Isaías 43:11 - Dios Iwene

¹¹ Jau, ötjödasa Isabenö Jo̧ Diosma, ötjödasa isabenö tjö̧jibinö pjabato̧ma, jelo̧ma deobe.

Isaías 43:11 Referans Kwoze

Isaías 44:6

Israel jojodötjö inesö la'aka luwo̧, Isabenö Jo̧, israel jojodönö tjöbeba̧lö pjabato̧, Okobe Jwiinö Juluwo̧ Isabenö Jo̧ Diosma baikwö yöa̧lobe: Ötjöma ju'wedötjö ajayinö ji̧nasa̧, ja̧danö ju'wedötjö ikena chö̧jakwo̧sa. Jelo̧ Diosbo̧ma deobe, ötjödasa isabenö Diosbo̧ma.

Isaías 43:3

Jau chömöledö, ötjöma kwuluwo̧duwi Isabenö Jo̧ Diossa, ötjöma ökwödö Israel jojodö kwösödaduwökwe Suli̧ Jwibo̧ kwö̧jibaduwinö pjabato̧ Diossa, jo̧kwajabetjö̧ isabenö jobekwö pjatatakwo̧sa ökwödönö. Isabenö chösödaduwakwö ökwödö israel jojodönö, baikwö yöta̧la: Ökwödö kwö̧jibaduwoböma, Egipto jojodönö iyö lotajabe, ja̧danö Cus jojodönöbi, Seba jojodönöbi iyö lotajabe, ökwödöda kwö̧jibaduwakobetjö̧.

Hechos 4:12

Ja̧danö, jojodö tjö̧jibinö pjabato̧ma jo̧bada. Jelo̧ma deobe. Dios böjȩnö ju̧kwadönö tjö̧jibinö pjaatobö weinökwema bakwo̧da, Jesúsda— jejenö yöbawö atadijetö Pedroma.

Isaías 12:2

—Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Isaías 44:8

Chömöledö, baledi̧ edö, —Ayö, taji ja̧dakwajö, —jö̧ba̧lö yekabiduwoko. Baledakwa̧ abönö ida̧ökö baledakwa̧ yötawijatö ökwödönö chömöledö, ötjöda bejenö baledakwa̧ baledobö wetijatö. Ja̧danö ökwödöma edö waisadöja isabenö Diosbo̧ chö̧ji̧ma chömöledö. Jelo̧ ötjödanö Diosbo̧ma, bakwo̧bi ö̧jobeji̧? Jelo̧ inesö inawa tjöeba̧lawa chö̧ji̧danö jo̧ bakwo̧bi deobe. Ötjöma jelo̧nö, ötjödanöbo̧nö wajwitökwe, deobe, jö̧ba̧lö yöa̧lobe Diosma.

Deuteronomio 6:4

—Chömöledö israel jojodö, a̧ja̧kwaduwitjö: Ökwödö israel jojodö dösödo jö̧da̧lökwema bakwo̧da, Isabenö Jo̧ Diosda. Jo̧bada Isabenö Jo̧ma chömöledö.

Judas 1:25

Jau chömöledö, Diosma bakwo̧da, jelo̧ma deobe, ja̧danö Duluwo̧ Jesucristonötjö Diosda dö̧jibinö pjaatajabe. Jo̧banöda okobe deinö tjösödo jö̧tja̧lökwema, jo̧bada inesö salöinö dejato̧ma, jo̧bada okobe jwiinö juluwo̧ma, jo̧bada inesö la'aka luwo̧ma, la'akatjö böjȩ otidakwa̧ abönöbi, babebi, ba̧kwȩlö̧jatebö 'dö̧ibajökenanöbi, jejenö otiwa. Biya̧data.

2 Pedro 3:18

Jau chömöledö, jobadö sulabenö yötjawi̧ ösödökönö, ökwödö Jesúsnö ösödadöma jo̧ba mikwa jwiinö iyi̧tjö kwöda̧peachaduwobö jo̧be, ja̧danö tupakwönönö Duluwo̧ dö̧jibinö pjabato̧ Jesucristonö döwaisachibobö jo̧be. Jo̧banöda otiwo̧ja jö̧ba̧lö dösödobö jo̧be chömöledö, babebi, ja̧danö ba̧kwȩlö̧jateböbi dösödobö jo̧be, jejenö otiwa. Biya̧da ötjö Simón Pedroma ökwödönö pjabatö wȩyudö wetaduwakwö chömöledö. Biya̧data.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

Apocalipsis 1:11

Ja̧ ökwöi̧ma jojo yöa̧li̧da cha̧ja̧kwijatö. Ja̧danö, baikwö jö̧a̧lijatö ötjönöma: —Juan, biya̧ kwedi̧ma wȩyudi weköbo jelemutjö dötölatajanö tjuju̧kwitenia ju̧kwadönö, ötjönö ösödö ko̧ko̧kwa̧ladönöma. Biya̧ comunidadesnö ju̧kwadönö, Éfesonö, Esmirnanö, Pérgamonö, Tiatiranö, Sardisnö, Filadelfianö, Laodiceanö ju̧kwadönö wȩyudi weköbo, ötjönö ösödö ko̧ko̧kwa̧ladönöma— jejenö weijatö ötjönöma, trompeta pjutji̧danö ökwöinö yöba̧lo̧ma.

