Isaías 52:1 - Dios Iwene

¹ Wilubi, wilubö a̧la̧ibi Sion mösa'o, yemidanö juluwachibi. Ökwö Dios itebo comunidad baibanö 'da̧batö ujuninemi Jerusalenma, otiwa̧do̧ 'dubawi, yȩbekwadöbi, Diosnö öpöjödadöbi kwitea apjude okwa tetjachökakwedö bemi tupakwöma.

Isaías 52:1 Referans Kwoze

Apocalipsis 21:27

Jo̧kwaijayonö suli̧ jawama teatakwawokobe, jwiinö otiwi̧ jawada. Jobema, 'yayi̧ Jerusalénöma, otiwakwö sulabekwö pjaacha̧lokobe. Ja̧danö, ba̧kwȩlö̧jatebö omöna yöba̧ladöbi tebachöködö. Tjimibiya wȩyukwadöda tetjachobe, Bidöma Dios ö̧jobe tebachö ja̧dö, jö̧ba̧lö, jö̧tja̧lawö̧da. Jobadöma, tjimibiya ba̧jadö, Obeja Itji̧danö Jo̧ u̧kwa kwialu'ye okwa.

Isaías 51:17

Ökwödö 'dukwachawö̧danöbedö Jerusalen jojodöma, wilubaduwi, wilubö a̧la̧ibaduwi. Wanedö yöta̧laduwakwö, Isabenö Jo̧ma iteda ödameakwi̧ a̧ja̧'do̧ deja'do̧tjö kwowaduwobö iyinobe, ja̧danö iyajawö̧, okobe jwiinö kwowaduwajabe, ja'yubebi ji̧bökönö kwowaduwajabe, inesö yeabikwawa jawa deja'do̧ a̧ji̧ma.

Apocalipsis 21:2

Ikenama 'yayi̧ Jerusalén ötjabemi chedijatö, Dios 'da̧batö ujuninemima. Jemi 'yayi̧ Jerusalénma mölejȩbetjö böjȩkwö jwiachobe chedijatö. Yelösöda, otiwemi 'yayi̧ Jerusalénma. Bakwuju jilekwenö jemakwuju otiwanö otikwö, otiwanö 'dujawi̧danö otiwemi, 'yayi̧ Jerusalénma.

Isaías 51:9

Duluwo̧ Isabenö Jo̧, baikwö adebakwö, A̧la̧ibi, juluwanö a̧la̧ibi, inesö kwujulu kwi̧sȩbakobetjö̧. Damötjö kwujulu kwi̧sȩbinadanö, yemidanö a̧la̧ibö ökwödönö pjakatobö atebakwö. Jau duluwo̧ Dios, ökwöda damötjö Rahab ötjabökwe, inesö jwaibalawanö ji̧na labo̧nö dȩdȩbö loköbijatö, ja̧danö dȩdebö lobajo̧, pjei̧kwena kwubulabinobe, jö̧tö? Jobekwö yemidanö kwujulu kwi̧sȩbobö atebakwö.

Isaías 35:8

Ja̧danö niji ö'wejenö, jalama mana ja̧kobe, ja̧danö ja̧ma Sulabe jwibadö kwetjachama, jö̧ba̧lö ötjabakwama. Ja̧manö Dios öba a'otjö 'yȩekwi̧ juna̧ladöma kwetjachökakwedö, sule Dios wei̧ a̧ja̧kwö ju̧kwadöda jamanö tjö̧jakwedö. Ja̧manö la'akatjöda kwetjachökakwedö, sulabedö jweinö omukwatöködöma.

Romanos 13:14

Wainö ja̧bö kwö̧jaduwo chömöledö. Baikwö wanedö yötawa: Duluwo̧ Jesucristo jawa 'dukawaduwo chömöledö, ja̧danö Dios ösödi̧ jawada ja̧köbaduwobö kwisakwaduwo. Ja̧danö, sulabenö dösödi̧ jawama, böjȩ jojodö sulabenö dösödi̧ jawa ja̧köbaduwoböma kwisakwaduwoko chömöledö.

