Isaías 5:5 - Dios Iwene

⁵ —Ja̧danö, jobekwö suli̧ jawada pokwobetjö̧, baikwö yötawaduwakwö chöbatjo ja̧takwa̧ma: Chöbatjo ö'öbö tjöekwi̧, ja̧danö inawatjö otikwemi tjöekwemibi 'dobö lotocha, tebonö ju̧kwadö chöbatjo tebachö, ja̧tö lotjakobetjö̧.

Isaías 5:5 Referans Kwoze

Lucas 21:24

Jobadötjö ba̧jekwadönö kwölöte'onö kwabö lotjakobe, ja̧danö jobadötjö ba̧jekwadönö tjitjebotjö öbibö, ju'wedö judío jojodöböködö tjitebokwena tjö̧jobö ötjibakobe. Ja̧danö, jemi tupakwö Jerusaléntjö judío jojodöböködöda webö tjö̧jakobe, Dios jobadö webö tjö̧ji̧tjö latjebobö ujunina möle badekwachenanö kabatö— jö̧ba̧lö yöawinobe Jesúsma.

Isaías 28:18

—Jobekwö baledenama, ökwödökwö Egipto luwedökwö yöbawö kwujunaduwinama söbebö loakobe, ja̧danö ö'wö badibökakwedösa, ö'wö babibinadö tjö̧jemi dichibökakwedösa, jö̧ba̧lö kwomukwataduwi̧ma waekwakobe. Ja̧danö kwakwaakwawopjadanö ichejekwadö ölakwabikwawadö kwiteboduwi ö'wejenö tjöbaledenama, ökwödönö tjö̧jatakwedö, nijakwö bakibaduwanö.

Apocalipsis 11:2

Jejenö ba̧ja̧dö kwedobö wetijayonö cheju a̧petuma ba̧ja̧döma kwedoko. Jobema judío jojodöböködö sulabenö ja̧tjobö jo̧be. Jobadöma, ötjö 'da̧batö chujuninemi comunidadnö tebachö, tjujuluwakwedö. Ja̧danö, ja̧wo̧dö cuarenta y dosnö, jobetjöma, la'aka luwedödanö sulabenö webö tjö̧jakwedö— weijatö Diosma ötjönöma.

Isaías 28:3

Jau, Efrainsaso jojodötjö 'dukwachawö̧ tjubutjawakadanö ji̧ comunidad Samaria ja̧takwö lotjakobe tjöpöjojodöma.

Isaías 10:6

Jobadönö wetajabe, israelsaso Diosnö tjösödököso jojodönö metjibobö. Jwiinö chödameakwawö̧nö metjibobö wetobe Asiria jojodönö, israel jojodönö juluwajadö, söbebö lobö tjitea 'döbebö tjemakobetjö̧, ja̧danö manatjö lete'o ja̧tö lotji̧danö, jobadönö ja̧tö lotjakobetjö̧.

Génesis 11:7

Jejenö jö̧ba̧lö ȩwa̧jo̧: —Jobekwö di̧'yo, tjiwene balewö lodo wainö tjiweneda yöba̧ladö batjibanö, bakwo̧ jelo̧ yöa̧li̧ma a̧ja̧kwökakobetjö̧— jö̧ba̧lijetö Isabenö Jo̧ma.

Génesis 11:4

Ikenama yöba̧lakwawijadötö: —Duju̧kwemi comunidad dotido. Ja̧danö, comunidadnö o̧do möeju dotido mölejȩbe ichibanö. Jejenö dotiditjö̧ma okobe deinö böjȩnö ju̧kwadöma ökwödönö tjöwaisakobe, otiwanö tjotidinobe möejuma, jö̧ba̧lö. Ja̧danö, jejenö otidö ökwödöma bakwainö omukwatadö babibajadö benada otiwanö bakobe duju̧kwakobe. Jejenö dö̧jo böjȩ bakwemeachibanö wainökwena duju̧kwökakobetjö̧, ökwödötjö ju'wedö jelobe, ökwödötjö ju'wedö jelobebi— yöba̧lakwawijadötö.

Daniel 8:13

Ja̧danö ángelesdö yötja̧lakwawobe cha̧ja̧kwijatö, bakwo̧ jelo̧nö abebö a̧ja̧kwinobe: —Bite Diosnö tjiyobö webö̧kö̧ma, Dios wei̧ öpöjödö ölakwabikwawö jo̧ma, Diosnö iyawemi sulamachibanö ja̧bo̧ma, ¿dokwa lekwe ujuluwakwa̧da? ¿dokwa lekwe möletenia Diosnö iyawa iyökönö tjö̧jakwa̧da? Ja̧danö, ¿dokwa lekwe Dios ejubi, Dios ömöayedönöbi ujuluwakwa̧da?— jö̧ba̧lö abebö a̧ja̧kwobekwö cha̧ja̧kwijatö.

Isaías 25:10

—Isabenö Jo̧ Diosma isabenö iteda ömamu bi'o Jerusalen mösa'onö 'bieba̧lakobe ichejekwa, bi'otjö iteda ujulu i̧sȩbö ökwödönö pjaatakobetjö̧. Jadanö ökwödö israel jojodönö pjabatö, Moab niji jojodönö lȩebakobe. Wanedö yöta̧la, tjide'o wame me'je'ye kököa'ye tjö̧ja̧tidanö, Moab niji jojodönö ja̧tö loakobe.

Proverbios 24:31

Jo̧ba öbatjoma sula'woda pokwinobe, ja̧danö inawiyatjö tjöekwemibi kwaibinobe chedijatö. Isabenö iteda öbatjoma otidö̧kö̧, u̧'du̧wekwobetjö̧.

Isaías 32:10

O̧ba bakwabada baledaja̧ ikena, juluwanö yebabinö tjö̧bawö kwö̧jaduwakwedöja. Jau, ja̧ möle uba waji̧ kwemaduwo jö̧ka̧laduwi̧ma, waekwakobe, ja̧danö ju'wi kwakwawa towi waji̧ kwemaduwo jö̧ka̧laduwi̧ma badekwachökakobe.