Isaías 54:11 - Dios Iwene

¹¹ Ökwö Jerusalen, isabenö jwa̧le'epjo labinö töokoja, ja̧danö usula kwemawelö kwo̧'wo ösöwachibanöma pjatjatokokoja. Jo̧kwaijayonö baikwö yötawakwö Jerusalen comunidad, isabenö yemidanö otiwanö chotidakwujuja, mikwawi̧ inawiyanö. Otiwi̧ 'diatakwawa jawanö, kwitea inawiya wanawinö chotidakwo̧sa, ja̧danö la'akama, zafiros ötjabawatjö chotidakwo̧sa.

Isaías 54:11 Referans Kwoze

Hechos 14:22

Jobe comunidadkwena 'ya̧nö Jesúsnö ösödadönö pjabatö yöbawijadötö, Kwo̧'wo̧ luwo̧duwi juluwachibanö tupakwö kwi̧'yaduwo, jö̧ba̧lö. Jesúsnö kabatibökönö kwö̧jaduwo. Ja̧danö, jo̧banö omukwatö kwö̧jaduwo, jö̧ba̧lö, pjabatö yöbawijadötö. Jobadönö jö̧ba̧lijadötö: —Chömöledö ¿wajwiköbaduwiji̧? Ökwödö Jesúsnö ösödadöma, usula demawobö jo̧be. Isabenö ökwödöma usula emawadösa. Ökwödöma Dios webö ö̧jena ja̧nö, do̧'wo̧ ösöwachibanö duju̧kwenanö baibanö, usula emawadösa— jö̧ba̧lijadötö.

1 Crónicas 29:2

Jo̧kwajabetjö̧, pjatatobö chujuna̧li̧danö, okobe jwiinö o̧do jawa cho̧ko̧ko̧dobö chisakwajabe chömöledö, otiwanö chösödökwe Dios eju otidakobetjö̧. Orotjö otikwa jawa orotjö otidakobetjö̧, oro cho̧ko̧kodajabe. Ja̧danö platatjö otikwa jawa platatjö otidakobetjö̧, plata jawa cho̧ko̧kodajabe. Ja̧danö broncetjö otikwa jawa broncetjö otidakobetjö̧, bronce jawa cho̧ko̧kodajabe. Ja̧danö 'dii jawatjö otikwa jawa 'dii jawatjö otidakobetjö̧, 'dii jawa cho̧ko̧kodajabe. Ja̧danö towi o'obiyatjö otikwa jawa towi o'obiyatjö otidakobetjö̧, towi o'obiya cho̧ko̧kodajabe. Ju'wibi nöinö inawiya jawa onice jawabi, ju'wi mikwawi̧ inawiyabi, ju'wi inawiya jawabi, marmol ötjabi̧ inawiya jawabi 'da̧batö chujunajabe, ja̧ jawatjö otiwanö otidakobetjö.

Juan 16:33

Ja̧danö, babe yötawaja̧ma kwo̧'wo̧ luwo̧duwi tjo̧bekwökönö kwö̧jaduwobö yötawajabe. Chömöledö, böjȩnö ja̧nö usula kwemawaduwakobe. Jo̧kwaijayonö, kwo̧'wo̧duwi̧ ösöwanö kwö̧jaduwo, ötjöma böjȩnö jawa okobe jwiinö chujuluwobetjö̧— yöawinobe Jesúsma öba̧ja̧di̧ waisachadönöma.

Isaías 54:6

Jau, ajayinö bakwo̧ ilekwo kaatibinoko jwiinö jo̧'wo tjo̧achujudanö kwichejekwijatö, ina möayuju jö̧jayi eminoko kaatibinokodanö. Jo̧kwaijayonö ötjö Isabenö Jo̧ma yemidanö ötjökwö tjekachajobö jwötajabe, tabakwö kwö̧jo jö̧ka̧laja̧ma 'dö̧ibajabe.

Isaías 51:21

Jo̧kwaijayonö babe bi̧ya yöta̧lakwa̧ kwaja̧kwaduwo, ökwödö nio ojwiyo kwo̧wa̧laduwököjayonö 'dukwachawö̧danö ichejekwadöma.

Isaías 49:14

Jerusalennö ju̧kwadöma yötja̧lajabe, —Isabenö Jo̧ma ökwödönö lededö loajabe, duluwo̧ma o̧'wo jwiibajabe ökwödö jo̧ba ömöledönö, —jö̧ba̧lö.

