Isaías 41:12 - Dios Iwene

¹² Jemi ikenama ökwödönö tjujuluwo jö̧ba̧linadönö kwisakwaduwitjö̧ma, kwöbadekwaduwökakwedöja, ida̧ökö debi batjibinobetjö̧, ökwödönö mebibö ölakwabikwawinadöma ida̧ökö deobetjö̧.

Isaías 41:12 Referans Kwoze

Isaías 17:14

Jau chömöledö, yi̧benakwö jobadönö edö, jwiinö yekabiduwijayonö, ikena yȩayi dewachakwa̧ abönö, ida̧ökö deakobe. Jobekwö baledakwawö̧ döpöjojodönö, ökwödö israel jojodö ditea naukwabidönö, ökwödönö juluwajadö, ditea 'döla̧nö emadönöma.

Isaías 34:12

Jwiinö söbebö loakwo̧. Edom niji inesö la'aka luwedöma, tjömöayedö debadö tjö̧jakwedö, ja̧danö okobe deinö Edom jojodötjö la'aka luwedöma, debi̧ batjibakwedö.

Isaías 29:8

Wanedö yöta̧la tjitebotenia jojodö Jerusalen comunidad mösa'o Sion mösa'o tjujuluwotö jö̧ba̧lö omukwatadönö: A̧wi̧chi̧ tjöbo̧ma, i̧'wi̧dikwena, ja̧danö i̧'wi̧dinö ukwobekwö edena. Jo̧kwaijayonö wiluenama, ina jwaikwöda a̧wi̧chi̧ tjöbo̧. Ja̧danö ojwiyo o̧ti̧ tjöbo̧ma, i̧'widikwena, ja̧danö i̧'wi̧dinö owobekwö edena, jo̧kwaijayonö wiluenama, o̧ti̧tjö me'dawo̧, ina jwaikwöda ojwiyo o̧ti̧ tjöbo̧. Jobekwö baledakobe Sion mösa'o tjujuluwobö jö̧ba̧ladönö. Tji̧'wi̧dinö tjujuluwobekwö tjedakwedö ichejekwa, jo̧kwaijayonö la'akatjöda tjujuluwökakwedö.

Isaías 49:25

Jo̧kwaijayonö baikwö yöawobe Isabenö Jo̧ma chömöledö: Ötjöda kwöpöjojodöduwi, ökwödönö ölakwabikwawö juluwadönö chölakwabikwawakwo̧sa, ja̧danö ötjöda kwitji̧muduwinö tjujulutjö tjö̧jibanö pjatatakwo̧sa. Ötjöda chölakwabikwawobetjö̧, ölakwabikwawadö juluwö do̧tjatajawö̧ma, ejatö latjebawö̧ tjö̧jakwedö, ja̧danö inesö la'aka luwedö juluwö tjitea do̧tja̧taja jawama, jobadötjö 'döbebö tjemakwedö.