Isaías 49:17 - Dios Iwene

¹⁷ Ja̧danö chömöledö, Jerusalen jojodö, juluwanö kwitji̧muduwima kwiteboduwibe tjebachajö tjichakwedö, ja̧danö kwiteboduwi Jerusalen comunidad söbebö lobinadöma latjebakwedö.

Isaías 49:17 Referans Kwoze

Isaías 62:5

Jau Jerusalen, bakwo̧ möayo̧ ilekwo baibanö möayujunö o̧'wo ösöwanö emidanö, ökwönö otidinama ökwönö emakobe ichejekwa. Ja̧danö ilekwonö emajo̧, bakwo̧ ilekwonö ösödö, —Otiwujunö chemajabe, —jö̧ba̧lö o̧'wo ösöwanö ö̧jidanö, ökwönö o̧'wo ösöwachibanö ösödakobe kwösödökwe Diosma.

Isaías 51:13

Tajawedö ötjö, ökwödönö otidina, Isabenö Jo̧ Diosnö kwo̧'wo jwikibinaduwada chömöledö? Ötjöma isabenö juluwo̧sa, ötjödasa mölȩjȩ sedatö nöninama, ja̧danö ötjödasa bö̧jȩ la'aka lödinama, ötjönö kwomukwataduwo jö̧ka̧laduwajabe. Jo̧kwaijayonö, kwöpöjojodöduwi usula kwemawaduwinö ja̧badö tjölabena, ja̧danö ökwödönö söbebö lotjobö jö̧tja̧lenama, ötjönö omukwatökönö, bakobe yebabinö ja̧döja. Jobadönö yekabiduwobö jwiobe chömöledö, ökwödönö labinadöma ida̧ökö debi batjibajabe.

Isaías 49:19

Babema kwiteboduwi Juda nijima, isabenö suli̧ waekwobe, jojodö deobe chömöledö, jo̧kwaijayonö ja'yubenö lekwajabetjö̧ ökwöda kwömöledötjö su̧'bȩ baibakobe kwiteboduwima, kwiteboduwitjö jojodö deobebi tjö̧ba̧jekwachenanö baibanö. Ja̧danö ja̧ möle, kwöpöjojodöduwi, tjö̧möayedö bakibaduwanö ökwödönö juluwinadöma, kwö̧jaduwelö ödö tjö̧jakwedö.

Isaías 10:6

Jobadönö wetajabe, israelsaso Diosnö tjösödököso jojodönö metjibobö. Jwiinö chödameakwawö̧nö metjibobö wetobe Asiria jojodönö, israel jojodönö juluwajadö, söbebö lobö tjitea 'döbebö tjemakobetjö̧, ja̧danö manatjö lete'o ja̧tö lotji̧danö, jobadönö ja̧tö lotjakobetjö̧.

Isaías 37:18

—Jau chuluwo̧ Dios, isabenö yöa̧laja̧danö, Asiria la'aka luwedöma okobe deinö tjitebotenia jojodönö tjujuluwinobe, ja̧danö tjitebo niji suli̧ waedö söbebö lotjinobe.

Isaías 60:4

Jobekwö baledakwa̧, baikwö yöawobe Diosma: Pöbamö edö bakwachobetenia ko̧ko̧kwö tjichobe kwedadaduwakwedöja. Kwi̧tji̧muduwi ömadö ödötjö tjichobekwö kwedaduwakwedöja, ja̧danö kwitji̧muduwi ya̧dönö apjö̧alö tjichejebobekwö kwedaduwakwedöja.