Isaías 50:4 - Dios Iwene

⁴ Chuluwo̧ Isabenö Jo̧ Diosma ötjönö öba̧ja̧dajabe, iteda waisanö yöa̧li̧ yöta̧lobö, me'dawachibadönö tjujuluwachibanö yöta̧lakwa̧ chöwaisakobetjö̧. Ötjönö ba̧ja̧dö, yȩayikwena ötjönö wiludö, ö̧ba̧ja̧di̧ cha̧ja̧kwobö webo̧, waisachadö tjöwaisachi̧danö, Dios öba̧ja̧di̧ jawa a̧ja̧kwö chöwaisachakobetjö̧.

Isaías 50:4 Referans Kwoze

Proverbios 25:11

Ja̧danö, ju'wibi jwebebö yötawa: Jelo̧nö otiwanö pjabatö yöka̧litjö̧ma jwiinö ösödena, otiwa jö̧ba̧lö. Wanedö yötawa: Dȩja̧pa̧ platatjö otidö, orotjö dubebö otikwa̧pama jwiinö otiwapa̧ ¿jö̧tö̧? Ja̧pa edinöma, asul jwiinö otiwapa̧, jö̧ba̧lö dösödapa̧. Ja̧pa edö dösödi̧danö pjabatö yöka̧lö̧kwema jwiinö ösödobe, otiwanö pjakatajabe, jö̧ba̧lö.

Proverbios 15:23

Ja̧danö, ju'wibi yötawa, wanedö: Bakwo̧ma jelo̧nö abebö a̧ja̧kwobe, ju'wi jawabi ju'wi jawa öwaisobö. Ja̧danö, abebö a̧ja̧kwajökwema otiwanö atadobetjö̧ jwiinö pjaatobe abebö a̧ja̧kwo̧nöma, ja̧danö nöinö ösödobe abebö a̧ja̧kwo̧ma, otiwanö kwatadajabe, jö̧ba̧lö. Isabenö yötawa: Okobe deinö tjösödobe jweinö atadakwawama. Isabenö, abebö a̧ja̧kwökwema pjabatö yöbawö otiwanö ataditjö̧ma abebö a̧ja̧kwo̧ma nöinö ösödakwo̧, babema chöwaisobö chisakwaja̧ma otiwanö yökawajabe, jö̧ba̧lö.

Lucas 4:22

Okobe deinö jojodöma otiwanö yötja̧linobe Jesúsnö, Bitema otiwanö yöbawo̧. ¿Dakwö jejenö otiwa jawa yöbawo̧jö? jö̧ba̧lö. Jejenö yötja̧liawö̧, Nazaret jojodötjö ju'wedö yötja̧linobe: —Bitema ditebo jojo José itji̧, ¿jö̧tö? Kwatjö̧ma ¿dakwö waisanö yöba̧lo̧jö bitema?— jö̧ba̧lö tjo̧'wo̧ sulinö yötja̧lakwawinobe.

Mateo 13:54

Jemi ikenama, Jesúsma yemidanö iteda ajayinö itebobe ȩwa̧jinobe, ja̧danö judío jojodö ba̧nö tja̧ja̧kwa̧leju tebachö, jojodönö yöawinobe. Yöawiawö̧, jojodöma tjöbajale jalaka baibanö yötja̧lakwawinobe: —Bitema ¿dakwö waisanö yöawobö öwaisachibinajö? ja̧danö, jojodö edajitjökö jawa ¿dakwö ja̧bo̧jö?

Mateo 11:28

Tupakwö yöawinobe Jesúsma, jojodönö: —Okobe deinö ökwödö me'dawachibadö, nöinö ömöki̧ jawa kwe'ewaduwajabetjö̧ me'dawachibadöma, chö̧jobekwö ichaduwi, ja̧danö kwö̧'wachaduwobö ja̧takwo̧sa.

Mateo 22:46

Jejenö aebawö̧, atadakwawa jwiinö tjö̧jinobe, ja̧danö jemi tupakwöma Jesúsnö abebö tja̧ja̧kwobö yetjabinobe, yelösöda waisanö atado̧ jö̧ba̧lö.

Juan 7:46

jejenö abebö tja̧ja̧kwiawö̧: —Duluwedö, otiwanö yöawi̧tjö do̧datoböma jwiatö. La'akatjöda da̧ja̧kwinokobe jo̧ba yöawi̧danö yöawi̧ma— tjatadinobe jobadöma, Dios eju te'ada̧ladö guardia jojodöma.

