Isaías 33:9 - Dios Iwene

⁹ Ditebo nijima kököbachibö, suli̧ waekwobe, Libano niji towibiyabi, kököbachibö suli̧ waekwobe. Jwaibalawa ö'öbö niji̧ Saron ötjabemi nijima, kököobe jojodö deobe baibobe, ja̧danö Basan nijibi, Carmelo nijibi jwiinö kököachibobe.

Isaías 33:9 Referans Kwoze

Isaías 35:2

Otiwanö nöinö o̧bubiya bo̧akobe, ba'ali junö lo̧obedanö ichejekwinö. Jojodö deajemi kököajemima, Libanö niji otiwi̧danö otiwakobe, Carmelo ötjabobebi, Saron ötjabobebi otiwanö pokwö wa̧ji̧danö otiwanö pokwakobe, ajayinö jojodö deobe kököinemima. Jobetjö Isabenö Jo̧ inesö ujuluwi̧ öwawakobe, jobetjöda öwawinö tjedakwedö, —Dösödökwe Diosma inesö dejatinö otiwo̧, —jö̧ba̧lö.

Isaías 65:10

Jobekwö chiyakwo̧sa, ötjönö isakwadönö, ja̧danö chiyajawö̧, Saron ba̧ba̧lawemima yemidanö tja̧jwi̧mu obejadötjö su̧'bȩ baibakobe, ja̧danö Acor wabekoma, tjajwimu pakayadö tjabakwemi ja̧kobe.

Isaías 37:24

Ökwö kwömöayedö yökawi̧ yöbawadönötjö̧ ötjönö obö yöka̧lajabe Senaquerib. Ja̧danö ökwöda kwujulu omukwatö yöka̧lajabe, -Nöinö kolukiya chujuna̧lobetjö̧, mösa'iju wa̧pekwa'obe chichibanö chujuluwajabe, ödö Libano niji tebo okwa chichibajabe, inesö otiwowi möowi cedro towibiya jubö chemobö, ja̧danö otiwi̧ cipre towibiya jubö chemobö. Inesö ötjöda chujulunö, tebo okwa chichibajabe, ju'wi tebotjö bajalekwönönö otiwowibiya jȩmi chichibanö, ja̧danö jwiinö ödö mösa'iju wa̧pekwa'obe chichibanö.

Isaías 24:1

Baikwö yötawaduwakwö: Ju'wi möle Isabenö Jo̧ma jwiinö lȩebakobe bö̧jȩ jojodönö. Jwiinö söbebö loakobe bö̧jȩma, jojodö deobe baibanö, niji yubatödanö ja̧akwo̧, ja̧danö bö̧jȩnö ju̧kwadönö tjipjelekwachinö a'dewö loakwo̧.

Isaías 14:8

Towibiyabi o̧'wo ösöwowi babema, cipre towibiyabi, Libano nijinö pokwi̧ cedro towibiyabi. Towibiyama baikwö yöa̧lobedanö jo̧be, Babilonia niji la'aka luwo̧binanö: –Dios ökwönö meatö loaja̧ baikwöma, towi jubö lobadöma baikwö ichöködö, ökwödö towibiya jubö lotjoböma, –jö̧balö.

Isaías 3:26

Ja̧danö, ja̧ möle comunidad apjudetjö, jojodöma bakobe budekwöda tjubudekwakwedö, —Ayö, ökwödöwe, ditebo inesö otiwemi söbebö lotjajabe, —jö̧ba̧lö. Wanedö yötawa, ja̧ möle Jerusalen comunidadma bakwuju, ja̧do̧ 'yobekwö lotjinoko nijinö bu̧ju̧danö ichejekwakobe, jwiinö söbebö lotjakobetjö̧.

Isaías 2:13

Babe möle ju'wedöma idödada tomukwatobe, —Ötjöma isabenö mikwawo̧sa, Libano niji towibiya cedro towibiya jelowitjö bajalekwönönö otiwi̧danö, jadanö Basan niji towibiya encina towibiya otiwi̧danö,

Deuteronomio 3:4

Ja̧ möle jenanö, okobe jwiinö Og itebo comunidadteniama, dujuluwijatö. Isabenö okobe jwiinö Og iteboinemima dujuluwijatö chömöledö, itebo tjöbebö tjotidinemi comunidadma, sesenta comunidadbiya ji̧nobe, ja̧danö bakwöta comunidad jojodöbi dujulutjö tjö̧jibinokobe. Okobe jwiinö ja̧ Argob ötjabemi, Basan niji Og iteboinemima dujuluwijatö.

Hechos 9:35

Ja̧danö, okobe deinö Lidanö ju̧kwadöbi Sarónnö ju̧kwadöbi jo̧banö baledaja̧ edö Duluwo̧ Jesúsnö ösödijadötö, Jesúsma dö̧jibinö pjabato̧, jö̧ba̧lö.

Isaías 10:34

Jau, bakwo̧ o̧tomo'anö tebo jubö loi̧danö jubö loakobe jobadönö, ja̧danö inesö towi jalemi Libano towibiyadanö ichejekwadönöbi jubö loakobe inesö juluwo̧ Diosma, jö̧ba̧lö yötawaduwakwö Dios Asiria luwo̧nö ujuluwakwa̧ jawama.

Isaías 29:2

Baikwö yötawaduwakwö ökwödönö baledakwa̧ma: Yadakwö isabenö Jerusalennö ju̧kwadönö usula tjemawobö lȩtebakwo̧sa, jobe ju̧kwadö jwiinö o̧'wo tjo̧achö tjubudekwabenanö baibanö. Jwiinö lȩtebakwo̧sa Jerusalen comunidadma, Diosnö juwö iyawemi ichejekwenanö baibanö.

Diosnö ösödo̧ Job mikwo̧ usula emawina jawa 15:33

Isabenö tjöwaekwakwedö, ubasa'ba waji̧ ina ö̧'döwayi tjoduwa'badanö, ja̧danö olivo towi la'akatjöda wa̧jokowidanö isabenö tjöwaekwakwedö jobadö sulabedöma.