Isaías 40:1 - Dios Iwene

¹ Baikwö yöawobe dösödökwe Diosma: Otiwanö tjujuluwachibanö yökawo chömöledönö, o̧'wo tjobekwö tjö̧ji ösöwachibanö.

Isaías 40:1 Referans Kwoze

2 Corintios 1:4

Jau chömöledö, okobe jwiinö wene döbaledi̧ma, ökwödönö do̧'wo̧ tjo̧bekwö dö̧jajelö do̧'wo̧ ösöwachibanö pjabato̧ Dabe'do Diosma, chömöledö. Ja̧danö, jejenö ökwödönö pjaatenama, ökwödönöda omukwatöma pjaatokobe, ju'wedönöbi omukwatö pjaatobe ökwödönö chömöledö, ökwödönö pjaati̧danö, tupakwö ju'wedö tjo̧'wo̧ tjo̧bekwajadönö ökwödöbi pjadato jö̧ba̧lö. Jau chömöledö, ju'wedö tjo̧'wo̧ tjo̧bekwö tjö̧jenama, Dios ökwödönö pjaatinobetjö̧, jobadönö pjadatobö jo̧be, Dios ökwödönö pjaatinadanö.

Isaías 51:12

Adebökwe, baikwö atadö yöba̧lo̧ Isabenö Jo̧ma: Chömöledö, kwo̧'wo tjo̧bekwö kwö̧jaduwelö, ötjödasa kwo̧'woduwi ösöwachibanö pjabato̧ma. Ja̧danö ötjöda ökwödönö pjatatobetjö̧, tajawedö bö̧jȩ jojodönö yekabiduwobö? Jobadöma meje'ye, juluwanö kököbachibö, debi baiba'yedanö ichejekwadö, juluwanö debö 'ya̧dö bö̧jȩ jojodöma, tajawedö jobadönö yekabiduwobeda?

Isaías 51:3

Ja̧danö baikwö yötawaduwakwö chömöledö, jo̧ba itji̧mu tupadanö jojodö o̧bukwedöda tjö̧jijayonö, tja'döminenö pjatatinadanö yemidanö pjatatocha, Jerusalen jojodönö. Ja̧danö jobekwö pjatatenama, tjitebo nijima jwiinö otiwachibakobe. Jojodö deobe kö̧kö̧emima, inesö otiwayu Eden batjodanö baibanö, o̧bubiya otiwanö bo̧akobe. Ja̧ jojodö deobema, Isabenö Jo̧ itea batjo, jö̧ba̧lö ötjabayudanö baibakobe. Ja̧danö jobe ju̧kwadöma jwiinö tjo̧'wo ösöwachibanö tjö̧jakwedö, ja̧danö ötjönö ösödö lo̧tjakwedö, —Isabenö Jo̧ma otiwanö pjabato̧, —jö̧ba̧lö.

1 Tesalonicenses 4:18

Jejenö ja̧kobe chömöledö, jo̧kwajabetjö̧ biya̧ wene yöba̧lakwawö pjakatakwawaduwo kwo̧'wo̧ luwo̧duwi ösöwachibanö.

Isaías 60:1

Chömöledö israel jojodö, a̧la̧ibaduwi. A̧la̧ibö, Dios dejatinö ujulu i̧sȩkwaduwi. Jau chömöledö, Isabenö Jo̧ma iteda dejatinö ujulu i̧sȩbö, ökwödönö pjaatajabe, jo̧kwajabetjö̧ dejatinö ujuluma ökwödönö idejatajabe.

Isaías 12:1

Ja̧danö, ja̧ möle Dios jwiinö otiwanö pjaatiawö̧, baikwö yöka̧laduwakwedöja: —Duluwo̧ Isabenö Jo̧, otiwanö pjabato̧ja jö̧ba̧lö yöda̧lakwö. Jau Duluwo̧, ajayinö ökwödönö kwödameakwijatö, jo̧kwaijayonö ajayinö kwödameakwinajayonö, kwödameakwi̧ma kakatibajabe, ja̧danö do̧'wo ösöwachibanö pjakatajabe.

Isaías 52:9

Jerusalen comunidad pjolö loinemibi o̧'wo ösöwachibanö lo̧obö jo̧be, Isabenö Jo̧ma iteda ömöledönö tjo̧'wo ösöwachibanö pjaatajobetjö̧, ja̧danö itebo comunidad Jerusalen tjöpöjojodötjö ji̧binö pjaatajabe.

Isaías 41:27

Ötjödasa ja̧ baledakwa̧ yöbawinama, ötjöda Sion mösa'onö ju̧kwadönö yötawijatö, —Babeda tjichiba, —jö̧ba̧lö. Ja̧danö ötjöda Jerusalennö ju̧kwadönö yöbawo̧nö webo̧sa, otiwa jawa wene yöawobö.

Isaías 50:10

Baikwö yöta̧laduwakwö chömöledö: Ökwödötjö didöda Isabenö Jo̧ Diosnö yebabinö ösödö kwö̧jaduwobeda? Ökwödö Diosnö ösödadösa jö̧ba̧ladöma, Dios ömöayo̧ yöawi̧ a̧ja̧kwö kwö̧jaduwo chömöledö. Ja̧danö ökwödötjö yȩa'wo okwa, dewi̧ ja'yubebi dewokobe kwebachadöma, Isabenö Jo̧nö kwo̧'woduwi wana̧lö kwö̧jaduwo, kwuluwo̧duwi Diosnö ösödö kwö̧jaduwo, —Diosda pjaatakwo̧, —jö̧ba̧lö.

Isaías 3:10

Dios wei̧ a̧ja̧kwö ja̧dönö yökawaduwo, —Kwö̧jaduwi̧ma, isabenö otiwanö kwö̧jaduwakwedöja, —jö̧ba̧lö. Jau, jobadöma otiwanö Dios wei̧ a̧ja̧kwö tjö̧jobetjö̧, a̧ja̧kwö tjö̧ji̧ mikwa isabenö otiwanö tjemakwedö, tjo'wo ösöwachibanö.

Isaías 61:2

Jau, Isabenö Jo̧ jojodönö ösödö pjaatakwa̧ o̧ba badekwachaja̧ yötawobö weinobe, ja̧danö duluwo̧ Dios dameakwö lȩebakwa̧ möle badekwachaja̧ yötawobö, ja̧danö okobe deinö budekwadönö tjo̧'wo ösöwachibanö pjatatobö weinobe.