Isaías 42:9 - Dios Iwene

⁹ Ötjöma isabenö jweinö yöbawo̧sa, okobe jwiinö damötjö baledakwa̧ yötawinama, yötawinadanö badekwachajabe. Ja̧danö babema jemi tupakwö baledakwa̧bi yötawocha. Jau, baledakwa̧ abönö, jweinö yötawocha, ina baledapji, —Baikwö isabenö baledakobe, —jö̧ba̧lö jweinö yötawocha, jö̧ba̧lö laebobe Dios yöa̧li̧ma.

Isaías 42:9 Referans Kwoze

Isaías 43:19

'Yayi jawa, babeda chotidakwa̧ jawa kwomukwataduwo. Ida̧ökö ja̧ 'yayi jawa jamatö chotidajabe chömöledö, edö kwomukwataduwökiji̧? Ötjöma jojodö deobe kököobe ö'wejenö mana chotidocha, ja̧danö ojwebiya jobe kököajemi lamatobö wetocha.

Juan 13:19

Jejenö jo̧ba iyö loakwa̧ abönö yötawaduwakwö, jejenö baledena kwöwaisachibaduwobö, Isabenö Jesúsda Dios weinökwe, jojodö tjö̧jibinö pjaatobö weinökwema, jö̧ba̧lö.

Josué 21:45

Isabenö okobe jwiinö Isabenö Jo̧ israel jojodönö yöbawö ujunina jawama, yöawinadanö badekwachinö pjaatinobe. Yöbawö ujunina jawatjö bakwöta jawabi waekwinokobe, okobe jwiinö yöawinadanö badekwachinobe, ja'yubebi waekwökönö.

1 Reyes 11:36

Jo̧kwaijayonö jwiinö 'dötebökakwo̧sa, Salomon itji̧ la'aka luwo̧ ö̧ji̧ma, ina bakwaso la'aka luwo̧ ö̧jobö chujunibakwo̧sa. Jau, Jerusalen comunidad 'da̧batö chujunajabe, ötjö Isabenö Jo̧ chitebo comunidad baibanö, ja̧danö chömöayo̧mine David itji̧mu tupadanö jojodö ba̧kwelöjatebö jobe Jerusalentjö chöba a'otjö luwedö tjö̧jobö chösödobetjö̧, ina jobe bakwaso la'aka luwo̧ ö̧jobö wetakwo̧sa.

Hechos 15:18

Jejenö yöbawijetö Duluwo̧ma, ajayinö jojodö tjöwaisachibanö,

Isaías 48:3

Ja̧danö, ökwödö weti̧ a̧ja̧kwöködönö, baikwö yötawaduwakwö: Damötjö ökwödönö yötawijatö, —Baikwö baledakobe, —jö̧ba̧lö. Ötjöda yöbawö chujunijatö, baledakwa̧ma, ja̧danö jemi ikena yöbawajo̧, ju'wibi juluwanö chotidijatö yötawaja̧danö badekwachakobetjö̧.

Isaías 48:6

Jau chömöledö, okobe jwiinö babe baledi̧ma, baledakwa̧ abönö yötawijatö, badedö kwedadaduwo, isabenö ötjöda yötawinadanö badekwachajabe, jö̧tö? Jo̧kwajabetjö̧ tajawedö, —Isabenö Dios yöawinadanö badekwachobe, —jö̧ba̧lö jweinö yöka̧laduwobö kwö̧pöjödaduwobeda? Ja̧danö chömöledö, babema bemi tupakwö baledakwa̧bi yötawaduwakwö, ina wajwiköbaduwi̧, la'akatjöda kwa̧ja̧kwinökö jawa yötawaduwakwö.

Isaías 48:5

Ja̧danö, jobekwö ida̧ökö ökwödönö chöwaisobetjö̧, baledakwa̧ma ajayitjö ökwödönö yötawijatö. Jau, ökwödönö chöwaisijatö, —Ajayinö baledakwa̧ yötawökötjö̧ma, o̧'wo jawa tjösödawö̧nö yötja̧lakwedö, –Baledi̧ma, dösödökwe o̧'wo jawada baledobö weajabe, –jö̧ba̧lö yöka̧laduwena. Ötjönö omukwatökönö, kwösödaduwawö̧ towisa'otjö otikwedö o̧'wo jawabi, 'dii jawatjö otikwedö o̧'wo jawabi kwomukwataduwena, —jö̧ba̧lö. Ja̧danö, jobekwö ötjöda chotidi̧ma, jobadöda tjotidi̧ jö̧ba̧lö yöka̧laduwapji jö̧ba̧lö, baledakwa̧ abönö yötawijatö.