Isaías 30:8 - Dios Iwene

⁸ Diosma ötjönö weinobe, baikwö: —Ökwödönö yötawi̧ kwi̧wȩyudo, kwiyalu'yenö kwödo, Juda jojodö tjujuna̧lobö. Ja̧danö, jejenö kwiyiawö̧, baledakwa̧ jawa baledenama, i̧sȩkwa baibanö tjujuna̧lakwedö, ja̧danö tupakwöbi ba̧kwelöjateböbi tjujuna̧lakobetjö̧.

Isaías 30:8 Referans Kwoze

Isaías 8:1

Jemi ikenama Isabenö Jo̧ma ötjö Isaiasnö weinobe: —Isaias, wȩyukwöte emibö, otiwanö öwawinö kwi̧wȩyudo, –Böte wȩyukwötema, Maher Salal Jasbaz mikwo̧ itea wȩyukwöte, –jö̧balö.

Deuteronomio 31:22

Ja̧danö, iya̧da möle Moisesma Dios yöawaja̧ lo̧awa i̧wȩyudinobe, ja̧danö ju'wibi israel jojodönö ö̧ba̧jadinobe.

Deuteronomio 31:19

—Jo̧kwajabetjö̧, ja̧ möle baledakwa̧ omukwatö, baikwö lo̧awa kwi̧wȩyudobö yötawakwö Moises, wȩyudö, israel jojodönö kwö̧ba̧jadobö. Jejenö kwö̧ba̧jadobö wetakwö Moises, tupakwö sulabenö ja̧tjenama, ja̧ lo̧awa sulabenö omukwatö tjö̧ji̧ i̧sȩbakobetjö̧, –Diosnö kwa̧ja̧kwaduwo jö̧ka̧linaduwobe, –jö̧ba̧lö.

Deuteronomio 4:30

Jau chömöledö, okobe jwiinö yötawaja̧ jawa baledenama, jwiinö kwo̧'wo tjo̧bekwö usula emawö kwö̧jaduwakwedöja, ja̧danö kwo̧'wo tjo̧bekwö ja̧nö, tjebachajö kwuluwo̧duwi Isabenö Jo̧ Diosnö kwösödaduwakwedöja, ja̧danö wei̧ kwa̧ja̧kwaduwakwedöja.

Judas 1:18

Baikwö yötjawinobe ökwödönö: 'Dö̧ibaji̧ möle sulabenö obadö tjö̧jakobe, idöda sulabenö tjösödi̧ jawa isakwadöma jö̧ba̧lö yötjawinobe.

2 Pedro 3:3

Jau chömöledö, inesö kwöwaisaduwobö ji̧ma biya̧: 'Dö̧ibaji̧ mölema, sulabenö obadö tjichakobe, idöda tjösödi̧ jawada ja̧bö ju̧kwadöma. Jobadöma ökwödönö obö

1 Timoteo 4:1

Timoteo, Dios O̧'wo̧ Luwo̧ma wajuwanö yöawobe, 'dö̧ibaji̧ möle, ju'wedöma Dios iwene, Jesús jawa wene junibö, Awetja ömöayedö ángelesdö omöna yötjawi̧da tja̧ja̧kwakwedö jö̧ba̧lö, jobadö yötjawi̧da ösödö.

Isaías 2:2

—Yadakwö löji möle baibenama, Isabenö Jo̧ eju ja̧'o mösa'oma, isabenö nöinö mikwawa'o ja̧kobe, okobe jwiinö mösa'ijutjö, Dios eju ja̧'o mösa'oda inesö la'aka mösa'o ja̧kobe. Jau, ja̧ mösa'oda kabebö ujunakobe Diosma, okobe jwiinö jele'otjö bajalekwönönö inesö mikwawa'o mösa'o baibanö, ja̧danö bö̧jȩ bakwemeachibanö ju̧kwadö tjitebokwena jojodöma ja̧'o jo̧bekwö tji̧'yakwedö.

Deuteronomio 31:29

Jobekwö yötawobe ökwödönö chömöledö, isabenö ö'wö batibaja̧ okobe sulabenö ja̧köbaduwakwa̧ chöwaisobetjö̧. Jau chömöledö, ökwödönö chöwaisa, –Ö'wö batibaja̧ okobe isabenö sulabenö ja̧köbaduwakwedöja, jweinö ja̧bö kwö̧jaduwobö yöbawö wetijayonö, jalachibö wainö ja̧köbaduwakwedöja, –jöba̧lö chöwaisa. Ja̧danö ju'wibi chöwaisa, jejenö Isabenö Jo̧ öpöjödi̧ jawa sulabenö ja̧köbaduwiökwe, ökwödönö ödameakwakwo̧ Diosma, ja̧danö ökwödönö ödameakwobetjö̧ nöinö wene kwöbaledaduwakwedöja, —jö̧ba̧lö yöawinobe Moisesma, israel jojodönö.

Isaías 34:16

Jau chömöledö, otiwanö Isabenö Jo̧ yöawi̧ wȩyukwa'ye laebi̧ yöka̧laduwo, ja̧ yöta̧laja̧danö baledakwa̧ kwöwaisachibaduwakobetjö̧. Okobe deinö jobadö tebonö ju̧kwadöma jobe Edom niji comunidadbiyanö tjö̧jakwedö, ja̧danö jobe ju̧kwadö tebonö ju̧kwadötjö, bakwo̧bi ilekwo deinö ö̧jökakwo̧, jobe Edom jojodö tjö̧jinemi otiwanö tjö̧jobö Dios iyobetjö̧. Jau, jobekwö baledobö weajabe Isabenö Jo̧ma, ja̧danö iteda O̧'wo Luwo̧ öibawö̧, okobe deinö jobadöma jobe ko̧ko̧kwö tjö̧jakwedö.