1 Juan 4:14

Ja̧danö chö̧ja̧wo̧dö ju'wi jawabi, Dioskwö dötewinö 'ya̧dösa, jö̧ba̧lö, döwaisoböma. Ökwödö Jesucristonö edinadöma dedina yöbawadösa, Dabe'do Diosma iteda Itji̧nö weinobe böjȩnö ju̧kwadönö tjö̧jibinö pjabatö, jö̧ba̧lö.

Tito 2:13

Jau Tito, ina böjȩnö dö̧jayi, do̧'wo̧ wana̧lö dite'ada̧lobe, isabenö Dios jö̧a̧lina möle badekwachakobe jö̧ba̧lö, inesö otiwa möle, ökwödö dö̧jibinö pjabato̧ la'aka Dios Jesucristoma iteda ujulu i̧sebenama.

Tito 2:10

ja̧danö tjuluwedö tjujuna̧li̧ma naukwökönö tjö̧jobö. Jau Tito, jobadö tjö̧ji̧ma tji̧sebobö jo̧be, jwaikwöda chuluwo̧ wei̧ jweinö ja̧bö jo̧sa jö̧ba̧lö. Ja̧danö, jejenö tji̧sebobe edö, ju'wedöma dö̧jibinö pjabato̧ Dios yöawi̧ma tjösödakobe, otiwa jö̧ba̧lö.

Lucas 1:47

ja̧danö cho̧'wo̧ luwo̧ma chö̧jibinö pjabato̧ Diosnö omukwatö o̧'wo̧ ösöwachibanö ö̧jobe,

Isaías 19:20

Ja̧danö, ja̧wa tjujunaja̧wa inawama, Egipto niji jojodö edö tjomukwatibobö ja̧kobe, Isabenö Jo̧ Okobe Jwiinö Juluwo̧ Diosnö, —Bemi niji Egipto nijitjö, Isabenö Jo̧ Diosnö dösödobö jo̧be, —jö̧ba̧lö. Jau, Isabenö Jo̧ Diosma Egipto jojodönöbi tjö̧jibinö pjaatakwo̧. Ju'wedö labinö webö tjö̧jiawö̧, usula emawö tjö̧jelö, Isabenö Jo̧nö budekwö atjebakwedö, ja̧danö atjebökwe, tjö̧jibinö pjaatakwo̧, tjöbeba̧lö̧ ölakwabikwawo̧nö weakobe, tjö̧jibinö pjaatakobetjö̧.

Isaías 42:8

Ja̧danö ju'wibi laebobe Dios yöa̧li̧ma: Ötjöma Isabenö Jo̧sa, jobekwö, —Isabenö Jo̧, —jö̧ba̧lö mikwo̧sa. Ötjödasa otiwanö omukwatö tjösödo jö̧tja̧lökwema. Ja̧danö ötjönöda tjösödo jö̧tja̧li̧ma, jelo̧nöda tjösödoböma wetökakwo̧sa. Ötjödasa tjösödo jö̧tja̧lökwema, —Isabenö Jo̧ma otiwo̧, —jö̧ba̧lö̧. Ja̧danö ötjönöda ösödö yötja̧lo jö̧tja̧li̧ma a̧'dȩlö omukwato̧sa, ötjönöda ösödö yötja̧lo jö̧tja̧li̧ma, o̧'wo jawa ösödö yötja̧loböma webö̧kö̧sa, jö̧ba̧lö.

Isaías 60:16

Jau, tjitebotenia jojodö tjiteabi, inesö la'aka luwedö tjiteabi, ökwödö israel jojodöda otiwanö kwujuna̧laduwakwedöja. Ja̧danö jobekwö balediawö̧, otiwanö kwöwaisachibaduwakedöja, Ötjö Isabenö Jo̧ Diosda kwö̧jibaduwinö pjabato̧ma, jö̧ba̧lö. Jau chömöledö, —Jacob ösödinökwe Inesö Juluwo̧ Diosda dö̧jibinö pjabato̧ma, —jö̧ba̧lö kwöwaisaduwakwedöja.