Isaías 28:16

Ötjö Isabenö Jo̧ma baikwö yötawaduwakwö: Jerusalen mösa'o Sion mikwa'onö inawa chödocha, –Isabenö otiwawa, –jö̧ba̧lö badedö chedinawama. Jawa, o̧do la'aka baibanö, ajayinö lödawawa nöinö mikwawawa baibanö chödocha, o̧do la'aka 'diinö jakobetjö̧. Ja̧danö jawa ösödadöma, –Dakwö jatakwajö, –jö̧ba̧löma omukwatö tjö̧jökakwedö.

Isaías 14:32

Jau chömöledö, ju'wedö tjitebotjö yöbawadö ichibö, Jerusalennö ju̧kwadönö abebö tja̧ja̧kwitjö̧ma, atadakwawa baikwö tjatadakwedö: —Isabenö Jo̧ma, Sion mösa'o jȩmi comunidad Jerusalen otidö ujunajabe, iteda ömöledönö tjöeba̧lemi comunidad baibanö, ja̧danö iteda ömöledö usula emawö jinadöma, jobe ja̧nö otiwanö tjö̧jakwedö, —jö̧ba̧lö.

Efesios 2:20

Chömöledö, wanedö yötawa: Ökwödöma Dios ejudanö bakibinaduwobe. Kwöwaisaduwa, o̧do, inawiyatjö otikweju tjotidakwedöma, inawiya tjujunakwa̧ abönöma, niji sobö lödö 'dibatadö, la'aka 'diinö baibanö ja̧bö. Ja̧danö, Dios ejuma jo̧be, chömöledö. La'akama Jesús webawedö yötjawinakwö, Dios iwene yöbawadö yötjawinakwö jo̧be, la'aka jawama. Ikenama, Cristo Jesús itedama abönö tjujunawadanö jo̧, jwiinö otiwawa ji̧danö, jweawa ji̧danö. Ikenama ökwödöma, Jesúsnö ösödadöma jo̧bakwö, otiwawa ji̧danö jo̧kwö bakobe babibinadösa.

Mateo 8:24

Petjibonö, jwa̧lȩ'epjo labinö doibajinobe, ja̧danö balawa labinö loinobe, ja̧danö isowi meajo jö̧a̧linobe. Jejenö baledijayonö, Jesúsma bö̧ti̧söinö aba̧linobe.

Isaías 51:23

babe balekwedönöda tjowobö chiyakwo̧sa, kwöpöjojodöduwinö. Jau, ja̧'do̧ usula kwemawaduwinö ja̧bi̧nadönöda chiyocha, babema, jobadöda usula emawö tjowakobetjö̧. Jau chömöledö, ajayinö jobadöma bȩbachibö kwöbamataduwobö wetjinobedanö ichejekwa, ja̧danö mananö kwetjachobedanö, kwoma'aduwi ja̧tö, ökwödönö sulabenö ja̧tjinobe, ja̧danö babema balekwa mikwa jobadöda kwowinaduwa'do̧tjö̧ tjowobö wetocha, jö̧ba̧lö yöa̧lobe Diosma ökwödö usula emawadönö.

1 Reyes 5:17

Ja̧danö, la'aka luwo̧ Salomon weawö̧, inawiya öwiyawi̧ tjeminobe, nöinö mikwawi̧ inawiyama, emajadö, Dios eju la'aka otiwanö lödö tjotidakobetjö̧. Ja̧danö, Guebal comunidadtjö ja otikwa waisadöma ichö Salomon ömöayedönöbi, Hiram ömöayedönöbi pjatjatinobe, inawiya löböbi, towisa'obiyabi waisanö tjotidobö, otiwanö Dios eju tjotidakobetjö̧.

Deuteronomio 31:17

Jejenö baledi̧tjö̧, ja̧ möle chödameakwakwo̧sa jobadönö, ja̧danö jobadönö le'dedibö, jobadönö pjabatö katatibakwo̧sa. Jejenö jobadönö pjatatokobetjö̧, tjöpöjojodöma juluwanö jobadönö tjujuluwakobe, ja̧danö nöinö wene baledakobe jobadönö, jwiinö usula tjemawinö. Jejenö balediawö̧, ja̧ möle yötja̧lakwawakobe, –Babe wene dujuna̧li̧ma, duluwo̧ Dios dö̧'da̧de deobetjö̧ baledobe, –jö̧ba̧lö yötja̧lakwawakobe.

