Isaías 33:13 - Dios Iwene

¹³ —Ökwödö jelobe ödö ju̧kwadöbi, yöne ju̧kwadöbi, chujulu chi̧sȩbi̧ edö kwöwaisachibaduwo, –Isabenö Jo̧ Diosma isabenö jwiinö juluwo̧, –jö̧balö.

Isaías 33:13 Referans Kwoze

Isaías 49:1

Baikwö laebobe Dios ömöayo̧ yöa̧li̧ma: Ökwödö ödö ju̧kwadö jwaibalawa ö'öbö ju̧kwadöbi ju'wedö bö̧jȩ bakwachö̧jȩ ju̧wkadöbi, yötawi̧ kwa̧ja̧kwaduwo. Chojo'do jukwa'wo ina cha̧ja̧yi, Isabenö Jo̧ma ötjönö jwöinobe, iteda ömöayo̧ batibakobetjö̧, ina ötjönö jemakwa̧ abönö, chimi imidinobe Isabenö Jo̧ma.

Daniel 3:27

Ikenama okobe deinö gobernadorebedöbi, ju'wedö luwedöbi, lȩekwa otidadöbi ko̧ko̧kwö tjedinobe ökwölatjö labebadönö, ja̧danö tjedemi ökwöla ja'yubebi juluwököwö̧nö tjedinobe. Ökwöla okwa kwetjachajayonö, tjöwö'yebi, tjö̧ka̧misi wamesado̧bi, ja'yubebi ubajököwö̧nö tjedinobe, ja̧danö ökwölatjö latjebijayonö, imiyu'wo 'dö̧ekwi̧ ja'yubebi 'dö̧bekwöködönö 'dö̧tjatinobe, ökwöla jwiena ja̧dödanö.

Isaías 57:19

Jau, otiwanö tjo̧'wo ösöwachibanö pjatatocha, tjo̧'wo ösöwachibanö ötjönö lo̧tjenanö baibanö. Ötjö Isabenö Jo̧ma baikwö yöta̧la: Chö̧jelö ödö ju̧kwadönöbi, yöne ju̧kwadönöbi, okobe deinö chömöledönö jobekwö pjatatakwo̧sa, wene jwiinö otiwanö tjö̧jakobetjö̧, ja̧danö tjö̧bibajinö otidö lotocha.

Isaías 37:20

Jobadödanöbö̧kö̧ja chuluwo̧ Isabenö Jo̧ Dios, jo̧kwajabetjö̧ atebakwö, jo̧ba Senaquerib ujulutjö dö̧jibinö pjakatobö, okobe deinö tjitebotenia jojodöma edö ökwönö tjöwaisakobetjö̧, ökwödaja Isabenö Jo̧ma, jelo̧ma deobe jö̧ba̧lö, —Diosnö aebinobe Ezequiasma.

Isaías 18:3

Okobe deinö ökwödö bö̧jȩnö ju̧kwadö, bö̧jȩ ba̧kwemeachibanö jojodöma, mösa'otjö banderasa̧do̧ kabebö tjö̧ni̧ kwedaduwakwedöja, ja̧danö trompeta pjutji̧ kwa̧ja̧kwaduwakwedöja, —Döpöjojodöma ichibö mebadötö, —jö̧balö.

1 Samuel 17:46

Ja̧danö babema Isabenö Jo̧ma ökwönö kwabö lotobö iyakobe, ja̧danö ökwönö kwakibanö kwatocha, ja̧danö kwuu bulatö lotocha. Ja̧danö kwömöledö filisteo jojodö tjiteba'o pji̧yu̧ tjukwobö chiyocha, ja̧danö tebonö ju̧kwadö tjukwobö chiyocha, okobe deinö bö̧je jojodö Diosnö tjöwaisachibakobetjö̧, isabenö Diosma Israelnö ö̧jobe, jö̧ba̧lö.

Éxodo 15:14

Ju'wedö jojodöma tjo̧wi̧ kwujulu kwisȩbaja̧ yötjawi̧ tja̧ja̧kwajabe. Ja̧ yötjawi̧ a̧ja̧kwö yebabinö tjö̧bawadö. Ja̧danö, filisteo jojodöma jwiinö yebabinö ju̧kwadö.

Isaías 52:10

Tjitebotenia jojodö tjö̧ba a'otjö iteda ujulu öwaetjöda öwawinö i̧sȩbajabe, ja̧danö bö̧jȩ ba̧kwemeachibanö ju̧kwadöma edö tjöwaisakwedö, —Duluwo̧ Diosma iteda ömöledönö tjö̧jibinö pjaatajabe, —jö̧ba̧lö.