Isaías 44:11 - Dios Iwene

¹¹ Ja̧danö jobadöbi, okobe deinö tjömöledö tjotidajawö̧nö ösödadöbi bakobe tabakwö tjö̧jakwedö, tjösödawö̧nö otidadöma bö̧jȩ jojodöda tjö̧jobetjö̧. Jau, okobe deinö jobadöma, bakobe ko̧kokwö tjö̧jo, ja̧danö lȩekwa yöbawo̧ öba a'o ja̧nö, isabenö tjujulu jawa yötjawo. Jobekwö inesö la'aka luwo̧ öba a'o tjö̧jenama, yebabinö, —Taji ja̧dakwajö, —jö̧ba̧lö, tabakwö tjö̧jakwedö, tjösödawö̧ma mikwawöködötjobetjö̧.

Isaías 44:11 Referans Kwoze

Isaías 42:17

Jobekwö baledökakwawö̧ o̧'wo jawa ösödadönöma. Jobadöma 'dii jawatjö otikwa o̧'wo jawa ösödö, —Ökwödöma duluwedö diosbedöja, —jö̧ba̧lö ösödö yöba̧ladö, jo̧kwaijayonö tjösödawö̧ma la'akatjöda pjatjatökakwedö, ja̧danö waekwö, jwiinö tabakwö tjö̧jakwedö o̧'wo jawa ösödadöma, jö̧ba̧lö laebobe Dios yöa̧lakwa̧ma.

Isaías 45:16

Okobe deinö o̧'wo jawa otidö ösödadöma, tabakwö tjö̧jakwedö, okobe deinö jobadöma taba lö̧jawö̧ tjedakwawö̧, —Sulabenö diosböködönö ösödinadötö, —jö̧ba̧lö.

Isaías 1:29

Isabenö tabakwö kwö̧jaduwakedöja, ökwödö tjo̧'wo jawa ösödadöma. Babe inesö encina towi teebe ja̧nö, o̧'wo jawa kwösödaduwobö ösödadöja, –bowi ösödakwowima inesö otiwowi, –jö̧ba̧lö. Ja̧danö towibiya jȩmi o̧'wo jawa kwösödaduwobö ösödadöja babema, jo̧kwaijayonö ja̧ babe kwösödaduwi̧ma, tupakwö tabakwö kwomukwataduwakwedöja.

1 Reyes 18:40

Ja̧danö, Eliasma jojodönö weinobe, —Okobe deinö Baal yöawi̧ yöbawadönö do̧bataduwi, jobadötjö bakwo̧bi döibapji jö̧ba̧lö, okobe deinö jobadönö do̧bataduwidönö, —jö̧ba̧lö. Weawö̧, jobadönö do̧tja̧tinobe, ja̧danö jemi ikenama Eliasma jobadönö öbibö i̧'yinobe Quison ojwebe, ja̧danö jobe ojwetjö, okobe deinö jobadö Baal yöawi̧ yöbawadönö kwabawö loinobe.

Isaías 44:9

Okobe deinö o̧'wo jawa otidadöma, mikwawöködö, ja̧danö tjotidaja̧wö̧tjö, —Bidöma inesö mikwawadö, —jö̧ba̧lö tjomukwatawö̧bi, mikwawöködö. Ja̧danö tjösödawö̧ tjujulu yöbawadöma, tjösödawö̧ tjotidina jawa ja'yubebi edöködö, ja̧danö ja'yubebi wajwibadö, jo̧kwajabetjö̧ isabenö tabakwö tjö̧jakwedö.

Isaías 65:13

Sulabenö ja̧köbaduwi̧tjö̧, ötjö Isabenö Jo̧ Diosma baikwö yötawaduwakwö ökwödö weti̧ a̧ja̧kwöködönö: Ötjö chömöayedö otiwanö tjukwonö, ökwödöma a̧wi̧chi̧ tjököbaduwakwedöja. Ja̧danö chömöayedö otiwanö tjowonö, ökwödöma o̧ti̧ tjököbaduwakwedöja. Ja̧danö chömöayedö tjo̧'wo ösöwachibanö tjö̧jonö, ökwödöma taba lö̧jawö kwö̧jaduwakwedöja.

Deuteronomio 4:28

Ja̧danö, ju'wedö tjitebonö ja̧nö, ju'wedö tjösödawö̧ diosbedö ötjabawö̧nö kwösödaduwena, jojodö tjotidinawö̧ diosbedönöda, towitjöbi, inawiyatjöbi tjotidinawö̧nö. Ja̧danö jobadö ju'wedö tjitebonö ja̧nö kwösödaduwakwa̧wö̧nö baikwö yötawa, jobadöma isabenö juluwöködö, edöbi edöködö, ja̧danö a̧ja̧kwöbi a̧ja̧kwöködö, ja̧danö kwanöbi kwöködö, ja̧danö 'dö̧batöbi 'dö̧batöködö.