Isaías 58:3 - Dios Iwene

³ Ja̧danö ötjönö abebö a̧ja̧kwadö, —Duluwo̧ Dios, ökwödöma du̧kwa̧ ö̧tö̧chö dö̧jijayonö, ö̧tö̧chö dö̧ji̧ma edö̧kö̧ja ichejekwa, ja̧danö kwöba a'otjö, –Mikwawöködösa, –jö̧ba̧lö di̧sȩkwajabe. Tajawedö jobekwö dö̧ji̧ edö, otiwa jö̧ba̧lö kwösödokobeda? Otiwanö di̧sȩbi̧ edö kwösödo jö̧ka̧lajabe Dios, —jö̧ba̧lö abebö a̧ja̧kwadö. Jobekwö abebö tja̧ja̧kwi̧tjö̧, baikwö chatadawö̧: Ökwödö kwu̧kwaduwi ö̧tö̧chö kwö̧jaduwenama, ökwödöda kwo̧'woduwi ösöwachibotö jö̧ba̧lö ö̧tö̧chö ja̧döja. Ja̧danö, —Dios öba a'otjö otiwanö ö̧tö̧chö ja̧dösa, —jö̧ba̧lö ö̧tö̧chö kwö̧jaduwonö, weti̧ a̧ja̧kwökönö kwömöayedöduwinö sulabenö usula tjemawi̧nö webadöja.

Isaías 58:3 Referans Kwoze

Proverbios 28:9

Ja̧danö, ju'wibi yötawa: Bakwo̧ Dios wei̧ a̧ja̧kwökötjö̧ma Diosnö aeba̧li̧bi jwiinö öpöjödobe Diosma, omewi̧ jö̧ba̧lö.

Lucas 15:29

Aebiökwe, itji̧ abönö pöema o̧'wo̧ sulinö yöa̧linobe: Edi chabe'do, ötjöma lekwe o̧biya ökwö weköbi̧ chotidajabe, ja̧danö bakwötanöbi weköbi̧tjö wainö ja̧tijökötö. Ötjöma isabenö kwitji̧ otiwanö ja̧bö ö̧jo jö̧a̧li̧danö ja̧bö chö̧jajabe chabe'do, jo̧kwaijayonö chömöledökwö cho̧'wo̧ ösöwachibobö la'akatjöda kwajwinö kwaköbinokobe, mikwawö̧kö̧ chiwo iti̧nöbi kwaköbinokobe chömöledökwö pjiesta chukwoböma.

Isaías 47:6

Ökwöma omukwatujuja, —Ötjödatjö la'aka luwujusa, ba̧kwelöjatebö la'aka luwuju ja̧nö, otiwanö chöjakwujusa, —jö̧ba̧lö kwomukwatobe. Jo̧kwaijayonö baikwö labebö lobö yötawakwö, ökwö luwuju kwö̧jinama: Ötjö Diosma, ötjöda chömöledö israel jojodönö chödameakwijatö, ja̧danö ötjöda chömöledö batjibanö omudawö chujuninawö̧ tjö̧jijayonö, jobadönö chödameakwobetjö̧ iyö lotijatö, ökwö jobadönö kwujuluwobö. Ja̧danö, ökwöma isabenö sulabenö ja̧köbijatö chömöledönö, lȩlöjinö edökönö, jobadötjö damönöbi labinö usula tjemawinö weköbijatö. Ötjödasa ba̧kwelöjatebö la'aka luwuju chö̧jakwujusa jö̧ba̧lö, jobekwö sulabenö ja̧köbijatö, babe baledakwa̧, ökwönö balekwa mikwa baledakwa̧ omukwatökönö.

Isaías 22:13

Jo̧kwaijayonö, jobekwö omukwatökönö, kwo'woduwi ösöwanö ba'ali junadöja. Jau, Dios wei̧ a̧ja̧kwökönö, baikwö yöba̧ladöja: –Pakayadönöbi, obejadönöbi kwabajadö, itebia kwanö, ubasobu o̧'dobu owö, ba'ali dujunaduwo. Jau, itekwai möle debö di̧'yakwedösa, jo̧kwajabetjö̧ babe möle kwanöbi, owöbi ba'ali dujunaduwo, –jö̧ba̧lö, Dios wei̧ a̧ja̧kwökönö sulabenö yöba̧ladöja, —jö̧ba̧lö laebobe Dios Jerusalen jojodönö yöawi̧ma.

Isaías 22:12

—Inesö la'aka luwo̧, Isabenö Jo̧ Okobe Jwiinö Juluwo̧ Diosma sulabenö kwomukwataduwi̧ kabatibö, kwöbalewachaduwobö webo̧, ja̧danö o̧'wo tjo̧achö, kwubudekwaduwobö webo̧, ja̧danö kwuuduwi jwobawö, kamiji̧do̧ epju̧yunö kaluka̧ado̧ 'dukawaduwobö webo̧, –Dios öba a'ötjö sulabenö ja̧dinobetjö̧ o̧'wo tjo̧achadösa, –jö̧ba̧lö.

Diosnö ösödo̧ Job mikwo̧ usula emawina jawa 34:9

Sulabo̧ yöa̧li̧danö baikwö yöa̧lajabe Jobma, –Dios wei̧ a̧ja̧kwö ja̧nö, joba ösödi̧danö ja̧tjobö tjisakwi̧ma mikwawökö ji̧, –jö̧ba̧lö sulabo̧ yöa̧li̧danö yöa̧lajabe, jö̧tö?