Isaías 24:23 - Dios Iwene

²³ Ja̧ möle yö̧te jawo̧ idejati̧ma, salöökakobe, ja̧danö möle jawo̧ idejati̧ma, dejatökönö ötabakwobedanö jakobe. Jau, ja̧ möle Isabenö Jo̧ Okobe Jwiinö Juluwo̧ Diosma Jerusalennö ö̧jakwo̧, Sion mösa'otjö webö ö̧jakwo̧, jadanö iteda ömöledötjö la'aka luwedö tjöba a'o dewinö dejatinö ö̧jakwo̧, jawo̧ idejati̧ma, idejatokobedanö ichejekwinö.

Isaías 24:23 Referans Kwoze

Isaías 60:19

Ja̧danö, ja̧ möle, möle jawo̧ma idejatökakwo̧, ja̧danö yö̧te jawo̧bi idejatökakwo̧. Ötjö Isabenö Jo̧ Diosda kwiteboduwi chidejatakwo̧sa, ötjö dejatinö chujuluda otiwanö dejatakobe, otiwanö edö kwö̧jaduwakobetjö̧.

Apocalipsis 21:23

Ja̧danö, 'yayi̧ Jerusalénnöma möle jawo̧bi yö̧te ja̧wo̧bi tjö̧lajokobe, detjobe. Dios ujulu dewinö idejati̧da dewobe jojodö tjedoböma. Ja̧danö, Obeja Itji̧danö Jo̧ma la̧pa̧la̧yu̧danö, dewinö idejati̧da dewo̧, 'yayi̧ Jerusalénnöma.

Isaías 13:10

Jau, isabenö jwiinö labikobe ja̧ mölema, sasokwena lö̧jadö si̧li̧'idöbi, okobe deinö ju'wedö si̧li̧'idöbi tjidejati̧ katjatibakwedö, ja̧danö möle jawo̧ laebenama, dejatökönö laebakwo̧, ja̧danö yöte jawo̧bi idejatökakwo̧.

Apocalipsis 22:5

Ja̧danö, yö̧tebi jwiobe jobema, möledanö dewinö dejatobetjö̧. Ja̧danö, la̧pa̧la̧yu̧bi̧yabi jwiobe, dewinö dejatobetjö̧. Ja̧danö, ja̧wo̧bi idejatokobe, Duluwo̧ Diosda dewinö idejatobetjö̧. Jobe ju̧kwadöma la'aka luwedödanö webö tjö̧jobe, ba̧kwȩlö̧jatebö.

Hebreos 12:22

Jejenö ji̧nobe da'dödömine Dios ö̧jobekwö tjichibinama. Ja̧danö, ja̧ baledina ökwödönö i̧sebobe Dios ajayinö yöbawö ujunina wei̧ jamatö 'yi̧na, Dios wei̧ Moisés iwȩyudinama. Jo̧kwaijayonö chömöledö, jejenö baledinokobe ökwödö, Jesúsnö ösödadönöma. Dios 'yayi̧ balekwa yöbawö ujuni̧ma jejenöma jamatö 'yi̧nokobe, ökwödö Dios ö̧jobekwö kwichibinaduwama. Ökwödö Dios ö̧jobekwö kwichibinaduwama, da'dödömine ja'o mö'ösa'o yebabinö tjichibinadanömaökö. Ökwödöma jele'o, Sión mikwa'o, ja̧danö mölejȩbe Jerusalén mikwa'o jo̧bekwö ichibinadöja, 'yaba̧lo̧ Dios ö̧jobe wanekwacha'o jo̧bekwö. Chömöledö jobe kwo̧'wo̧ luwo̧duwinö ichibö Dioskwö ju̧kwadöja. Ja̧danö, jobema ángelesdö ba̧jekwadö ko̧ko̧kwa̧lö, tjo̧'wo̧ ösöwö, Diosnö jwiinö ösödö tjö̧jobe.

