Isaías 52:12 - Dios Iwene

¹² Jau, ö'öbakwawö yebabinö lakebaduwobö jwiakobe, otiwanö tjo̧'omanö kwȩwa̧jaduwobö ja̧kobe, kwuluwo̧duwi Isabenö Jo̧ Dios kwabönöduwi 'ya̧nö, ökwödönö öbibö i̧'yakobetjö̧. Jau chömöledö, kwabönöduwi tjöbeba̧lö i̧'yakwo̧, ja̧danö ju'wibi kwökömanöduwi tjöeba̧lakwo̧, jo̧kwajabetjö̧ yebabinö dökibaduwobö jwiakobe.

Isaías 52:12 Referans Kwoze

Isaías 58:8

Jobekwö ja̧bö kwö̧jaduwitjö̧ma, baikwö wanedö yöta̧la chömöledö: Ökwödö otiwanö kwidejataduwi̧ma, yeayi dewachi̧danö otiwanö kwidejataduwakwedöja, ja̧danö 'dö̧kachaduwi̧tjö juluwanö kwö̧bibajaduwakwedöja. Ja̧danö weti̧ a̧ja̧kwö kwö̧jaduwi̧ma, kwabönöduwi tjöekwakadanö ja̧kobe, ja̧danö ötjö Isabenö Jo̧ dejatinö chujuluma, kwökömaduwikwöchobe tjöekwakadanö ja̧kobe, jö̧ba̧lö yöta̧laduwakwö.

Deuteronomio 20:4

kwuluwo̧duwi Isabenö Jo̧ Diosda ökwödökwö 'ya̧nö kwöpöjojodöduwinö ölakwabikwawakobetjö̧. Jo̧ba Diosda ökwödönö pjaatakwo̧, kwöpöjojodöduwinö kwujuluwaduwobö, –jö̧ba̧lö tjö̧'da̧de pjabato̧ yöawobö ja̧kobe.

Isaías 45:2

Ciro, ötjöda kwabönö 'ya̧nö, mösa'iju ba̧ba̧ladö lotocha, wene jwiinö kwi̧'yobö, ja̧danö ötjöda comunidad apjude broncetjö otikwade 'dabebö lotocha, wene jwiinö comunidad tekachobö, ja̧danö 'dii jawatjö otikwa 'diebaso̧jwa̧ ötjöda 'debatö lotocha, wene jwiinö 'ya̧nö kwujuluwakobetjö̧.

1 Crónicas 14:15

Jobe ichibajo̧, kwiteada̧lo̧, balsamo towi wa̧pekwowitjö ökwöakwa̧ kwa̧ja̧kwenanö kabatö. Towi wa̧pekwowitjö, ba̧jȩkwadö ölakwabikwawadö kwetjachobedanö ökwöakobe, ja̧danö ja̧ ökwöi̧ kwa̧ja̧kwenama, jenada filisteo jojodönö mekibobö ja̧kobe, kwöwaisakobetjö̧, –Diosma ida̧ökö chabönö filisteo jojodönö kwabawö i̧'yajabe jö̧ba̧lö, —yöawinobe Diosma Davidnö.

Éxodo 12:11

Ja̧danö, kukwaduwenama juluwanö labeibö kwi̧'yaduwakobetjö̧ 'dubawiböda kukwaduwo. Sapatijuduwibi 'dubawibö, ja̧danö kwotokwa'ijuduwibi do̧ba̧lö ja̧nö kwukwaduwo. Ja̧nöda juluwanö kwukwaduwo labeibö kwi̧'yaduwakobetjö̧, juluwanö. Ja̧ ba'ali kwanö kwujunaduwakwa̧ma ötjö Isabenö Jo̧nö omukwatö kwujunaduwakobe, ökwödö kwö̧jibaduwinö pjabatö kwö̧jaduwejubiya wame chöbaledi̧ omukwatöma.

Jueces 4:14

Jejenö ichibioko, Deborama Baracnö yöjawinobe, —Tjo̧wi, babe möle Isabenö Jo̧ma ökwönö iyajabe, döpöjojo Sisaranö kwujuluwobö. Isabenö Jo̧ma kwabönö 'ya̧nö jobadönö ölakwabikwawobe, jo̧kwajabetjö̧ bi'o mösa'otjö yutubajö mekibaduwo, —jö̧ba̧lö. Yöjawökwe, Baracma ju'wedö diez milbedö ölakwabikwawa jojodönö öbibö, jobe Tabor mösa'otjö yutubajö i̧'yinobe, Sisarakwö tjölakwabikwawobö.

Éxodo 12:39

'Ya̧jadöma ja'ö ö'wachö pansa'be tje'ewaja̧'be, 'ye'yeachi̧ pjaatakwawökö'betjö, panpja̧ söbijadötö. Egiptotjö te'ada̧lökönö latjebobö a'dewö lotjajabetjö̧ kwakwawa tjukwakwa̧ma otidijöködötö latjebakwa̧ abönöma, sule pan otikwa'be 'ye'yeachi̧ pjaatakwawökö'beda e'ewijadötö.

Éxodo 12:33

Ja̧danö, Egipto jojodöma labinö webijadötö Israel jojodönö tjitebotjö juluwanö latjebobö, lakebaduwökötjö̧ma ökwödö Egipto jojodöma okobe deinö ö'wö badibena, jö̧ba̧lö.

