Isaías 51:1 - Dios Iwene

¹ Okobe deinö ökwödö Isabenö Jo̧ Diosnö isakwadö, jo̧ba wei̧ a̧ja̧kwö kwö̧jaduwobö omukwatadöma, baikwö yöta̧li̧ kwa̧ja̧kwaduwo: Wanedö yötawa, ökwödötjö ajayinö jinawa, Dios 'dȩbö otidinawa kwomukwataduwo, ja̧danö ja̧wa ajayinö ji̧nemi, löwö eminelö kwomukwataduwo.

Isaías 51:1 Referans Kwoze

Isaías 51:7

Ökwödö weti̧ a̧ja̧kwö ju̧kwadöma, kwomajadeduwinö, —Dios wei̧ma inesö mikwawi̧ a̧ja̧kwö dö̧jobö, —jö̧ba̧lö ösödadöma, ökwödönö yöta̧li̧ kwa̧ja̧kwaduwo: Jojodö ökwödönö obö, sulabenö yötja̧li̧jayonö, jobadönö yekabiduwoko, ja̧danö sulabenö yötja̧li̧ a̧ja̧kwö, kwo̧'woduwi tjo̧kekwaduwoko.

Hebreos 12:14

Chömöledö, ökwödöma kwö̧ja̧wo̧dökwö ösödabikwawö, wene jwiinö kwuju̧kwaduwobö kwisakwaduwo. Ja̧danö, Dios i̧tji̧mu bakibinaduwobetjö̧ sulabenö ja̧bökönö kwö̧jaduwobö kwisakwaduwo. Chömöledö, sulabenö ja̧bökönö ju̧kwadöma Duluwo̧kwö dötewinö ju̧kwadö. Isabenö chömöledö, sulabenö ja̧bö ju̧kwadöma Duluwo̧kwö dötewinö ju̧kwöködö.

Romanos 14:19

Jo̧kwajabetjö̧ baikwö yötawaduwakwö chömöledö, kabatökönö wene jwii̧ jawa disakwaduwo, ja̧danö ju'wibi disakwaduwo chömöledö, dö̧ja̧wo̧dönö tjujuluwachibanö pjadato jö̧ba̧lö disakwaduwo.

Isaías 48:12

Chömöledö Jacob itji̧mu tupadanö jojodö, ötjöda chömöledö bakibaduwanö jwötinawö̧ israel jojodö, yötawi̧ kwa̧ja̧kwaduwo, baikwö: Ötjödasa ba̧kwelöjatebo jo̧ Diosma. Ajayitjöda ji̧nasa̧ chömöledö, ja̧danö bajaleapo löji mölebi chö̧jakwo̧sa.

2 Timoteo 2:22

Jejenö jo̧be Timoteo, jo̧kwajabetjö̧ baikwö wetakwö: Möayedö sulabenö tjösödi̧tjö 'da̧bachibö döbibaji, ja̧danö ju'wida isakwi, otiwi̧ jawada. Jau ju'wida isakwö kwö̧jobö jo̧be, sulabe jwiinö kwö̧jobö, ja̧danö Dios yöawi̧ kwösödobö, ja̧danö jojodönö kwösödobö, ja̧danö wene jwiinö kwö̧jobö. Tjomajadenö bakwainö otiwadöma jejenö tjö̧jobö isakwadö Timoteo, ja̧danö ökwöbi jejenö kwö̧jobö kwisakwo.

Proverbios 21:21

Ja̧danö, ju'wibi yötawa, wanedö: Bakwo̧ma Dios wei̧ a̧ja̧kwobö isakwobe, ja̧danö jojodönö lȩ lö̧jinö edö pjaatobö isakwobe. Isabenö, jo̧ba omukwati̧danö omukwatö jo̧ma lekwe öja̧kwo̧, otiwanö. Ja̧danö, Dios wei̧ a̧ja̧kwobö ö̧jakwo̧. Ja̧danö, jojodöma jo̧banö otiwanö edinö tjöwaisachibakwedö, otiwanö omukwatö jo̧, jö̧ba̧lö.

1 Timoteo 6:11

Jau Timoteo, ökwöma Dios ömöledöso̧ja, jo̧kwajabetjö̧, biya̧ yötawaja̧ sulabenö ja̧awatjö döbibaji, sulabenö ja̧bökönö. Dios ömöledöso̧köbobetjö̧, ju'wida isakwö kwö̧jobö jo̧be, ja̧ma biya̧: Dios ösödi̧danö ja̧awa kwisakwo, ja̧danö Diosnö ösödö jo̧ba ösödi̧danö ja̧bö kwö̧jobö kwisakwo. Ja̧danö, kabatökönö Cristonö kwo̧'wo̧ wana̧lö kwö̧jobö kwisakwo, ja̧danö jwaikwöda kwömöledö Cristonö ösödadönö kwösödobö kwisakwo. Ja̧danö, wene baibenabi kwo̧'wo̧ 'dibachibö me'dawachibökönö Cristonö kwo̧'wo̧ kwöwana̧lobö kwisakwo, ja̧danö otiwanö dösölö̧jinö jojodönö ja̧köbobö kwisakwo Timoteo.