Mateo 4:5

Jemi ikenama Awetjama Jesúsnö öbibö i̧'yinobe Jerusalénbe, Dios ejutjö wa̧pekwobe,

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

Isaías 61:10

Jwiinö cho̧'wo ösöwachibanö chösödobe Isabenö Jo̧nö, —Chösödökwe Diosma otiwanö pjabato̧, —jö̧ba̧lö. Jau, baikwö wanedö yöta̧la, ji̧ikwa jawa kamisinö 'duatajabe ötjönö, ja̧danö otiwanö ja̧bö ja̧kwawa jawa wamesa̧do̧nöbi 'duatajabe. Jobekwö 'duatajökwe, ö'weje pjabato̧bi, ilekwonö emakwo̧bi jwiinö otiwaka butjawaka tjubutjawi̧danö, ja̧danö jilekwenö jemakwuju sasiyu jöni̧danö, otiwanö 'dubawö jo̧sa, chösödökwe Diosma otiwanö pjaatobetjö̧.

Isaías 60:21

ja̧danö okobe deinö kwömöledö israel jojodöma, bakobe weti̧ a̧ja̧kwö tjö̧jakwedö, ja̧danö 'döbibajökönö, ba̧kwelöjatebö otiwanö israel nijinö tjö̧jakwedö. Jau chömöledö, jojodö towi tjujuni̧danö, ötjöda israel jojodönö chujunocha, —Duluwo̧ Diosma otiwo̧, —jö̧ba̧lö ötjönö tjösödakobetjö̧. Ja̧danö chujunajawö̧, otiwanö 'diinö tjö̧jakwedö.

Isaías 26:2

Comunidad apjude po̧kebaduwo, Dios wei̧ a̧ja̧kwö ju̧kwadö tetjachobö, Dios wei̧ jwaikwöda a̧ja̧kwadö tetjachakobetjö̧.

Isaías 1:21

Jerusalen comunidadwe! Ajayinö Jerusalennö ju̧kwadöma, otiwanö Diosnö ösödö tjö̧jinobe, jo̧kwaijayonö babema bakwuju jilekwebö̧kö̧kwö sulabenö 'da̧'da̧bakwawuju jalewi̧danö, ju'wedö tjösödawö̧nö sulabenö ösödö tjö̧jobe. Ja̧danö ajayinö Dios wei̧ otiwanö a̧ja̧kwadö Jerusalennö tjö̧jinajayonö, babema jojodönö kwabawö lobadöda Jerusalennö tju̧ju̧kwobe.

Éxodo 28:40

Ina webijetö Isabenö Jo̧ma: —Aarón i̧tji̧mu̧ ömadö 'dutjawakwa̧bi 'dö̧tjo, okwasado̧ ödöado̧, diatakwawado̧, tjubutjawa'wo. Ja̧ 'dutjawakwa̧ma wainö ji̧ o̧di̧ju̧, jwiinö otiwi̧ jawa o̧dijuma. Ja̧danö ja̧ 'dutjawakwa̧ o̧di̧ju̧ma ötjöda omudawö chujuninawö̧ 'dutjawakwa̧ o̧di̧ju̧, jojodöma jobadönö edö, Isabenö la'aka luwedö, wainöbedö, jö̧ba̧lö, tjomukwatakobetjö̧.

Éxodo 28:2

Ja̧danö, weköbo 'dö̧awa waisadönö kwöpöe Aarón 'duawakwa̧ o̧di̧ju̧ 'dö̧tjobö, wainö o̧di̧ju̧, jwiinö otiwi̧ jawa o̧dijuma. Ja̧ 'duawakwa̧ o̧di̧ju̧ma ötjöda omudawö chujuninökwe 'duawakwa̧ o̧di̧ju̧, jojodöma jo̧banö edö, Isabenö itema la'aka luwo̧, wainö bo̧, jö̧ba̧lö, tjomukwatakobetjö̧. Ja̧danö, ja̧ 'duawakwa̧ o̧di̧ju̧ma jwiinö otiwa jawa o̧di̧ju̧.

