Isaías 41:6 - Dios Iwene

⁶ Bakobe tjujuluwachibanö, —Juluwachibi, —jö̧ba̧lö yöba̧lakwawadö.

Isaías 41:6 Referans Kwoze

Isaías 44:12

Baikwö labebö lobö yöta̧la, —Diosbedönö otidadösa, —jö̧ba̧ladö tjotidi̧ jawama. Bakwo̧ 'dii jawatjö otido̧ma, ökwöla ubö̧'a wame 'dii jawatjö otido̧. Martiyunö bȩbö, o̧'wo jawa baibanö, iteda ujulunö labinö otidobe. Ja̧danö, lekwe otidajabetjö̧, a̧wi̧chi̧ tjöbö, ime'dawachibobe. Ja̧danö ojwiyo owökönö ja̧nö, 'dö̧achibobe, jo̧ba Diosbo̧nö otido̧sa jö̧ba̧lo̧ma.

Isaías 40:19

Tjösödökwe o̧'wo jawa, tubedö dadö, wamenö oro pöchö, platatjö otikwa ka̧lenaso opjiya nönö tjotidinökwema, Diosdanö bakwaibo̧ ö̧jȩnaji̧?

Isaías 35:4

Tjomajadenö yebabinö ju̧kwadönö yökawaduwo, —Kwujuluwaduwachibanö, yebabökönö kwö̧jaduwo, chömöledö. Jau chömöledö, kwösödaduwökwe Diosma isabenö pjabatö ichakwo̧, öpöjojodö sulabenö ja̧tjiökwe, balekwa mikwa dameakwö ichakwo̧, lȩebobö. Jau chömöledö, kwöpöjojodöduwitjö kwö̧jibaduwanö, otiwanö ichakwo̧ Diosma, kwujuluwachibaduwo, —jö̧ba̧lö ökwödötjö tjomajadenö yebabinö ju̧kwadönö tjujuluwachibanö yökawaduwo.

Isaías 41:5

Tupakwö laebobe Dios yöa̧li̧: Jobekwö wetökwe ichobe edö, jwiinö yebabidö jwaibalawa ö'öbö ju̧kwadöma, bö̧jȩ bakwachö̧je ju̧kwadöbi jwiinö yebabinö ko̧ko̧kwadö.

Isaías 41:7

O̧'wo jawa otidadöma, bakobe pjabatakwawö tjujuluwachibanö ja̧badö. Ajayi dadö otido̧ma, orotjö otido̧nö ujuluwachibanö yöba̧lo̧, ja̧danö martiyunö 'dobö pöchö otido̧ma, 'dii jawa 'da̧jökachibanö 'doawakanö bȩbö otido̧nö ujuluwachibanö yöba̧lo̧. Ja̧danö o̧'wo jawa tubedö tjotidaja̧ edö, —Otiwa, —jö̧ba̧lö yöba̧lakwawadö, jemi ikenama tjösödakwo̧ o̧'wo jawa otidö kabatibajadö, puasö'inö bȩbadö, 'diinö kwaibökönö ö̧jakobetjö̧, jö̧ba̧lö yöa̧lobe Diosma, o̧'wo jawa ösödadönö.