Isaías 5:28 - Dios Iwene

²⁸ Jobadöma tjitea nayunu sȩayu juna̧ladö, ja̧danö 'böpöma ida̧ökö sedata̧lö ja̧dö, juluwanö israel jojodönö 'bötjakobetjö̧. Ja̧danö tja̧jwimu kabayudö tjömasapiyama, inawadanö 'diyapa juna̧ladö, ja̧danö tjiteaka kolukiya o'ijuma, jwa̧le'epjodanö juluwanö jalacha'o, juluwanö tjichibakobetjö̧.

Isaías 5:28 Referans Kwoze

Isaías 21:1

Baikwö laebobe Dios yöawi̧, jwaibalawa ö'öbö, jojodö deobe niji jawa: —Alikwötjö jwa̧le'epjo labinö dobibö jwa̧le'ewi̧danö, jwiinö yetjabawö̧ tjitebo nijitjö tjichakobe, ja̧danö jojodö deobetjö labebö metjibakwedö, —jö̧ba̧lö laebobe Dios yöawi̧ma.

Jueces 5:22

Sisara ömöayedö tja̧jwi̧mu kabayudö ö'ötjakwawi̧ma labinö ökwöinobe, tja̧jwi̧mu juluwadö ö'ötjakwawi̧ma labinö ökwöinobe.

Isaías 13:18

Jwaikwöda lȩlöjinö edökönö, kwabö lotjakwedö medo jojodöma, ömadö ina juluwadönö 'böbö lotjakwedö, ja̧danö lȩlöjinö edökönö, tjemunöbi, iyanö tjemawö̧nöbi kwabö lotjakwedö.

Isaías 66:15

Isabenö labinö lȩebakwo̧ iteda öpöjojodönö chömöledö. Isabenö Jo̧ma ökwölanö ichakwo̧, ja̧danö itea kolukiyama juluwanö labinö ökwöinö ichakobe, labinö Dios inesö ödameakwi̧ lȩebakobetjö̧, ja̧danö iteda öpöjojodönö juwö loakobe ökwölanö.

Daniel 11:40

Ja̧danö, yöbawö wei̧ 'dö̧ibakwa̧ möle ida̧ökö yöneawachibenama, Egipto la'aka luwo̧ma ömöayedö guardia jojodökwö ichö jo̧banö tjölakwabikwawakobe, jo̧kwaijayonö waekwakobe. Jejenö tjichibiökwe, Siria la'aka luwo̧ma jobadönö labinö meibakobe. Ömöayedöma kabayu̧dö tjötji̧ kolukiyanö a̧jöbi, ka̧bayudönö wanöbi, isowi nöowinö a̧jiböbi, Egipto luwo̧nö labinö metjibakobe, ja̧danö ju'wedö tjitebobenö baledö, ojwe okwatibidanö yelösöda ba̧jekwadö tjöbaledakobe.