Isaías 38:1 - Dios Iwene

¹ Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.

Isaías 38:1 Referans Kwoze

2 Samuel 17:23

Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.

Isaías 37:21

Jemi ikenama Isaiasma yöawi̧ weinobe Ezequiasnö: —Baikwö yöawobe Isabenö Jo̧, Israel jojodö tjösödökwe Diosma ökwönö: –Ezequias, otiwanö akebajabe, Asiria la'aka luwo̧ Senaqueribnö, ja̧danö otiwanö akebi̧tjö,

Isaías 37:2

Ju'wibi ömöayedö Eliaquinnöbi, Sebnanöbi, Diostjö jojodötjö ö'weje pjabatadötjö luwedönöbi weinobe, epju̧yu̧nö kalukaa̧do̧ 'dubawö, Dios yöawi̧ yöbawo̧ Isaiaskwö yötja̧lakwawobö.

Isaías 1:1

Baikwö laebobe Dios yöawi̧, Amos itji̧ Isaias mikwo̧nö i̧sȩbö yöawina jawa. Juda niji inesö la'aka luwedö Uzias mikwo̧bi, Jotan mikwo̧bi, Acaz mikwo̧bi, Ezequias mikwo̧bi bakwo̧nökwena webö tjö̧jonö, Diosma iteda yöawi̧ i̧sȩbö yöawinobe Isaiasnö, Jerusalen comunidad baledakwa̧ jawabi, ju'wi Juda niji baledakwa̧ jawabi. Jadanö ja̧ yöawinama baikwö laebobe:

2 Samuel 12:22

Atjebökwe labebö lobö atadinobe, —Tjemu ina 'yaa̧layi, ö̧töchö Diosnö abebö chubudekwijatö, baikwö omukwatö: Cho̧'wo tjo̧achö atebitjö̧ma, Isabenö Jo̧ma a̧ja̧kwö, lȩlöinö edö pjaatena, chitji̧ debö i̧'yapji jö̧ba̧lö.