Isaías 41:11 - Dios Iwene

¹¹ Chömöledö israel jojodö, isabenö okobe deinö ökwödönö dameakwö öpöjödadöma, taba lö̧jawö̧ tjö̧jakwedö, okobe deinö ökwödökwö ölakwabikwawadöma debi babibö, ö'wö batjibakwedö.

Isaías 41:11 Referans Kwoze

Éxodo 23:22

Jo̧kwaobetjö̧ wetökwe ángelso̧ wei̧ ö'wöyawakwawalö̧jinö a̧ja̧kwö, ötjö weti̧da okobe jwiinö kwösödaduwitjö̧ma kwöpöjojodöduwinö lȩtebakwo̧sa, ja̧danö ökwödönö pjabatadönö pjatatakwo̧sa.

Apocalipsis 3:9

A̧ja̧kwaduwitjö. Kwo̧'wo̧ tjo̧kekwaduwa ökwödönö inia tjököbaduwinö ja̧badönö, judío jojodönöma. Jobadö tjo̧'wo̧ luwo̧ okwanö chöwaisawö̧. Jobadöma judío jojodö tjöbötjachinajayonö, judío jojodöböködödanö babibinadö tjo̧'wo̧ luwo̧nöma, Dios ömöledö batjibinokobetjö̧. Awetja ömöayedöda babibinadö, jo̧ba wei̧ a̧ja̧kwö. Chömöledö, ju'winö ökwödö kwöba a'oduwi ichö, tju̧yu̧ju̧ki̧junö bamatö, tjuu nijakwö bȩbachibö tjubudekwobö ja̧takwo̧sa jobadönöma. Ja̧ mölema jobadöma, ökwödönö edö waisachibö tjubudekwakobe,¡Ayö! Isabenö bidöma Dios ile niebawö̧, jö̧ba̧lö.

Hechos 16:39

Jo̧kwaiawö̧ ka̧lena ba̧kwawejube 'yi̧jadötö. Ichö abebijadötö Pablonö, Silasnö: —Ökwödöma sulabenö wedajabe. Ökwödönö adeba sulabenö ja̧tjobö wedinama kwo̧'wo̧ söbaduwi— jö̧ba̧lijadötö. Ikenama jobadöma Pablonö, Silasnö ka̧lena ba̧kwaweju okwatjö labebajadö, Tjo̧wi̧ belöma Filipostjö te'ada̧lökönö da̧ja̧duwi, jö̧ba̧lö, webijadötö.

Isaías 54:17

Ja̧danö, ötjö jobadönö otidinada ökwönö tjöbeba̧lo pjatatobetjö̧, okobe jwiinö ölakwabikwawa jawa tjotidi̧teniama, kwöba a'otjö suli̧ waekwakobe, ju'wi jawabi ökwönö suli̧ waedobö jwiakobe. Ja̧danö lȩekwa luwedö tjöba a'otjö, ju'wedö ökwönö wanedö yötja̧litjö̧ma, okobe deinö jobekwö wanedö yöba̧ladö yötja̧li̧ otiwanö i̧sȩbö kwatadakwujuja, —Omöna, lȩekwa yötjawobö jwia, —jö̧ba̧lö. Jobekwö pjabato̧sa ötjöda chömöayedönö Jerusalen, ja̧danö wene jwibadö tjö̧ji̧ i̧sȩkwama, ötjö tjuluwo̧ Isabenö Jo̧ Diostjö ichi̧, jö̧ba̧lö wanedö yöa̧lobe Diosma, Jerusalen comunidad jojodönö.

Daniel 4:35

Jo̧ba öba a'otjö isabenö mikwawöködösa ökwödö böjȩ jojodöma, jo̧ba ujuluwi̧danöma juluwöködösa. Jo̧bama iteda ösödi̧danöda ja̧bo̧ma, ángelesdö tjöjena mölejȩbetjöbi, jojodö dö̧jena böjȩtjöbi. Bakwo̧bi deobe jo̧banö, Kabati, jö̧ba̧lö webo̧ma, bakwo̧bi deobe sulabenö ja̧köba, ¿tajawedö jejenö ja̧köbaja̧da? jö̧ba̧lö lȩbebo̧ma jö̧ba̧lö yöa̧linobe Nabucodonosorma Diosnö.

