Isaías 29:3 - Dios Iwene

³ Ja̧ lȩtebakwa̧ma, baikwö yötawa: Kwöpöjojodöduwi ichibö tjötjösawobö wetocha, ja̧danö isaka pjolö loawa ökiya tjujunobö wetocha, ja̧danö ju'wi tjöekwemi 'dobö loawa jawanö ökwödönö metjibobö wetocha.

Isaías 29:3 Referans Kwoze

Mateo 22:7

Jejenö ja̧tjiökwe, la'aka luwo̧ma ödameakwinobe, ja̧danö iteda ömöayedö guardia jojodönö weinobe, jobadö iteda ömöayedönö kwabö lobajadönö kwabö lotjobö, ja̧danö tjö̧jinemi comunidad juwö lotjobö.

2 Reyes 19:32

—Ja̧danö baikwö yötawakwö Isabenö Jo̧ Asiria la'aka luwo̧nö yöawi̧ma: –Asiria la'aka luwo̧ma Jerusalen comunidad teachökakwo̧. Ju'wibi, nayunu bakwanubi Jerusalentjö 'böökakwo̧, ja̧danö tjöekwapi kwebatö, meibökakwo̧, ja̧danö Jerusalen tjöekwemi pjolö lootö jö̧ba̧lö, pjolö loawakama ujunökakwo̧.

2 Reyes 18:17

Jo̧kwaijayonö, jobekwö iyajayonö, yayonö Asiria la'aka luwo̧ma iteda ömöayedönö, ölakwabikwawadötjö la'aka luwo̧nöbi, eju teada̧ladötjö la'aka luwo̧nöbi, yöawi̧ la'aka yöbawo̧nöbi weinobe, ba̧jȩkwadö ölakwabikwawadönö öbibö, Jerusalenbe 'yanö Ezequiaskwö yötja̧lakwawobö. Ja̧danö, Jerusalenbe ichibajadö, kamisi dichawemibe 'ya̧kwawama mananö tjöjamatinobe, möakwö ojwese'dotjö i̧sa̧la sotjinemi bajale ö'öbö.

Deuteronomio 20:20

Ju'wi towibiya, kwakwawa wa̧jökö towibiyama wene jwiinö juköbaduwena chömöledö, ja̧ towibiyatjö comunidad pjolö loawa kwotidaduwobö, ja̧danö ja̧jaye kwakwawa wa̧jökö towibiya jubö, ölakwabikwawa jawa kwotidaduwena, ja̧ comunidad jojodönö kwujuluwaduwenanö kabatö, —jö̧ba̧lö yöawinobe Moisesma, israel jojodönö.

Isaías 1:8

Ja̧danö kwiteboduwi inesö la'aka comunidad Jerusalenma, ajayinö jalemi la'aka comunidad ji̧najayonö, jo̧dawemi baibajabe, bakobe kwöpöjojodöduwi ölakwabikwawö tjötjösawemi baibajabe. Jau, löwöte uba batjo ö'wejenö jö̧tedanö, ja̧danö pepinos mikwi̧ batjo ö'wejenö jö̧tedanö ichejekwemi baibajabe Jerusalen comunidadma, bakwachobetenia kwöpöjojodöduwi ölakwabikwawö tjötjösawobetjö̧, jö̧ba̧lö laebobe Dios Israel jojodönö yöawaja̧ma.