Filipenses 3:13

Chömöledö, ida̧ökö ichibinasa jö̧ba̧löma chomukwatokobe, jo̧kwaijayonö baikwö omukwatö ja̧ti̧ma yötawa chömöledö: Ajayinö baledina jawa junibö, jwaikwöda chabönö jawada isakwö chö̧jobe.

Mateo 6:33

Jo̧kwajabetjö̧ ja̧ jawa omukwatökönö kwö̧jaduwo chömöledö. Ja̧ jawa omukwatökönö jwaikwöda Dios la'aka luwo̧ ö̧jakwa̧ jawada isakwö kwö̧jaduwo. Ja̧danö chömöledö, jwaikwöda Dios la'aka luwo̧ ö̧jakwa̧ jawa isakwö kwö̧jaduwiökwe, Kwabe'doma isabenö ökwödönö ite'ada̧lakobe. Jau chömöledö, kwakwawabi, owawabi, 'dukawaduwakwa̧bi jo̧bada ökwödönö te'ada̧lö iyakobe.

Mateo 5:6

Jwaikwöda sulabe jwii̧ Dios ösödi̧ jawa isakwadöma, isabenö tjo̧'wo̧ ösöwanö tjö̧jakwedö, Dios öba a'otjö sulabe jwibadö tjö̧jakobetjö̧.

Isaías 45:19

Ötjöma jweinö yötawajabe, yötawi̧ tojata̧lökönö wajuwanö yötawajabe. Yȩa'wo jȩmi nijitjö, tja̧ja̧kwokonö yötawijökötö, ja̧danö Jacob itji̧mu tupadanö jojodönö yötawijökötö, —Ötjönö isakwö kwö̧jaduwi̧ma, mikwawökakobe, —jö̧ba̧löma. Jobekwö yöbawinö̧kö̧sa chömöledö, ötjöma Isabenö Jo̧sa, otiwanö yötawo jö̧ta̧li̧danö yöba̧lo̧sa, omöna yöba̧lökönö, isabenö weneda yöba̧lo̧sa.

Isaías 55:6

Chömöledö, Isabenö Jo̧ma ina yöne jo̧, ina jo̧banö tjöbadekwajobö jo̧be. Jokwajabetjö̧ babe juluwanö jo̧banö kwisakwaduwobö jo̧be chömöledö, ina jo̧banö kwöbadekwaduwobö ja̧yima. Ja̧danö ina yöne ö̧jonö, jwököbaduwonö.

Isaías 51:4

Chömöledö, yötawi̧ otiwanö kwa̧ja̧kwaduwo, yötawakwa̧ otiwanö kwa̧ja̧kwaduwobö jo̧be chö̧mö̧ledö̧. Jau chömöledö, bö̧jȩ ba̧kwemeachibanö ju̧kwadönö chö̧ba̧ja̧di̧ yötjawobö wetakwo̧sa, ja̧danö ja̧bö tjö̧jobö weti̧ma, tjitebotenia jojodönö dejuwa̧'yudanö ja̧kobe.

Romanos 10:3

Jau chömöledö, Dios öba a'otjö sulabe jwibadö batjibobö tjisakwijayonö, Dios ja̧i̧ma wajwibadö, jojodö sulabe jwibadö batjibobö ja̧i̧ma. Ja̧danö, ja̧ wajwibö, Dioskwö tjichibobö isakwadö, idöda ja̧tji̧da, idöda tjujulunöda. Ja̧danö, idöda tjujulunöda ja̧bö tjisakwobema, Dios jojodö sulabe jwibadö batjibobö ja̧i̧ma tjöpöjödobe chömöledö.

Isaías 65:10

Jobekwö chiyakwo̧sa, ötjönö isakwadönö, ja̧danö chiyajawö̧, Saron ba̧ba̧lawemima yemidanö tja̧jwi̧mu obejadötjö su̧'bȩ baibakobe, ja̧danö Acor wabekoma, tjajwimu pakayadö tjabakwemi ja̧kobe.

Isaías 48:1

Baikwö laebobe Dios yöawi̧, Judasaso jojodönö: Ökwödö Jacob ömöledö, israel jojodö ötjabawö̧ma, ökwödönö yötawi̧ kwa̧ja̧kwaduwo. Ökwödöma Juda itji̧mu tupadanö jojodöja, ja̧danö ökwödö yöbawö kwujunaduwenama, ötjö Isabenö Jo̧ Dios chiminö yöbawö junadöja, ja̧danö yöba̧ladöja, —Ökwödöma Israel jojodö tjösödökwe Diosnö ösödadösa. Ja̧danö iteda itebo comunidad baibanö Dios 'da̧batö ujuninemi comunidad jojodösa. Isabenö Jo̧ Okobe Jwiinö Juluwo̧ Dios jö̧ba̧lö mikwo̧nö do̧'wo wana̧ladösa, —jö̧ba̧lö yöba̧ladöja. Jo̧kwaijayonö, jobekwö wamenö yöka̧laduwijayonö, omöna, ökwödöma ötjö weti̧ a̧ja̧kwöködöja.