Isaías 29:11 - Dios Iwene

¹¹ Isabenö yötawaja̧danö baledakwa̧ chi̧'wi̧didanö chedobö weajabe Diosma, ja̧danö ökwödönö yötawajabe chömöledö. Jo̧kwaijayonö, otiwanö yötawijayonö, yötawaja̧ma kwiyalu tumatö sȩyu dotjajobedanö ichejekwobe ökwödönö, baikwö yöta̧la. Ja̧ tumatö sȩyu dotjaja̧ kwiyaluma yöa̧lakwawa waiso̧nö iyö, —Yöba̧li̧, —jö̧ba̧lö wetjitjö̧ma, —Dakwö yöta̧lobö, sȩyu dotjajabe, —jö̧ba̧lö atadakwo̧, jö̧tö?

Isaías 29:11 Referans Kwoze

Mateo 13:11

Jejenö atjebökwe, Jesúsma atadinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwaijayonö ju'wedö jojodönö jejenö iyinokobetjö̧, wanedö yöbawöda yötawobe jobadönö.

Daniel 12:4

Ja̧danö, ökwönö baikwö wetakwö Daniel, ökwönö yötawaja̧ jawa tojö kwujuno. Ju'wedö tjedapji jö̧ba̧lö, kwialu'ye kwiwȩyuda'ye mu'dudö tojö kwujuno, 'dö̧ibaji̧ möle baibenanö kabatö. Ja̧danö, ba̧jekwadö tjöwaisachibotö jö̧ba̧lö jelobebi, jelobebi tji̧'yakobe, ja̧danö ajayinö tjöwaisinatjö bajalekwönönö tjöwaisachibakobe— jö̧ba̧lö yöawinobe ángelma.

Isaías 8:16

Ja̧danö, babema baikwö weta, böja chi̧wȩyudaja̧ 'bo̧datö kwiteada̧laduwo, ja̧danö Dios weina weyukwöja seyu dobajadö, yötawi̧ waisachadönö kwiyaduwo.

Daniel 12:9

Jejenö abebö cha̧ja̧kwökwe, atadinobe: —Ja̧ jawa omukwatöma kwo̧'wo̧ tjokekwa Daniel, abebö kwa̧ja̧kwaja̧ chatadobö jwiobe. Jau Daniel, 'dö̧ibaji̧ möle baibenanö kabatö ja̧ wene tojö ujunakobe Diosma, jo̧kwajabetjö̧ ja̧ omukwatöma kwo̧'wo̧ tjo̧kekwa.

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Apocalipsis 6:1

Ikenama Obeja Itji̧danö Jo̧ma ösöja, tö'awi̧ ö'be pöekwöja, ajayinö pöekwa'be kaebobe chedijatö. Ja̧'be kaebena, ö'wejemu luwa, tjöbajalebiya a̧tja̧bayedöda ju̧kwawö̧tjö bakwo̧, labinö, böba ökwödi̧danö labinö jwöijatö, Ichi, jö̧ba̧lö.

Mateo 16:17

Jejenö yöa̧lökwe Jesúsma Pedronö yöa̧linobe: —Isabenö kwo̧'wo̧ ösöwanö jo̧ja ökwö Jonás itji̧ Simón, Diosda ja̧ ökwönö öba̧ja̧dinobetjö̧. Jau chömöledöso̧, jojodödama ja̧ tjöba̧ja̧dinokobe ökwönö. Diosda ja̧ öba̧ja̧dinobe ökwönöma.

Isaías 28:7

Babe möle, ökwödönö ötjibo jö̧ba̧ladöma, 'dukwachawö̧ kwebachadö. Ubasobu o̧'dobubi, ju'wi nio ojwiyobi o̧wa̧lajadö, jobekwö 'dukwachawö̧ kwetjachobe. Dios yöawi̧ yöbawadöbi, Diostjö jojodötjö ö'weje pjabatadöbi, nöinö o̧wa̧lajadö jobekwö 'dukwachawö̧ kwebachadö. Jobadöma tji̧'wididanö tjedijayonö, okwa jawa tjöwaisachibanö tjedobö jwibadö, ja̧danö lȩekwa yötjawobö jö̧tja̧lenama, jweinö lȩekwa yötjawobö jwibadö, 'dukwachawö̧ tjö̧jobetjö̧.

Isaías 29:12

Ja̧danö kwiyalu wajwibo̧nö iyö, —Yöba̧li̧, —jö̧ba̧lö wetjitjö̧ma, —Dakwö yöta̧lobö, kwiyalu wajwibo̧sa, —jö̧ba̧lö atadakwo̧, jö̧tö? Jobadödanö ichejekwadöja chömöledö, yötawi̧ kwa̧ja̧kwaduwijayonö, okwa jawa do̧kataduwokobetjö̧.

Isaías 29:18

Ja̧danö ja̧ möle badekwachenama, tjölakiyu a̧ja̧kwinöködöma, kwiyalu yötja̧lobe tja̧ja̧kwakwedö, ja̧danö o̧'wo tjo̧achö yȩa'wo tjö̧jinelö, tjöbajale ajayinö tjewawinadöma tjo̧'wo ösöwachibanö tjedakwedö.