Isaías 42:23 - Dios Iwene

²³ Ökwödö Israel jojodötjö, tida otiwanö yötawi̧ a̧ja̧kwakwo̧ma? Bemi tupakwö, ökwödötjö tida otiwanö omukwatö a̧ja̧kwakwa̧da?

Isaías 42:23 Referans Kwoze

Isaías 48:18

Chömöledö, isabenö ökwödönö weti̧ kwa̧ja̧kwaduwo jö̧ka̧linaduwobe. Weti̧ a̧ja̧kwö kwö̧jinaduwatjö̧ma, isabenö otiwanö kwö̧jaduwo jö̧ka̧linaduwobe. Baikwö wanedö yöta̧la, ojwe tjo'omanö kabatibökönö isuwi̧danö, ja̧danö jwaibalawa kabatibökönö ba̧kwelöjatebö loidanö, ba̧kwelöjatebö wene jwiinö ja̧nö, otiwanö kwö̧jaduwo jö̧ka̧laduwena.

Hechos 3:19

Jo̧kwaobetjö̧ kwomukwataduwi̧ma kabatibö balewachaduwi, Diosnö omukwatö, Diosma ökwödö kwusuladuwi̧ söbebö loobö. Jejenö kwöbalewachaduwitjö̧ma kwo̧'wo̧ luwo̧duwi ösöwö kwö̧jaduwena, Duluwo̧ Diosma ökwödökwö ö̧jobetjö̧— yöbawijetö.

Deuteronomio 32:29

Isabenö waisanö omukwatadö tjö̧jitjö̧ma, jobadönö lȩtebakwa̧ tjöwaiso jö̧tja̧linena, –Dios wei̧ a̧ja̧kwökönö dö̧jitjö̧ma, isabenö ökwödönö lȩebakwo̧, –jö̧ba̧lö.

Isaías 42:22

Ja̧danö, weina wene laebi̧danö, wei̧ a̧ja̧kwökönö tjö̧jiökwe, tjöpöjojodö tjujuluwobö weinobe, ja̧danö babe israel jojodöma, tjöpöjojodö tjujuluwajawö̧, titea 'dötebajawö̧ tjö̧jobe. Ja̧danö israel jojodönö juluwajadö, ka̧lena tjö̧bobö tjödajabe, laju okwa tjö̧bajoböbi, ka̧lena ba̧kwaweju okwabi tjö̧bajobö tjödajabe. Jobekwö baledonö, bakwo̧bi israel jojodönö tjö̧jibinö pjabato̧ma deinobe, pjabato̧ deinö, tjöpöjojodö bakobe tjö̧naukwajawö̧ tjö̧jobe. Ja̧danö tjönaukwaja tjetjatobö webo̧bi deobe, —Israel jojodötjö kwönaukwaduwaja̧ma tjebataduwi, —jö̧ba̧lö webo̧ma.

Isaías 42:24

Ökwödönö baledina jawa, baikwö labebö lobö yötawaduwakwö chömöledö: Tida Jacob itji̧mu tupadanö jojodö Israel jojodönö iyö lobinama, döpöjojodö ökwödönö tjujuluwobö, ja̧danö juluwajadö, ditea 'döbebö tjemobe? Isabenö yötawaduwakwö chömöledö, Isabenö Jo̧ Diosda jobekwö iyö lobinama. Jau, jo̧ba Diosnöda sulabenö ja̧binadösa, jo̧bada ösödi̧danö ja̧bö dö̧jobö öpöjödinadösa, ja̧danö jo̧ba Diosda weina a̧ja̧kwö dö̧joböma öpöjödinadösa.