Isaías 37:22 - Dios Iwene

²² ötjö Isabenö Jo̧ma baikwö yöta̧la jo̧banö: Senaquerib, Sion mösa'o ya̧dö möayedöma ökwönö öpöjödö yö̧ba̧ladö, -Senaqueribma juluwö̧kö̧, -jö̧ba̧lö, Jerusalen ya̧döma tjuu löwö löwö ja̧bö obadö ökwönö.

Isaías 37:22 Referans Kwoze

Diosnö ösödo̧ Job mikwo̧ usula emawina jawa 16:4

—Isabenö yötawaduwakwö, ötjönö baledi̧danö ökwödönöda baleditjö̧ma, ötjöbi ökwödö sulabenö yöka̧laduwi̧danö yöta̧lobö jȩna. Ökwödö yöka̧laduwi̧danö, –Ayö, ökwödöma sulabedöja, –jö̧ba̧lö ötjöbi yöta̧lobö jȩna, ja̧danö ökwödö ja̧köbaduwi̧danö chuu löwö löwö ökwödönö otobö jȩna, –Isabenö bidöma sulabedö, –jö̧ba̧lö.

Isaías 1:8

Ja̧danö kwiteboduwi inesö la'aka comunidad Jerusalenma, ajayinö jalemi la'aka comunidad ji̧najayonö, jo̧dawemi baibajabe, bakobe kwöpöjojodöduwi ölakwabikwawö tjötjösawemi baibajabe. Jau, löwöte uba batjo ö'wejenö jö̧tedanö, ja̧danö pepinos mikwi̧ batjo ö'wejenö jö̧tedanö ichejekwemi baibajabe Jerusalen comunidadma, bakwachobetenia kwöpöjojodöduwi ölakwabikwawö tjötjösawobetjö̧, jö̧ba̧lö laebobe Dios Israel jojodönö yöawaja̧ma.

Mateo 27:39

Jojodö jobe baledadöma Jesúsnö sulabenö obö tjuu löwö löwö ja̧bö Jesúsnö yötja̧linobe:

Mateo 21:5

Jerusalénnö ju̧kwadönö yöbawaji: Edaduwi. Kwuluwo̧duwima kwö̧jaduwobekwö ichobe. Jo̧bama luwo̧sa jö̧ba̧lö omukwatökönö, bulunö wanö, bulu itji̧nö wanö ichobe, jö̧ba̧lö yöawinobe.

Isaías 62:11

Jau chömöledö, bö̧jȩ ba̧kwemeachibanö ju̧kwadönö baikwö weajabe Isabenö Jo̧ma, Jerusalen jojodönö baikwö yökawaduwo: Edaduwi, kwö̧jibaduwinö pjabato̧ma baikwö kwö̧jaduwobekwö ichobe. Ja̧danö baikwö ichenama, iteda emajawö̧, tjö̧jibinö pjaatajawö̧nö öbibö ichobeta, jö̧ba̧lö yötjawobö weobe.

Isaías 10:32

Babe möle Nob comunidadbe ichibö öjamatakobe, ja̧danö jobetjö Jerusalennö ja̧'o Sion mösa'onö ju̧kwadönö yebeabinö dameakwö 'dootö jö̧balö ömamu kaebakobe, —Isabenö ökwödönöbi chujuluwakwo̧sa, —jö̧ba̧lö.

1 Samuel 17:36

Isabenö yötawakwö chuluwo̧, jejenö didibadönöbi, ojwe yawi ödöbaedönöbi kwabö lotijatö. Ja̧danö, ju'wibi isabenö yötawakwö, filisteo jojo Goliatma, 'Yaba̧lo̧ Dios ömöayedö ölakwabikwawa jojodönö sulabenö yöa̧lajabe, Dios ömöayedöma juluwöködö, yebabidö jö̧ba̧lö. Jo̧kwajabetjö̧ Diosda ömöayedönö jejenö yöa̧lobetjö̧, kwabö lotinawö̧ tebonö ju̧kwadönö baledinadanö baledakobe, jo̧banöbi kwabö lotakobe.

Isaías 23:12

Jobekwö webö, Sidon jojodönö yöa̧lajabe: –Bemi tupakwö kwo̧'wo ösöwanöma yöka̧lökakwujuja, ökwö Sidon itjiju möayujuma. Usula emawö, jwaibalawa pebibö, Chipre ö'wejesa'obe kwi̧'yo, jo̧kwaijayonö jobe kwichibijayonö, yayonö wene jwiinö kwö̧jökakwujuja, –jö̧ba̧lö yöa̧lajabe, Sidon niji jojodönö, —jö̧ba̧lö laebobe Dios yöawi̧, Tiro comunidad baledakwa̧ jawama.

2 Reyes 19:21

Ja̧danö akebaja̧ a̧ja̧kwajo̧, ötjö Isabenö Jo̧ma baikwö yöta̧la jo̧banö: Senaquerib, Sion mösa'o ya̧dö möayedöma ökwönö öpöjödö yö̧ba̧ladö, -Senaqueribma juluwö̧kö̧, -jö̧ba̧lö, Jerusalen ya̧döma tjuu löwö löwö obadö ökwönö.

Isaías 47:1

Baikwö laebobe Dios Babilonia jojodönö wanedö yöa̧li̧ma: Ökwö Babilonia jojosuju, möayujuma, la'aka luwuju jiteakanö wa̧nökönö, nijinöda kwö̧bakwujuja. Jau möayuju, ajayinö ökwönö otiwuju, ji̧sȩdo otiwanö sayuwuju jö̧ba̧lö ötjabinokoja, kweju otiwejunö wene jwiinö kwö̧jinobetjö̧, jo̧kwaijayonö bemi tupakwö jobekwö ötjabökakwujuja.