Isaías 38:15 - Dios Iwene

¹⁵ ja̧danö inesö cho̧'wo tjo̧bekwö chö̧ji̧ma, 'döbebö loinobe, cho̧'wo ösöwachibanö.

Isaías 38:15 Referans Kwoze

Diosnö ösödo̧ Job mikwo̧ usula emawina jawa 7:11

—Jobekwö jo̧be ökwödö bö̧jȩ jojodö dö̧ji̧ma chuluwo̧, jo̧kwajabetjö̧ 'wi̧inö chö̧boböma jwibo̧sa, usula emawö yöta̧lobö jo̧be. Jau, jwiinö cho̧'wo tjo̧bekwö chö̧jobetjö̧ yöta̧locha, cho̧'wo suli̧nö yöta̧locha jwiinö usula chemawobetjö̧.

1 Reyes 21:27

Elias Dios yöawi̧ yöawiökwe, o̧'wo tjo̧ekwinobe Acabma. A̧ja̧kwajo̧, ökamiji̧do̧ kȩ'ekwö loinobe, ja̧danö kamiji̧do̧ epju̧yunö kalukaa̧do̧ 'dubawö, u̧kwa kwökönö ö̧tö̧chö ö̧jinobe. Yöte abenabi kamijido̧ epju̧yunö kalukaa̧do̧ 'dubawö abinobe, ja̧danö kweachenama, o̧'wo tjo̧achö kweachinobe, —Isabenö Dios öba a'otjö sulabenö ja̧binasa, —jö̧ba̧lö.

Diosnö ösödo̧ Job mikwo̧ usula emawina jawa 10:1

Tupakwö yöawinobe Jobma: —Ötjöwe, tupakwö bejenö chö̧joböma chöpöjöda. 'Wiinö chö̧jökakwo̧sa, cho̧'wo suli̧nö ja̧nö, labinö yöta̧lakwo̧sa, –Sulabenö ja̧tinököjayonö, usula emawo̧sa, –jö̧ba̧lö.

Juan 12:27

Ina yöawinobe: —¡Ayö, cho̧'wo̧ tjo̧tekwa!— yöawinobe—. ¿Dakwö atebenada Chabe'donöma? Chabe'do babema pjabatitjö usula chemawinö baledökönö, jö̧ba̧lö, ¿atebenaji̧? Jejenömaökö. Biya̧ usula chemawobö chichijatö böjȩkwö— yöawinobe Jesúsma.

Diosnö ösödo̧ Job mikwo̧ usula emawina jawa 21:25

Ja̧danö jelo̧, o̧'wo tjobekwö usula emawö jo̧, la'akatjöda söi̧ kwakwawa kwinö̧kö̧bi ö'wö baibena.

2 Reyes 4:27

Jo̧kwaijayonö, mösa'obe, Eliseo öba a'o jichibenama, öba a'o bamatö ömasapiya do̧jatinobe, —Chuluwo̧, pjabatitjö, —jö̧ba̧lö. Jobekwö uluwo̧ ömasapiya do̧ja̧tiökwe, Giezima uluwo̧tjö 'da̧batö junö jiebotö jö̧ba̧lö ichinobe, jo̧kwaijayonö Eliseoma jo̧banö yöa̧linobe, —'Wainö ju̧ju. Bisuma jwiinö jo̧'wo tjo̧bekwö ju̧ju̧, jo̧kwaijayonö tajawedöjö jö̧ba̧lö wajwita, Isabenö Jo̧ma chöwaisapji jö̧ba̧lö tojajobetjö̧, —jö̧ba̧lö.

1 Samuel 1:10

Jobe, Eli öba a'o ja̧nö, Anama jwiinö jo̧'wo tjo̧achinobe, ja̧danö Isabenö Jo̧nö abebö o̧'wo tjo̧achö jubudekwinobe.

Josué 7:8

Jau chuluwo̧, ökwödö israel jojodöma döpöjojodö tjöba a'otjö dödibajabe, jo̧kwajabetjö̧ babema dakwö yöta̧lakwajö?

Proverbios 31:6

Jobekwö inesö la'aka luwedöma tjowobö jwiijayonö ju'wedö, 'dö̧bachadöbi, tjo̧'wo̧ tjo̧bekwö ju̧kwadöbi tjowoböma jo̧be. Ö'wöchadö, tjo̧wi̧ ö'wö batjibakwa̧ yö̧neawachibena o̧'do̧bu̧ tjowobö jo̧be, jobadönö pjaatakobetjö. Ja̧danö, tjo̧'wo̧ tjo̧bekwö ju̧kwadöbi tjowoböma jo̧be.

Isaías 38:17

Isabenö jobekwö usula chemawinama, pjaatakwawa jawa baibanö balewö loköbijatö chuluwo̧. Ökwöda chö̧ji̧binö pjakatijatö chuluwo̧, ökwöda chusula lȩbebökönö, okobe jwiinö chusula söbebö loköbijatö chuluwo̧, jo̧kwajabetjö̧ ina 'yaba̧lö jo̧sa.