Éxodo 24:10

Nöchajadöma idöda, Israel jojodö tjösödökwe Diosnö edijadötö. Ja̧danö, Dios ömasapa teebekwöchobe, nijakwö ö̧jatemi zafiro mikwawa inawiyama nijinö bijetö, ja̧linö. Ja̧ ö'wiyama mölejȩbe wajuwanö ö'dö̧wi̧danö ö̧'döwinö öwawijetö.

Éxodo 3:7

Ikenama Isabenö Jo̧ma jö̧ba̧lijetö: —Isabenö chedobe ötjö chömöledönö, Egiptonö ju̧kwadönö juluwanö tjotidobö wetjobema, jwiinö inia tjötjinö. Ja̧danö, tjuluwedötjö tjö̧jibinö pjatatobö jwötjeba̧li̧ma cha̧ja̧kwobe. Chöwaisa, jwiinö usula tjemawobe, jö̧ba̧lö.

Éxodo 3:2

Ja̧danö, baikwö baledijetö: Isabenö Jo̧ma ángeldanö ichejekwo̧ öwawachijetö Moisésnö, ösötje okwatjö ökwöla ubi̧danö ubinö. Moisésma jötje edinö ¡ayö! ötjema ubijayonö ubö lokötjeda ja̧, jö̧ba̧lö eda̧lijetö.

Éxodo 2:23

Ja̧danö, lekwe o̧biya baledajena Egipto inesö la'aka luwo̧ma ö'wö baibijetö. Israel jojodöma ina Egiptonö ji̧jadötö tjuluwedö tjotidobö wetji̧ma otidö. Ja̧danö, inia tjötjinö juluwanö tjotidobö ¡ayö! usula emawö jwöbeba̧lijadötö ¡ökwödönö pjabati! jö̧ba̧lö. Ja̧danö, Diosma jwötjeba̧li̧ma a̧ja̧kwijetö.

Isaías 60:15

Ajayinö le'dedö lotjawö̧, tjöpöjödadawö̧ kwö̧jinaduwobe chömöledö, ja̧danö kwiteboduwi ö'wejenö baledinöködö jojodöma. Jo̧kwaijayonö kwiteboduwi inesö otiwobe baibanö pjatatakwo̧sa, ja̧danö ba̧kwelöjatebö 'dö̧bibajökönö, kwo̧'woduwi ösöwachibanö kwö̧jaduwakwedöja.

Diosnö ösödo̧ Job mikwo̧ usula emawina jawa 28:16

Ofirtjö emawa oro nönajadö tjimiditjö̧bi, nöinö mikwawawa onicebi, zafirobi tjimiditjöbi, yayonö waisanö omukwatakwawa midö tjemobö jwibadö.

Isaías 44:28

Jobekwö badekwachinö webo̧sa chömöledö, ja̧danö ju'wibi yötawaduwakwö: Ötjöma Ciro jö̧ba̧lö imikwakwo̧nö yötawa, —Ciroda chömöayo̧ obejadönö teada̧lo̧danö ja̧nö, chömöledö israel jojodönö webö ö̧jakwo̧, ja̧danö okobe jwiinö weti̧ otidö ö̧jakwo̧. Wetökwe jo̧bada Jerusalen comunidad jawa weakobe, –Jerusalen comunidad tjotidobö jo̧be, –jö̧ba̧lö, ja̧danö wetökwe jo̧bada cheju jawa weakwo̧, –Dios eju la'akama, yemidanö tjotidobö jo̧be, –jö̧ba̧la. Jobekwö yötawaduwakwö baledakwa̧, badekwachinö wetakwa̧ma, jö̧ba̧lö yöa̧lobe Diosma.

Isaías 54:12

Ja̧danö rubies ötjabawatjö a̧petukwöchobe tjöekwemi chotidocha, ja̧danö apjudebiyama, salöi̧ inawiya ji̧nö chotidocha, ja̧danö ju'wi tjöekwemitenia, inawa nöinö mikwawatjö chotidocha.

1 Reyes 6:30

Ja̧danö, okwasȩko̧bi, jelȩko̧bi, niji ötebiya wamenö oro pöebinobe.