Proverbios 12:25

Ja̧danö, ju'wibi yötawa: O̧'wo̧ tjo̧bekwö jo̧ma ime'dawachobe. Ja̧danö, o̧'wo̧ tjo̧bekwö ime'dawachijayonö ömöledöma pjabatö yötja̧lena jo̧banö o̧'wo̧ tjo̧bekwö ö̧jelö o̧'wo ösöwachibanö pjatjatobe.

Isaías 8:16

Ja̧danö, babema baikwö weta, böja chi̧wȩyudaja̧ 'bo̧datö kwiteada̧laduwo, ja̧danö Dios weina weyukwöja seyu dobajadö, yötawi̧ waisachadönö kwiyaduwo.

Isaías 28:9

Dios yöawi̧ tjaja̧kwobö öpöjödadö, —Ite Dios ökwödönö waisakwawa jawa ö̧ba̧jadobö jwibo̧, yöawi̧ okwa jawa ökwödönö labebö lobö yöawobö jwibo̧. Ökwödönö yöawi̧ma, tjemu iya̧nö o̧do'bi̧ 'dötjebajawö̧nö yöawobedanö ichejekwa, tjemu pjebadönö yöawobedanö ichejekwa.

Isaías 28:19

Ja̧danö jobadö ölakwabikwawadö yemidanöbi, yemidanöbi kwitebobenö baledö, ökwödönö tjemakwedö, yȩayibi, möle ja'öbi, yö̧tebi ökwödönö emibö tjöbaledakwedö. Ja̧danö sule jwiinö bakwainö yekabiduwenada, bajalianö yötawi̧ okwa jawa kwöwaisachibaduwakwedöja.

Isaías 35:5

Jobekwö pjabatö ichenama, tjöbajale tjewawadöma tjedakwedö, ja̧danö tjölakiyu a̧ja̧kwöködöma tja̧ja̧kwakwedö.

Isaías 40:29

Jo̧bada me'dawadönö tjujuluwachibanö pjabato̧, jo̧bada tjujulu jwibadönö tjujulu iyo̧.

Isaías 50:10

Baikwö yöta̧laduwakwö chömöledö: Ökwödötjö didöda Isabenö Jo̧ Diosnö yebabinö ösödö kwö̧jaduwobeda? Ökwödö Diosnö ösödadösa jö̧ba̧ladöma, Dios ömöayo̧ yöawi̧ a̧ja̧kwö kwö̧jaduwo chömöledö. Ja̧danö ökwödötjö yȩa'wo okwa, dewi̧ ja'yubebi dewokobe kwebachadöma, Isabenö Jo̧nö kwo̧'woduwi wana̧lö kwö̧jaduwo, kwuluwo̧duwi Diosnö ösödö kwö̧jaduwo, —Diosda pjaatakwo̧, —jö̧ba̧lö.

Isaías 54:13

Ja̧danö ötjö Isabenö Jo̧ Diosda kwitji̧munö chöba̧ja̧dakwo̧sa, ja̧danö kwi̧tji̧muma isabenö jwiinö otiwanö tjö̧jakwedö.

Deuteronomio 18:17

—Ja̧danö, jejenö yöka̧linaduwiökwe, Isabenö Jo̧ma ötjönö yöa̧linobe, –Jejenö yötja̧laja̧ma, waisanö yötja̧lajabe.

Deuteronomio 18:18

Jo̧kwajabetjö̧ jobadönö yöta̧lobö jö̧ta̧lenama, jobadötjö bakwo̧nö 'da̧batö chujunakwo̧sa, ökwödajayo̧nö. Ja̧danö, 'da̧batö junajo̧, jo̧banö yötawocha, jojodönö yötawo jö̧ta̧li̧ma, ja̧danö jo̧bada yöawobö weti̧danö okobe jwiinö ötjö yötawaja̧ tupakwö jojodönö yöawakobe.

Diosnö ösödo̧ Job mikwo̧ usula emawina jawa 4:4

Jau Job, ju'wedö Diosnö tjösödi̧ katjatibo jö̧tja̧linenama, katjatibapji jö̧ba̧lö pjabatinaja, ja̧danö tupakwönönö tjujuluwachibanö pjabatinaja.