Apocalipsis 19:14

Ja̧danö, jo̧ba ökömanö ba̧jekwadö 'bötjabikwawakwedönö chedijatö, ka̧ba̧yu̧dö dewadö tjoma'anö 'ya̧dönöma. Jobadöma kamisi jwiinö otiwi̧ salöinö dewi̧ o̧do̧ 'dubawadö.

Apocalipsis 19:8

Yelösöda otiwanö 'dujawajabe, Dios jejenö otiwanö 'dujawobö weobetjö̧. Jökamijido̧ma jwiinö otiwado̧. Salöinö dewado̧. Bakwai̧ linotjö otikwado̧. Ja̧do̧ bakwai̧ linotjö otikwado̧ma, Dios ömöledö babibinadö, Dios öba a'otjö suli̧ jwiinö, otiwanö tjö̧ji̧ wanekwachobe, jö̧ba̧lö jwötjeba̧li̧ cha̧ja̧kwijatö.

Efesios 4:24

Ja̧danö, ju'wi, 'yayi̧ jawa, otiwanö omukwataduwi chömöledö, Dios otiwanö omukwati̧danö. Dios otiwanö omukwati̧ma, isabenö suli̧ jwii̧ omukwati̧, wainö ji̧ jawa omukwati̧ma.

Lucas 15:22

Jejenö yöa̧lijayonö, isabenö chitji̧ kwö̧joböma mikwawö̧kö̧ja jö̧ba̧löma atadinokobe abe'doma. Itji̧nö ösödö ömöayedönö weinobe: Juluwanö ichejebaduwi inesö otiwado̧ jeledo̧tjö bajalekwönönö otiwado̧ kamijido̧ma, ja̧danö ja̧do̧nö bite chitji̧nö 'dubataduwi. Ja̧danö tjötö'anö nönawakwawabi, ötö'anö nönaduwi, ja̧danö sapatu ömasapiyanö 'dubataduwi, isabenö bitema ötjöda chitji̧obetjö̧.

Romanos 3:22

Ja̧danö, Jesucristoda dö̧jibinö pjabato̧, jö̧ba̧lö, Jesucristonö dösödobetjö̧, jejenö ja̧obe Diosma ökwödönöma, suli̧ jwibadö badibanö. Jau chömöledö, okobe deinö suli̧ jwibadö badibobö jo̧be, bakwaibedödobetjö̧. Bakwaibedödanö, okobe deinö sulabenö ja̧badösa, ökwödö dujulunö Dios ö̧jobe, bakwainö otiwo̧ Dios ö̧jobe ichibökönö. Ja̧danö, okobe deinö bakwaibedödobetjö̧, okobe deinö Jesucristonö ösödadöma bakwainö suli̧ jwibadö badiboböma jo̧be.

Daniel 10:9

Ja̧danö chedajökwe iwene ökwöobe cha̧ja̧kwenama, 'dö̧bachibö nijakwö apanö chöbamatijatö.

Isaías 61:3

Jau, okobe deinö Jerusalen comunidadtjö budekwadönö, ökwölaso̧pja tjuunö tjöwanajelö, balekwaka o̧bubiyatjö otikwaka butjawaka tjubutjawobö chiyobö weökwesa, ja̧danö tjubudesobu ji̧nemi, balekwobu o̧'wo ösöwachibakwawa o̧te chiyobö weinökwesa, ja̧danö budekwadö 'dutjawa̧do̧ 'dutjawajemi, balekwa̧do̧ tjo̧'wo ösöwachibanö Diosnö ösödadö 'dutjawa̧do̧ chiyobö weinökwesa. Ja̧ möle 'diinö ja̧nö Dios wei̧ a̧ja̧kwö tjö̧jobetjö̧, —Isabenö Jo̧ wei̧ a̧ja̧kwi̧owi encina towibiya, —jö̧ba̧lö ötjabikwawö̧. Jobekwö 'diinö tjö̧jobö ujunakwo̧ Diosma, jobadönö edö, jo̧banö otiwanö omukwatö tjösödakobetjö̧.

