Isaías 37:1 - Dios Iwene

¹ Asiria luwo̧ yöa̧laja̧ yötja̧liökwe, inesö la'aka luwo̧ Ezequiasbi jwiinö o̧'wo tjo̧achinobe, ja̧danö o̧'wo tjo̧achö, ökamiji̧do̧ kȩ'ekwö loinobe. Ikenama o̧'wo tjo̧achadö 'dubawajitja̧do̧ epju̧yunö kalukaa̧do̧ 'duawinobe, ja̧danö 'dubawajo̧, Isabenö Jo̧ ejube i̧'yinobe.

Isaías 37:1 Referans Kwoze

Isaías 36:22

Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

2 Reyes 22:11

Ja̧danö, Safan Dios wȩi̧ wȩyukwa'ye yöa̧li̧ a̧ja̧kwö, o̧'wo tjo̧bekwibö ökamiji̧do̧ kȩ'ekwö loinobe Josiasma, —Ayö, Dios öba a'otjö wene juna̧ladösa, —jö̧ba̧lö.

Isaías 22:12

—Inesö la'aka luwo̧, Isabenö Jo̧ Okobe Jwiinö Juluwo̧ Diosma sulabenö kwomukwataduwi̧ kabatibö, kwöbalewachaduwobö webo̧, ja̧danö o̧'wo tjo̧achö, kwubudekwaduwobö webo̧, ja̧danö kwuuduwi jwobawö, kamiji̧do̧ epju̧yunö kaluka̧ado̧ 'dukawaduwobö webo̧, –Dios öba a'ötjö sulabenö ja̧dinobetjö̧ o̧'wo tjo̧achadösa, –jö̧ba̧lö.

Isaías 37:14

Asiria luwo̧ i̧wȩyudinöja e'ewö tjiyinobe Ezequiasnö, ja̧danö tjiyökwe, emö yöa̧linobe Ezequiasma. Ikenama yöba̧lajo̧, kwiyalusöja e'ewö i̧'yinobe Isabenö Jo̧ ejube, ja̧danö ichibajo̧, Isabenö Jo̧ öba a'otjö kwiyalusöja sedatö i̧sȩbinobe.