Isaías 51:14

Isabenö yöta̧laduwakwö chömöledö, ökwödö tjö̧möayedö bakibaduwanö do̧tja̧tinawö̧ma, juluwanö ejatö lotjakwawö̧ja. Jau chömöledö, ka̧lena tjödajawö̧, ö'wö bakibaduwökakwedöja, ja̧danö a̧wi̧chi̧ lö̧jö̧kö̧wö̧ kwö̧jaduwakwedöja.

Éxodo 14:8

Ja̧danö, Isabenö Jo̧ma faraónnö omajade 'diinö weiökwe Israel jojodönö yebabökönö labebajadönö lubö 'yi̧jetö, ömöayedö 'böawa waisadökwö.

Isaías 28:16

Ötjö Isabenö Jo̧ma baikwö yötawaduwakwö: Jerusalen mösa'o Sion mikwa'onö inawa chödocha, –Isabenö otiwawa, –jö̧ba̧lö badedö chedinawama. Jawa, o̧do la'aka baibanö, ajayinö lödawawa nöinö mikwawawa baibanö chödocha, o̧do la'aka 'diinö jakobetjö̧. Ja̧danö jawa ösödadöma, –Dakwö jatakwajö, –jö̧ba̧löma omukwatö tjö̧jökakwedö.

Deuteronomio 16:3

Ja̧danö, ja̧ iyawa kwukwaduwenama, ye'yeachi̧ jawakwö kwukwaduwoko chömöledö. Ja̧ ba'ali kwukwaduwena, jelemutjö dötölataja möle baledibanö ye'yeachi̧ jawa jwi̧i panda kwukwaduwo. Ja̧ panma, usula emawa jawa pan ötjabobe, baikwö labebö lobö yötawa: Juluwanö teada̧lökönö Egipto nijitjö lakebinaduwobetjö̧, pan ye'yeachakwa̧ kwiteada̧loböma jwiinobe, juluwanö lakebaduwobetjö̧, jö̧tö? Ja̧danö ba̧kwelöjatebö Dios mönö öbaledina omukwatakwawa ba'ali kwukwaduwenama, ja̧ panbi kwukwaduwo, ba̧kwelöjatebö ja̧ Egipto nijitjö juluwanö lakebinaduwa kwomukwatibaduwakobetjö̧.

Josué 6:9

Ja̧danö pjubadö tjabönö, ölakwabikwawa jojodöma kwetjachinobe, ja̧danö isapjo ökömanö, ökömakwö teada̧ladö ölakwabikwawa jojodö kwetjachinobe. Ja̧danö okobe jwiinö söpödö kwetjachonö, trompeta pjubadöma kabatökönö pjubö kwetjachinobe.

Isaías 26:7

Jo̧kwaijayonö otiwadösa jö̧ba̧ladö tjitebo comunidad pjolö loijayonö, Dios wei̧ a̧ja̧kwö ja̧dönö pjabato̧ Diosma, ba̧ba̧lawobe kwetjachobö pjabato̧. Jau chuluwo̧ Dios, weköbi̧ a̧ja̧kwadönö pjabatö, mana ba̧ba̧lawamanö kwetjachobö pjabato̧ja.

Isaías 42:16

Ja̧danö, chömöledö tjöbajale tjewawadödanöbedönö pjatatocha. Jobadönö ötibakwo̧sa, mana edajitjökö mananö kwetjachobö. Ötjöda jobadönö jwetebakwo̧sa, ja̧danö tjöba a'otjö yȩa'woma, dewi̧ baibanö balewö lotakwo̧sa, otiwanö tjedakobetjö̧. Ja̧danö niji ya̧likwaobe inakoobema, ba̧ba̧ladö chotidocha, ba̧ba̧lawamanö otiwanö kwetjachakobetjö̧. Jobekwö isabenö chömöledönö pjatatakwo̧sa, ja̧danö jobadönö le'dedö lotökakwo̧sa.

Isaías 49:10

Ja̧danö a̧wi̧chi̧bi, ojwiyo o̧ti̧bi tjötjökakwedö, ja̧danö jawo̧ma labinö tubinö idejatökakobe jobadönö. Jau, ötjö jobadönö lȩlö̧inö edo̧ma otiwanö tji̧'yakwa̧ jwetebakwo̧sa, ja̧danö otiwanö ötibakwo̧sa, ojwese'dobe ichibö tjowakobetjö̧.

Isaías 49:11

Ja̧danö mösa'ijuma, mana ba̧ba̧lawama baibanö ja̧takwo̧sa, ja̧danö mana jalama chotidakwo̧sa, otiwanö kwetjachakobetjö̧. Jobekwö wanedö yöta̧la chömöledö israel jojodönö pjatatakwa̧ma .

Isaías 57:18

Ötjöma chömöledö sulabenö ja̧bö tjö̧ji̧ chedajabe, jo̧kwaijayonö yayonö jobadönö pjatatakwo̧sa, ja̧danö tjö̧bibajinö otidö lotocha. Jobadönö öbibö jwetebocha, ja̧danö jobadö o̧'wo tjo̧achö budekwadönö, tjo̧'wo ösöwobö pjatatocha.

Josué 4:11

Ja̧danö okobe deinö israel jojodötjö tjöbaledakwedö tjöbaledaja̧ ikenama, bajaliyanö tjö̧'da̧de pjabatadöma Isabenö Jo̧ iteapjo e'ewö, ojwe ö'wejetjö labebö, jojodö tjöba a'o tjöbaledinobe.