Isaías 1:26

—Jemi ikenama, damötjö̧ tjö̧jinadanö, yemidanö lȩekwa luwedö otiwanö yöbawadönö chujunocha, ja̧danö waisanö tjomukwatobö pjabatadönöbi chujunocha. Ja̧danö jejenö chujuniawö̧, kwiteboduwi comunidad Jerusalen otiwanö ötjabikwobe, –Dios wei̧ a̧ja̧kwadö tjitebo comunidad, -jö̧ba̧lö, ja̧danö, -Jwaikwöda Diosnö ösödö ju̧kwadö tjitebo comunidad, –jö̧ba̧lö ötjabikobe kwiteboduwi Jerusalen comunidadma, —jö̧ba̧lö yöawobe Diosma, Jerusalennö ju̧kwadönöma.

Efesios 5:14

Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.

Apocalipsis 11:2

Jejenö ba̧ja̧dö kwedobö wetijayonö cheju a̧petuma ba̧ja̧döma kwedoko. Jobema judío jojodöböködö sulabenö ja̧tjobö jo̧be. Jobadöma, ötjö 'da̧batö chujuninemi comunidadnö tebachö, tjujuluwakwedö. Ja̧danö, ja̧wo̧dö cuarenta y dosnö, jobetjöma, la'aka luwedödanö sulabenö webö tjö̧jakwedö— weijatö Diosma ötjönöma.

1 Crónicas 16:29

Isabenö mikwawo̧ Isabenö Jo̧ Diosma, —Juluwo̧ja, —jö̧ba̧lö jo̧banö dösödobö. Jo̧kwajabetjö̧, —Juluwo̧ja, —jö̧ba̧lö, kwiyaduwakwa̧ ichejebö, öba a'o kwichibaduwo, dewinö dejato̧, suli̧tjö 'da̧bachibö jo̧ Isabenö Jo̧nö bȩbachibö kwösödaduwo.

Isaías 4:3

Jau, isabenö Jerusalen comunidad söbebö lotjakobe, jo̧kwaijayonö bakobe okobe deinö jobe ju̧kwadönö kwabawö lotjoböma weökakwo̧ Diosma, o̧bukwedönö tjö̧jibinö pjaatakobe. Ja̧danö, ja̧ möle jobadö tjö̧jibobö Dios pjaatinawö̧, ina Sion mösa'o comunidad Jerusalennö ju̧kwadönö ötjabikobe, —Diosda ömöledö, —jö̧ba̧lö.

Isaías 49:18

Jau chömöledö, möakwö edö, kwitji̧muduwinö kwedaduwakwedöja, ja̧danö kwitji̧muduwi ko̧ko̧kwo kwö̧jaduwobekwö tjichobe kwedaduwakwedöja. Ötjöma Isabenö Jo̧ Diossa chömöledö, ja̧danö ötjöda isabenö yöbawö chujunaduwakwö, kwitji̧muduwima isabenö ökwödökwö tjö̧jakwedö, baikwö wanedö yötawa: Jilekwenö jemakwujuma otikwi̧ jawa nönuju, sasiyubi, ju'wi otikwi̧ jawabi, ja̧danö jobuju otikwi̧ jawa jöni̧danö, ökwödöma kwitji̧muduwinö ökwödökwö yöne kwujuna̧laduwakwedöja.

Isaías 64:10

Ökwöda kwitebo niji comunidadteniama, bakobe jojodö deobe baibajabe. Sion mösa'obi, jojodö deobe baibajabe, Jerusalen comunidadbi söbebö loawemi baibajabe.

Isaías 60:1

Chömöledö israel jojodö, a̧la̧ibaduwi. A̧la̧ibö, Dios dejatinö ujulu i̧sȩkwaduwi. Jau chömöledö, Isabenö Jo̧ma iteda dejatinö ujulu i̧sȩbö, ökwödönö pjaatajabe, jo̧kwajabetjö̧ dejatinö ujuluma ökwödönö idejatajabe.