Isaías 47:2 - Dios Iwene

² Jau, harinaso̧pja otikwawa inawa kabebö, harinaso̧pja kwotido babema, tjömöayedö otidajitjadanö. Kwibejwa̧ öwawinö, kwa̧do̧ a̧li̧nösa̧do̧ ödöa̧do̧ yo̧bekwi, ojwe pekibobö wetjobetjö.

Isaías 47:2 Referans Kwoze

Mateo 24:41

ja̧danö ya̧dö du̧ju̧taja bakobe trigoso̧pja̧ tjotidonö, jobadötjö bakwujunöda chemocha, jeluju okobe jö̧jibonö.

Isaías 20:4

Jau, Isaias i̧sȩkwaja̧danö baledakwawö̧ jobadönö, Asiria la'aka luwo̧ma jobadönö ujuluwakobe, ja̧danö juluwajo̧, ujuluwajawö̧nö Egipto jojodönöbi, Etiopia jojodönöbi öbibö e'ewakobe, tjitebötjö labebö jelobe tjö̧jakobetjö̧. Ja̧danö, jobadötjö damönöbi, ina möayedödanöbedönöbi öbibö, kamisi jwibö, sapatu jwibö, tjoto'o öwawinö kwetjachobö weakwo̧. Jobekwö okobe deinö tjöba a'otjö jwiinö taba lö̧jawö̧da tjö̧jakwedö, Egipto jojodöma.

Jueces 16:21

Ja̧danö, ujulu jwiiawö̧, filisteo jojodöma Sansonnö do̧tja̧tinobe, ja̧danö do̧batajadö, öbajalebiya kelebö lotjinobe. Ja̧danö, Gaza comunidadbe tje'ewinobe Sansonnö, broncetjö otikwa ka̧lenasonö jo̧banö yö̧tjebinobe, jadanö ka̧lena ba̧kwawejunö tjödinobe. Jobe ka̧lena ba̧kwawejunö ja̧nö, jo̧banö wetjinobe, trigoso̧pja otikwawa inawa jalatö otidobö, trigoso̧pja otidö.

Éxodo 11:5

okobe deinö Egipto jojodö tji̧tji̧mu ömadönö, abönö damönö kwabawö lobö. Faraón ökwö, inesö la'aka bo̧ kwi̧tji̧ abönö pöenöbi, ja̧danö kwömöayuju trigo 'dobö otiduju ji̧tji̧ abönö pöenöbi, ja̧danö okobe deinö tja̧jwi̧mu̧tjö̧ abönö yatjebinawö̧nö kwabawö lotakwo̧sa. Jejenö yöawobe Isabenö Jo̧ma ökwönö.

Lucas 17:35

Ja̧danö ya̧dö du̧ju̧taja bakobe trigoso̧pja̧ tjotidonö, jobadötjö sulabujunö emö lȩtebocha, jeluju okobe jö̧jibonö— jö̧ba̧lö yöawinobe Jesúsma, iteda öba̧ja̧di̧ waisachadönö.

Diosnö ösödo̧ Job mikwo̧ usula emawina jawa 31:10

chilekwoma ju'wedö tjömöayuju ja̧nö 'diinö jotidobö jo̧be, ja̧danö ju'wedöda jobujukwö tjö̧jobö jo̧be, jö̧ba̧lö yöbawö chujunaduwakwö, isabenö Dios weökö jawa ja̧binö̧kö̧sa, jö̧ba̧lö.

Isaías 32:11

Ja̧ baledakwa̧ omukwatö, tjö̧bawö kwö̧jaduwo ökwödö ya̧dö, —Wene jwia, otiwanö dö̧jakwedösa, —jö̧ba̧lö omukwatadöma, isabenö usula kwemaduwakobetjö̧. Jau, kwo̧'woduwi tjo̧bekwö kwö̧jaduwi̧ i̧sȩbö, kwökamisiduwi 'yobekwö loköbaduwo, ja̧danö 'yobekwö lobajadö, budekwadö 'dutjawa̧do̧ epju̧yunö kalukaa̧do̧ 'dukawaduwo.

Isaías 3:17

Ja̧danö jobekwö sulabenö ja̧tjitjö̧, ötjö Isabenö Jo̧ma lȩtebakwo̧sa jobadönö. Jerusalen ya̧dö tjuu ba̧kwemeachibanö wale'debiya saminö wetakwo̧sa, ja̧danö tjöba tjöwö'ye jwobö lotakwo̧sa, tabakwö tjö̧jakobetjö̧, —jö̧ba̧lö yöawajabe Isabenö Jo̧ma.

Génesis 24:65

Meibö isudada Abraham ömöayo̧nö abebö a̧ja̧kwijotö: —¿Tida yai ökwödö dȩwa̧jobekwö icho̧ma?— abebö ja̧ja̧kwökwe: —Itema ötjö chuluwo̧— atadoko muchekwakwawado̧ jöbanö muchekwijotö.

1 Corintios 11:5

Ja̧danö, ju'wedö Cristonö ösödadökwö ko̧ko̧kwö tjö̧bajenama, bakwuju juu muchekwökönö Diosnö ajebitjö̧bi, ja̧danö juu muchekwökönö Dios iwene yöjawitjö̧bi, juluwo̧ jilekwenö sulabenö tjomukwatobö ja̧buju ichejekwa. Jau chömöledö, juu muchekwökönö Diosnö abebuju ja̧danö Dios iwene yöbawujuma, okobe jwiinö jöwö'ye 'wibö lotjinokodanö ichejekwuju.

Isaías 3:23

tjöbadekwawötebi, tja̧do̧ sayuwa̧do̧ 'dutjawa̧do̧bi, tjuu jwaekwa'wobi, tjöekwa̧do̧bi 'döebakobe Diosma. Jau, okobe jwiinö Jerusalen ya̧dö tjotikwi̧ jawa 'döebakobe Diosma, jwibadö batjibenanö kabatö.

1 Crónicas 19:4

Jejenö yötja̧liökwe, yötja̧li̧ ösödinobe Janunma, jo̧kwajabetjö̧ David ömöayedönö do̧batö, taba lö̧jinö ja̧inobe jobadönö. Jobadönö do̧batajo̧, tjaasa'ye jwobö loinobe, ja̧danö tjökamiji̧do̧ ja'ö tjoto'o wamenö 'wibö loinobe, tjoto'o öwawinö kwetjachobö. Ja̧danö, jejenö taba lö̧jinö ja̧ajawö̧, tjȩwa̧jobö weinobe.