Éxodo 11:8

Ikenama yöba̧lijetö Moisésma: —Faraón, jejenö baledaja̧ ikena bidö kwömöayedöma okobe deinö kwö̧bobetjö jwibachibö ötjönö ichibö tjöba bȩtja̧chibakwedö tjuu nijakwö, Adebokwö ditebotjö labebö kwi̧'yo, kwömöledö Israel jojodönö öbibö, jö̧ba̧lö. Jemi tupakwöma belö latebocha chömöledönö öbibö— labinö yöba̧lijetö Moisésma. Ikenama jwiinö dameakwö faraón ö̧belö labebijetö Moisésma.

Isaías 49:26

Jau chömöledö, baikwö wanedö yötawa kwöpöjojodöduwinö chölakwabikwawakwa̧ma: Kwöpöjojodönö idöda tjiteba'o tjukwobö chiyakwo̧sa, ja̧danö ubasobu tjowi̧danö, idöda tjökwösobu owö 'dukwachawö̧ batjibobö chiyakwo̧sa, jö̧ba̧lö. Jau chömöledö, otiwanö ökwödönö pjabatö chölakwabikwawakwo̧sa, ja̧danö okobe deinö bö̧jȩnö ju̧kwadöma edö tjöwaisachibakwedö ötjönö, —Isabenö Jo̧ Diosda, Jacob ömöledö tjösödökwe juluwo̧ma, Diosda israel jojodönö tjö̧ji̧binö pjabato̧ma, jo̧bada tjöbeba̧lö pjabato̧ma, —jö̧ba̧lö edö tjöwaisachibakwedö, jö̧ba̧lö yöawobe Diosma.

Isaías 41:29

Jau, jobadöma bakobe okwa luwo̧ debadö. —Bidöma diosbedö, —jö̧ba̧lö yötja̧li̧ma, omöna yötja̧lobe. Jobadöma ja'yubebi otidöködö, wamenö 'dii jawatjö otikwadö tjö̧jijayonö, okwama deobe yelösöda, jö̧ba̧lö laebobe Dios yöa̧li̧ma.

Isaías 29:8

Wanedö yöta̧la tjitebotenia jojodö Jerusalen comunidad mösa'o Sion mösa'o tjujuluwotö jö̧ba̧lö omukwatadönö: A̧wi̧chi̧ tjöbo̧ma, i̧'wi̧dikwena, ja̧danö i̧'wi̧dinö ukwobekwö edena. Jo̧kwaijayonö wiluenama, ina jwaikwöda a̧wi̧chi̧ tjöbo̧. Ja̧danö ojwiyo o̧ti̧ tjöbo̧ma, i̧'widikwena, ja̧danö i̧'wi̧dinö owobekwö edena, jo̧kwaijayonö wiluenama, o̧ti̧tjö me'dawo̧, ina jwaikwöda ojwiyo o̧ti̧ tjöbo̧. Jobekwö baledakobe Sion mösa'o tjujuluwobö jö̧ba̧ladönö. Tji̧'wi̧dinö tjujuluwobekwö tjedakwedö ichejekwa, jo̧kwaijayonö la'akatjöda tjujuluwökakwedö.

Isaías 41:24

Isabenö diosbedö tjö̧jitjö̧ma, jobekwö tji̧sȩbobö jȩna, jo̧kwaijayonö jobekwö tji̧sȩboböma juluwöködö, ja̧danö tjotidi̧ma, ja'yubebi otidöködö. Ja'yubebi mikwawöködö o̧'wo jawama, ja̧danö jobadönö tjösödobö omudawö junadönö öpöjödo̧sa, —Sulabedö, —jö̧ba̧lö.

Isaías 40:17

Jo̧ba öba a'otjö tjiteboteniama ja'yubebi mikwawö̧kö̧ jo̧be. Ja̧danö jobe ji̧ma jo̧ba öba a'otjö mikwa jwiobedanö, okwa jawa jwiobedanö ichejekwobe, duluwo̧ Diosma okobe jwiinö ju'wi jayetjö bajalekwönönö mikwawo̧obetjö̧.

Isaías 17:13

Jau, inesö nöobu jwaibalawa labinö ökwöi̧danö labinö ökwöobe tjitebokwena ölakwabikwawa jojodö tjölakwabikwawobö tjichi̧ma, jo̧kwaijayonö katjatibobö weakwo̧ Diosma, ja̧danö weiawö̧, ödö dötjibajakwedö. Jau, mösa'ijutjö jwa̧le'epjo trigo jawa sula'wo e'ewi̧danö, ja̧danö jwa̧lȩ'epjo labinö jwa̧le'ewö nijiso̧pja̧ jalawö jwa̧lȩ'ewi̧danö, katjatibobö weiawö̧ dötjibajakwedö.

