Isaías 48:11 - Dios Iwene

¹¹ Ina tupakwönönö ökwödönö usula kwemawaduwinö weto jö̧ta̧lena chömöledö, jo̧kwaijayonö, ötjöda chimi chomukwatobetjö̧, tjo̧wita, babe kwö̧jibaduwinö pjatatakwo̧sa. Jau, bakobe ökwödö ötjöda chömöledönö söbebö lotitjö̧ma, kwöpöjojodöma idöda tjösödawö̧nö tjomukwatena, —Ökwödö dösödawö̧ma, Dios ömöledö israel jojodönö tjujuluwajabe, —jö̧ba̧lö. Jobekwö ötjönöda otiwanö tjo̧mukwato jö̧tja̧li̧ma, ju'wedönöda tjomukwatapji jö̧ba̧lö a̧'dȩlo̧sa, ja̧danö ju'wedönö omukwatökönö, ötjönöda otiwanö tjomukwatakobetjö̧, kwö̧jibaduwinö pjatatakwo̧sa.

Isaías 48:11 Referans Kwoze

Isaías 42:8

Ja̧danö ju'wibi laebobe Dios yöa̧li̧ma: Ötjöma Isabenö Jo̧sa, jobekwö, —Isabenö Jo̧, —jö̧ba̧lö mikwo̧sa. Ötjödasa otiwanö omukwatö tjösödo jö̧tja̧lökwema. Ja̧danö ötjönöda tjösödo jö̧tja̧li̧ma, jelo̧nöda tjösödoböma wetökakwo̧sa. Ötjödasa tjösödo jö̧tja̧lökwema, —Isabenö Jo̧ma otiwo̧, —jö̧ba̧lö̧. Ja̧danö ötjönöda ösödö yötja̧lo jö̧tja̧li̧ma a̧'dȩlö omukwato̧sa, ötjönöda ösödö yötja̧lo jö̧tja̧li̧ma, o̧'wo jawa ösödö yötja̧loböma webö̧kö̧sa, jö̧ba̧lö.

1 Samuel 12:22

Isabenö Jo̧nö kakatibaduwoko chömöledö, jo̧bama isabenö ökwödönö kabatibö̧kö̧. Jau chömöledö, kwuluwo̧duwi imima Isabenö Jo̧ jö̧ba̧lö mikwo̧, jo̧bada Inesö Isabenö Jo̧obetjö̧. Ja̧danö, iteda ösödi̧danö, ökwödö israel jojodönö omudawö ujuninobe, Isabenö Jo̧ ömöledö bakibaduwanö. Jo̧kwajabetjö̧, ja̧ wene omukwatö, ökwödönö kabatibö̧kö̧ Isabenö Jo̧ma chömöledö, —jö̧ba̧lö yöawinobe Samuelma.

Isaías 43:25

Ötjöma Isabenö Jo̧ Dioschobetjö, kwusuladuwi̧ söbebö lobo̧sa chömöledö, ötjödachobetjö̧ sulabenö ja̧köbaduwi̧ omukwatökönö, ökwödönö lȩlöjinö edo̧sa chömöledö,

Romanos 2:24

Jau chömöledö, ju'wedö sulabenö Diosnö tjomukwatobö ja̧badöja, Dios iwene laebi̧danö. Dios iwenema baikwö laebobe: Ökwödö judío jojodö sulabenö ja̧köbaduwobetjö̧, ju'wedö judío jojodöböködöma sulabenö Diosnö yöba̧lö obadö, jö̧ba̧lö, laebobe, ja̧danö ja̧ laebi̧danö isabenö ja̧badöja.

Juan 5:23

Ja̧danö, jejenö kabebö öwanijatö ötjönö, jojodöma Chabe'do Diosnö otiwanö edö tjomukwati̧danö, bakwainö ötjönöbi tjomukwatobö, iteda itji̧nöma. Bakwo̧, ötjönö, Dios Itji̧nö otiwanö omukwatö̧kö̧ma, Diosnöbi otiwanö omukwatö̧kö̧, ötjönö webinanö, iteda itji̧nö webinanöma— yöawinobe Jesúsma judío la'aka luwedönö.

Isaías 52:5

Ja̧danö ju'wibi baikwö yöa̧lobe Isabenö Jo̧ma, —Bi̧ya̧ baledi̧ma, tajijö? Midö tjemököjayonö, yemidanö chömöledö israel jojodönö naukwö öbibö tjemajabe, tajawedöjö? —jö̧ba̧lö yöa̧lobe. Ja̧danö ju'wibi yöa̧lobe, —Chömöledö israel jojodönö webö ja̧döma, labinö jwöbeba̧lö, möle baledibanö, —Isabenö Jo̧ma mikwawö̧kö̧, —jö̧ba̧lö sulabenö yöba̧ladö ötjönö.

Isaías 48:5

Ja̧danö, jobekwö ida̧ökö ökwödönö chöwaisobetjö̧, baledakwa̧ma ajayitjö ökwödönö yötawijatö. Jau, ökwödönö chöwaisijatö, —Ajayinö baledakwa̧ yötawökötjö̧ma, o̧'wo jawa tjösödawö̧nö yötja̧lakwedö, –Baledi̧ma, dösödökwe o̧'wo jawada baledobö weajabe, –jö̧ba̧lö yöka̧laduwena. Ötjönö omukwatökönö, kwösödaduwawö̧ towisa'otjö otikwedö o̧'wo jawabi, 'dii jawatjö otikwedö o̧'wo jawabi kwomukwataduwena, —jö̧ba̧lö. Ja̧danö, jobekwö ötjöda chotidi̧ma, jobadöda tjotidi̧ jö̧ba̧lö yöka̧laduwapji jö̧ba̧lö, baledakwa̧ abönö yötawijatö.

Isaías 48:9

Ja̧danö, sulabenö ja̧bö kwö̧jaduwitjö̧, ökwödönö lȩbebo̧sa chömöledö, ja̧danö ökwödönö söbebö loto jö̧ta̧lena. Jo̧kwaijayonö ötjöma Isabenö Jo̧ jö̧ba̧lö chimi omukwatö, bakobe söbebö lotökakwo̧sa ökwödönö. Ötjönö otiwanö omukwatö tjösödakobetjö̧, bakobe ökwödönö söbebö lotökakwo̧sa. Ökwödönö söbebö loto jö̧ta̧lijayonö, chöjamatajabe, ökwödönö söbebö lobökönö.

Daniel 9:17

Chuluwo̧ Dios, ötjö kwömöayo̧ atebi̧ kwa̧ja̧kwobö atebakwö, ja̧danö lȩlö̧jinö edö ateba̧li̧ kwa̧ja̧kwobö ateba. Ja̧danö jojodö ökwönö otiwanö tjo̧mukwatakobetjö̧, ökwöda kweju jȩmi comunidad lȩlö̧jinö kwedobö ateba. Jau chuluwo̧, babema ökwö kwejuma jojodö deeju jo̧be, jo̧kwajabetjö̧ ökwöda kweju otiwanö kwedobö atebakwö.