Isaías 43:13 - Dios Iwene

¹³ Jau, ötjödasa ba̧kwelöjatebö ji̧na Diosma, ja̧danö ba̧kwelöjatebö 'dö̧jibajökönö ö̧jakwo̧ Diosma ötjödasa. Ötjö chotidobö jö̧ta̧lenama, bakwo̧bi tjöbeba̧lo̧ma deobe, ja̧danö ötjö chotidaja̧ma, bakwo̧bi chotidajokobedanö balewö loobö jwiobe, ötjödasa Diosbo̧chobetjö̧, jö̧ba̧lö yöa̧lobe Diosma.

Isaías 43:13 Referans Kwoze

Isaías 14:27

Isabenö Jo̧ Okobe Jwiinö Juluwo̧ Diosda jobekwö omudawö ujunajabe, ja̧danö jobekwö omudawö ujunajobema, bakwo̧bi omudawö ujunaja̧ balewö lobo̧ma ö̧jȩnaji̧? Ja̧danö jo̧ba Diosda ömamu kabebö i̧sȩba̧lö ö̧jobema, bakwo̧bi kwabökönö kaatibobö webo̧ma ö̧jenaji̧? Deobe, isabenö Dios omudawö ujunaja̧danö baledakobe.

Isaías 46:10

tupakwö baledakwa̧ jawa jweinö yöbawo̧ma. Ötjödasa ajayinö möle yöbawinama, löji möle baledakwa̧ jawama. Jau, damötjö ina badekwachakwa̧ abönö, ja̧ jawa yöbawö, —Omukwatö chujunina jawama, isabenö badekwachakobe, isabenö chösödi̧ jawa badekwachinö chotidakwo̧sa, —jö̧ba̧lö yötawijatö, ja̧danö yöbawajo̧, badekwachinö chotidijatö.

Hebreos 13:8

Ja̧danö, jo̧ba Jesucristoma la'akatjöda balewachökönö bakwo̧da jo̧, damötjöbi, babebi, ja̧danö ba̧kwȩlö̧jatebö.

Juan 8:58

—Isabenö yötawa. Ötjöma Abrahamma ina deayi ji̧nasa— yöawinobe Jesúsma.

Diosnö ösödo̧ Job mikwo̧ usula emawina jawa 9:12

Isabenö jwiinö juluwo̧ Diosma, ju'wi jaye 'döebobö jö̧a̧litjö̧ma, 'wainö 'döbebo̧, bakwo̧bi tjöbeba̧lo̧ma deobe, bakwo̧bi, –'Dökeba, tajawedö 'dököbobeda, –tjöbeba̧lö yöba̧lo̧ma deobe.

Deuteronomio 32:39

Jo̧kwaijayonö, a̧la̧ibö pjatjatokobetjö̧, babe ötjönö edö kwöwaisaduwobö jo̧be, isabenö ötjödasa Diosbo̧ma, jelo̧ ötjödajayo̧ma deobe, jö̧ba̧lö. Jau, kwabö lotoböbi juluwo̧sa, ja̧danö ja̧kwawa tjujuna̧lobö pjabato̧sa. Ja̧danö inia tötjinö kwatobö juluwo̧sa, ja̧danö kwakwatjaja̧ niemi otidö lotoböbi juluwo̧sa. Jau, isabenö jwiinö juluwo̧sa, ja̧danö ju'wedönö lȩtebenama, bakwo̧bi deobe, lȩtȩbi̧tjö tjö̧jibanö pjabato̧ma.

Apocalipsis 1:8

Chömöledö, Duluwo̧ Diosma, jwiinö juluwo̧ma baikwö yöawobe: Ötjöma la'akatjöda ji̧nasa. Ja̧danö, 'dö̧ibajenanö baibanöbi chö̧jakwo̧sa, jö̧ba̧lö. Jejenö yöawobe Diosma, babe jo̧bi, la'akatjöda ji̧nabi, 'dö̧ibajenanö baibanöbi ö̧jakwo̧.

1 Timoteo 1:17

Inesö la'aka luwo̧, wobökönö ba̧kwȩlö̧jatebö jo̧, jojodöbi dedökökwe Diosma bakwo̧da, jelo̧ma deobe, jo̧banöda otiwanö domukwatobö jo̧be, ja̧danö jo̧banöda dösödobö jo̧be, otiwo̧ja̧, juluwo̧ja, jö̧ba̧lö. Jejenö kabatökönö dösödobö jo̧be.

Efesios 1:11

Chömöledö, Diosma okobe jwiinö baledobö ösödi̧ma badekwachinö ja̧bo̧. Ja̧danö, ökwödönö, judío jojodönö omudawö junijetö Cristokwö bakobe dötewinö badibobö, jejenö badibobö omukwatö ösödinobetjö̧.

Isaías 57:15

Jau, baikwö yöa̧lobe inesö mööjȩ mölejȩnö jo̧, ba̧kwelöjatebö jo̧, Suli̧tjö Ödö Jo̧ jö̧ba̧lö mikwo̧ Diosma: Ötjöma inesö möemi, suli̧tjö ödö jȩmi jo̧sa. Jo̧kwaijayonö ju'wibi, bakwo̧ sulabenö ja̧bina, o̧'wo tjo̧bekwö, —Sulabo̧ mikwawö̧kö̧sa, —jö̧ba̧lo̧kwöbi jo̧sa. Jo̧bajayo̧kwö jo̧sa, o̧'wo ujuluwachibanö pjatatakobetjö̧, sulabenö omukwataja̧ kabatibö balewachajo̧nö omajade ujuluwachibanö pjatatakobetjö.