Isaías 29:5

Jemi ikenama, Isabenö Jo̧ Okobe Jwiinö Juluwo̧ Diosma kwöpöjojodöduwinö lȩebakwo̧, juluwanö ichibö söbebö loakwo̧ kwöpöjojodöduwinö. Jobekwö ichibö lȩebakwa̧, baikwö wanedö yötawa: Jelobetjö ichajadö kwöpöjojodöduwi tjö̧ba̧jȩkwijayonö, nijiso̧pja̧ ejeopja̧danö batjibakwedö, jadanö inesö ba̧jȩkwadö kwöpöjojodöduwi labidöma, trigo sula'wo jwa̧le'epjo e'ewibi̧danö tjichejekwakwedö. Jau, böba labinö ökwöinö, ja̧danö niji̧ tjö̧awinö, labinö ökwöinö ichakwo̧ Isabenö Jo̧ma. Ja̧danö jwa̧le'epjo labinö doibapjokwö ichibakwo̧, ja̧danö jwiinö ubola ökwölakwö ichibakwo̧, kwöpöjojodöduwinö söbebö loakobetjö̧.

Isaías 29:7

Jobekwö ichibenama, juluwanö Jerusalen comunidad öpöjojodönö söbebö loakwo̧, jwiinö ba̧jȩkwadö tjitebotenia jojodö Jerusalen tjujuluwobö tjölakwabikwawijayonö, juluwanö debö tji̧'yakwedö. Jau, okobe deinö Jerusalen comunidad tjujuluwobö ölakwabikwawö, tjöekwemi pjolö lotjobö isakwadö, Jerusalen comunidad jojodö tjo̧'wo tjo̧tjȩkwinö ölakwabikwawadöma, juluwanö debö tji̧'yakwedö. Wanedö yöta̧la, tji̧'wi̧dinö tjedaja̧ juluwanö jwii̧danö, Jerusalen tjujuluwobö ölakwabikwawadöma juluwanö deinö batjibakwedö.

Isaías 34:12

Jwiinö söbebö loakwo̧. Edom niji inesö la'aka luwedöma, tjömöayedö debadö tjö̧jakwedö, ja̧danö okobe deinö Edom jojodötjö la'aka luwedöma, debi̧ batjibakwedö.

Isaías 40:2

Dösölö̧jinö yöka̧lo chömöledö Jerusalennö ju̧kwadönö, jobadönö jwöbö yökawo: —Ölakwabikwawö kwö̧jaduwi̧ma ida̧ökö 'dö̧ibajabe. Ja̧danö sulabenö ja̧bö kwö̧jinaduwijayonö, Isabenö Jo̧ma ida̧ökö dötölatajanö ökwödönö lȩebajabe, ja̧danö kwusuladuwima söbebö loajabe, jö̧ba̧lö yöawobe.

Isaías 54:15

Ja̧danö ju'wedö ökwönö metjibitjö̧ma, ötjö wetajawö metjibökakwedö, ja̧danö okobe deinö ökwökwö tjölakwabikwawakwedöma, kwöba a'otjö metjakwedö.

Éxodo 12:29

Ja̧danö, yö̧te ja'ö Isabenö Jo̧ma okobe deinö Egipto jojodö tji̧tji̧mu̧ ömadönö, abönö damönö kwabö lobijetö. Faraón inesö la'aka bo̧ itji̧ abönö pöenöbi ja̧danö, ka̧lȩna ba̧kwaweju okwa bo̧ itji̧ abönö pöenöbi, ja̧danö okobe deinö Egipto jojodö tji̧tji̧mu̧ ömadönö abönö damönö kwabö lobijetö Isabenö Jo̧ma. Ja̧danö okobe deinö tja̧jwi̧mu̧tjö̧ ajayinö ömadönöbi kwabö lobijetö.

Isaías 49:25

Jo̧kwaijayonö baikwö yöawobe Isabenö Jo̧ma chömöledö: Ötjöda kwöpöjojodöduwi, ökwödönö ölakwabikwawö juluwadönö chölakwabikwawakwo̧sa, ja̧danö ötjöda kwitji̧muduwinö tjujulutjö tjö̧jibanö pjatatakwo̧sa. Ötjöda chölakwabikwawobetjö̧, ölakwabikwawadö juluwö do̧tjatajawö̧ma, ejatö latjebawö̧ tjö̧jakwedö, ja̧danö inesö la'aka luwedö juluwö tjitea do̧tja̧taja jawama, jobadötjö 'döbebö tjemakwedö.