jojodöböködönöma, ¿jö̧tö? Jo̧kwaijayonö, ja̧ otiwinajayonö, tupakwö jwiinö otiwakobe Israel jojodöbi yemidanö Dios ömöledö batjibenama chömöledö, wobajadö woawatjö yemidanö tjebachajadödanö ichejekwakobe.

Isaías 5:9

Jobekwö ja̧bö kwö̧jaduwiökwe, isabenö lȩebakwo̧ Diosma. Jau, cha̧ja̧kwonö, Isabenö Jo̧ Okobe Jwiinö Juluwo̧ Diosma iteda lȩebakwa̧ jawa yöbawö ujuninobe, baikwö: —Isabenö ba̧jȩkwejubiyama jojodö dei ejubiya ji̧bakobe, inesö otiweju jalejubiyabi jojodö dei ejubiya ji̧bakobe, lȩtebakobetjö̧, —jö̧ba̧lö Dios yöbawö ujunina cha̧ja̧kwijatö.

Isaías 13:12

—–Ja̧ möle jwiinö lȩtebobetjö̧, bö̧jȩ jojodötjö o̧bukwedöda tjö̧jibakwedö, wanedö yötawa: bakwai̧ oro ja'yubeda ji̧tjö, inesö otiwi̧ Ofir niji oro ja'yubeda ji̧tjö baikwönönö o̧bukwedöda batjibanö lȩtebakwosa bö̧jȩ jojodönö.