Isaías 41:4

Tida jobekwö ujuluwobö webo̧ma? Ajayitjö baikwö bajalenö, ja̧jaye webo̧ma tida? Ötjödasa jobekwö webo̧ma, ötjö Isabenö Jo̧ Diosda. Ötjödasa ajayinö jobekwö webinama, ja̧danö ötjödasa bajaleapo jobekwö wetakwo̧ma, jö̧ba̧lö laebobe Dios tjitebokwena jojodönö yöa̧li̧ma.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

Proverbios 8:23

Ajayinöma Isabenö Jo̧ 'yata̧lobö ujuninokosa, böjȩ otidakwa̧ abönö.

Diosnö ösödo̧ Job mikwo̧ usula emawina jawa 34:29

—Jo̧kwaijayonö ju'wibi yötawakwö, jojodö sulabenö ja̧tjijayonö, lȩbebökönö, –Yadakwöda, –jö̧ba̧lö Dios iteada̧lobö ösöditjö̧ma, yayonö bakwobi jo̧banö yöa̧lobö jwiobe, –Dios, Sulabenö lȩbebö̧kö̧ja, –jö̧ba̧lö, Diosda inesö la'aka luwo̧obetjö̧. Ja̧danö Diosnö tjedapji jö̧ba̧lö, Dios uju̧kwawobö jö̧a̧litjö̧ma, bakwo̧bi jo̧banö edobö jwiena. Jejenö jo̧be Job, ja̧danö ju'wikwenama juluwanö lȩbebökönö, ö̧ji̧ tjedobö i̧sȩbököjayonö, jo̧bada inesö la'aka luwo̧ma, tjitebokwena inesö la'aka luwo̧bi, jojodö bakwo̧nökwena inesö la'aka tjuluwo̧bi jo̧bada.

Deuteronomio 28:31

Ja̧danö ju'wibi kweda̧laduwonö, kwajwimuduwi pa̧ka̧yadönö kwabajadö 'da'dabö 'wi'witjakobe, jo̧kwaijayonö itebiatjö kwukwaduwökakwedöja. Ja̧danö kwajwimuduwi bu̧lu̧dönö kwöba a'oduwitjö kweda̧laduwonö tjönaukwakobe, ja̧danö tjönaukwajawö̧nö tjetjatökakwedö. Ja̧danö ju'wibi kwajwimuduwi obejadönö 'döbebö, kwöpöjojodöduwinö tjiyakobe, ja̧danö bakwo̧bi ökwödönö pjaatakwo̧ma deakobe.

Isaías 46:4

Ja̧danö bemi tupakwöbi damö kwöjaduwenabi ökwödönö chiteada̧lakwo̧sa chömöledö, damö waekwö, kwöwö'yeduwi dewa'ye juna̧ladö kwö̧jaduwenama, ökwödönö che'ewakwo̧sa chömöledö. Jau chömöledö, ötjöda ökwödönö otidinasa̧, ja̧danö ötjöda meköbaduwapji jö̧ba̧lö kabebö pjatatakwo̧sa. Ötjöda ökwödönö che'ewakwo̧sa, ja̧danö kwö̧jibaduwinö pjatatakwo̧sa.

Isaías 47:15

Jobekwö pjatjatökakwedö, okobe deinö kwömöledöma. Tjemu bayuju kwö̧jinelö ba̧kwelöjatebö jobadökwö kwotidinajayonö, okobe deinö jelobekwö, jelobekwö tjösödobekwö latjebakwedö, ökwönö omukwatökönö, ja̧danö bakwo̧bi deakobe, kwö̧jibinö pjabato̧ma. Jau, ökwönö lȩtebakwa̧ badekwachenama, bakobe ji̧kwawa jwibö kwö̧jakwujuja, ökwö Babilonia jojosujuma, jö̧ba̧lö wanedö yöawinobe Diosma, Babilonia jojodönö lȩebakwa̧ma.

Isaías 48:16

Chö̧jobekwö yöne ichibö, yötawi̧ kwa̧ja̧kwaduwo chömöledö. Ötjöma la'akatjöda tja̧ja̧kwokonö yöbawö̧kö̧sa, öwawinö baledakwa̧ yöbawo̧sa, ja̧danö ba̧kewelöjatebö yötawaja̧danö badekwachinö otidö lobo̧sa, jö̧ba̧lö yöawobe Diosma, Juda jojodönö. Ja̧danö chömöledö, babema Isabenö Jo̧ Diosma ötjönö weajabe, Dios O̧'wo Luwo̧ma ötjönö weajabe, iteda yöawi̧ ökwödönö yötawobö.

Josué 2:2

Ja̧danö, jobe niji jojodödanö tjichejekwotö jö̧ba̧lö ja̧tji̧najayonö, ju'wedöma Jerico comunidad la'aka luwo̧nö yötjawinobe, —Duluwo̧, israel jojodötjö ju'wedöma babe yö̧te ditebo comunidad tetjachajabeta, ditebo niji tjedotö jö̧ba̧lö ichajadöma, —jö̧ba̧lö.

Diosnö ösödo̧ Job mikwo̧ usula emawina jawa 10:7

—Ökwöma ida̧ökö edö waiso̧ja chuluwo̧, isabenö sulabenö ja̧binö̧kö̧ chö̧jima, ja̧danö ju'wibi kwujulutjö chö̧jibanö pjabato̧ma deobe jö̧balö waiso̧ja chuluwo̧, jo̧kwajabetjö̧ abebö cha̧jakwakwö, tajawedö ina chusula kwisakwobeda?