Isaías 52:6 - Dios Iwene

⁶ Jo̧kwajabetjö̧ Isabenö Jo̧ chö̧ji̧ chi̧sȩbocha chömöledö israel jojodönö, —Isabenö Jo̧ mikwo̧ma isabenö juluwo̧, —jö̧ba̧lö tjöwaisachibanö chi̧sȩbakwo̧sa. Jo̧kwajabetjö̧, jobekwö chi̧sȩbiawö̧ bajalianö tjöwaisachibakwedö, ötjö jobadönö, –Bada jo̧sa, –jö̧ba̧lö yöba̧lo̧ma, Isabenö Jo̧ Diosda, —jö̧ba̧lö yöa̧lobe Diosma.

Isaías 52:6 Referans Kwoze

Éxodo 33:19

aebiökwe: —Moisés, kwöba a'otjö chöbaledocha ötjö jwiinö chotiwi̧ma kwedobö. Ja̧danö, baledö ötjö chimi jweinö jwöbebö yöta̧locha ökwönöma, Isabenö Jo̧ mikwawo̧sa, jö̧ba̧lö. Ja̧danö, ötjöma dösölö̧jinö edö pjatatökwenö dösölö̧jinö edö pjatatakwo̧sa, ja̧danö lȩlö̧jinö edö pjatatökwenö lȩlö̧jinö edö pjatatakwo̧sa.

Isaías 49:23

Jau, inesö la'aka luwedötjö ömadöma, kwitji̧muduwinö ba̧ja̧dö tjiteada̧lakwedö, ja̧danö inesö la'aka luwedötjö̧ ya̧döma kwitji̧muduwi pjebadönö o̧do'bi̧ ojwö tjiteada̧lakwedö. Jau, wetajawö̧, jobadö tjitebokwena inesö la'aka luwedöma, kwöba a'oduwi bȩbachibö tjöbamatakwedö, kwömöayedöduwi batjibanö, ja̧danö, —Isabenö kwömöayedö mikwawöködösa, —jö̧ba̧lö, kwömasapiyaduwitjö nijiso̧pja 'dȩtjakwedö. Ja̧danö, jobekwö baledenama, otiwanö kwöwaisachibaduwakwedöja ötjönö, Isabenö Jo̧ Diossa, jö̧ba̧lö. Ja̧danö ju'wibi kwöwaisachibaduwakwedöja, ötjönö tjo̧'wo wa̧nalö ja̧döma, la'akatjöda tabakwö tjö̧jökakwedö, jö̧ba̧lö yöa̧lobe Diosma.

Isaías 42:9

Ötjöma isabenö jweinö yöbawo̧sa, okobe jwiinö damötjö baledakwa̧ yötawinama, yötawinadanö badekwachajabe. Ja̧danö babema jemi tupakwö baledakwa̧bi yötawocha. Jau, baledakwa̧ abönö, jweinö yötawocha, ina baledapji, —Baikwö isabenö baledakobe, —jö̧ba̧lö jweinö yötawocha, jö̧ba̧lö laebobe Dios yöa̧li̧ma.

Éxodo 6:3

Ötjödasa kwa'dödömine Abrahamnö, Isaacnö, Jacobnö öwawachö yöba̧linama, Ötjöma Jwiinö Juluwo̧ Diossa, jö̧ba̧lö. Jejenö yöta̧lijayonö ötjö chimima Isabenö Jo̧, jö̧ba̧lö yöta̧lijökötö.

Éxodo 3:13

Ja̧danö, jö̧ba̧lijetö Moisésma Diosnö: — ¡Jao kwatjö̧ma! Egiptobe 'ya̧nö Israel jojodönö yöta̧locha, da'dödö tjuluwo̧ Diosma ötjönö weijatö ökwödönö pjabatö, jö̧ba̧lö. Jejenö yöta̧lawö̧ abebö tja̧ja̧kwena, jo̧ba Diosma ¿dakwö mikwo̧da? jö̧ba̧lö. Jejenö abebö tja̧ja̧kwena ¿dakwö chatadakwa̧da?— abebö a̧ja̧kwijetö Moisésma Diosnö.

Isaías 40:9

Sion mösa'oma, otiwa jawa yöawelö, jo̧kwajabetjö ökwödö Sion mösa'o jojodöma, mösa'o möa'o wa̧pekwa'otjö labinö jwökeba̧laduwo. Jau ökwödö Jerusalennö ju̧kwadöma, otiwa jawa wene yöbawadöja, jo̧kwajabetjö̧ yebabökönö labinö jwöbeba̧lö yökawaduwo. Ju'wi Juda niji comunidadbiya jojodönö yöbawö jwökeba̧laduwo: —Edaduwi, kwuluwo̧duwi Dios icha.

Isaías 60:16

Jau, tjitebotenia jojodö tjiteabi, inesö la'aka luwedö tjiteabi, ökwödö israel jojodöda otiwanö kwujuna̧laduwakwedöja. Ja̧danö jobekwö balediawö̧, otiwanö kwöwaisachibaduwakedöja, Ötjö Isabenö Jo̧ Diosda kwö̧jibaduwinö pjabato̧ma, jö̧ba̧lö. Jau chömöledö, —Jacob ösödinökwe Inesö Juluwo̧ Diosda dö̧jibinö pjabato̧ma, —jö̧ba̧lö kwöwaisaduwakwedöja.