Isaías 30:26

Ja̧danö yöte jawo̧ otiwanö idejatobö weakwo, möle jawo̧ idejati̧danö idejatenanö baibanö. Ja̧danö möle jawo̧ ajayitjö bajalekwönönö otiwanö idejatobö weakwo̧, ajayinö idejatinelö, jelemutjö dötölataja baibanö jwiinö salöinö idejatobö weakwo̧. Jobekwö baledakobe chömöledö, Dios ökwödö usula kwemawaduwi̧ otidö loenama. Jau chömöledö, a̧ja̧kwökönö kwö̧jaduwiökwe, ökwödönö lȩbebo̧ Isabenö Jo̧ma, inia tjöbö, 'debawadö bakibaduwanö. Jo̧kwaijayonö ja̧ möle inia tjököbaduwi̧ otidö loakobe, ja̧danö kwaina nii̧ ösöwachibanö otidö loakwo̧.

Isaías 12:6

Ökwödö Jerusalennö ju̧kwadöma labinö jwöbeba̧lö yökawaduwo, ja̧danö kwo̧'woduwi ösöwachibanö lo̧köbaduwo, ökwödö kwö̧'da̧deduwi jo̧, Inesö Suli̧ Jwibo̧ Israel jojodö tjösödökwema isabenö juluwo̧obetjö̧, —jö̧ba̧lö yöka̧laduwakwedöja.

Apocalipsis 19:6

Ikenama labinö, ba̧jekwadö jwötjeba̧li̧danö ökwöi̧ cha̧ja̧kwijatö. Yelösöda, taya möaya doibobe labinö ökwöi̧danö cha̧ja̧kwijatö. Ja̧danö, böba labinö kwaawobedanö ökwöi̧ cha̧ja̧kwijatö, ba̧jekwadö jwötjeba̧li̧ ökwöi̧ma. Baikwö ösödö jwötjeba̧li̧ cha̧ja̧kwijatö: Duluwo̧ Diosma jwiinö juluwo̧. Jo̧bada La'aka Luwo̧ webö jo̧. Dösödaduwonö.

Apocalipsis 19:4

Ikenama mölejȩnö ju̧kwadö damö la'aka luwedö, veintecuatronö, ju'wedö tjöbajalebiya a̧tja̧bayedöda ju̧kwawö̧kwö, tju̧yu̧ju̧ki̧junö bamatö, tjuu nijakwö bȩtjachibö Diosnö, inesö ba̧kwawakanö bo̧nö tjösödobe chedijatö, Diosnö dösödaduwo, isabenö otiwanö omukwatö ja̧bo̧, jö̧ba̧lö.

Apocalipsis 14:1

Ikenama Obeja Itji̧danö Jo̧nö chedijatö, mö'ösa'o, Sion mikwa'o wa̧pekwa'onö jo̧nö. Jo̧bakwö ba̧jekwadö tjö̧jobe chedijatö, ciento cuarenta y cuatro ömadöma. Jobadöma, Obeja Itji̧danö Jo̧ imibi, jo̧ba Abe'do imibi tjöbanö wȩyukwadö.

Apocalipsis 11:15

Jemi ikena trompeta pjubo̧, jelemutjö domulatajasanu pjubo̧ baibanö pjubo̧ pjuenama mölejȩbetjö labinö tjiwene yötja̧li̧ cha̧ja̧kwijatö, biya̧ tjiwenenö ökwöi̧: —Tjo̧wi̧ta. Böjȩma Duluwo̧ Dios La'aka Luwo̧ ö̧jena badekwachajabe. Ja̧danö, Dios weinökwe, jojodö tjö̧jibinö pjaatobö weinökwe La'aka Luwo̧ ö̧jenanö badekwachajabe. Jobadöma ba̧kwȩlö̧jatebö webö tjö̧jakwedö— jö̧ba̧lö, ökwöi̧ cha̧ja̧kwijatö.

Daniel 7:27

Jemi ikenama okobe deinö ajayinö ji̧nadö böjȩ luwedö tjujuluma, okobe jwiinö juluwo̧ Dios ömöledönö iyakobe. Ja̧danö ba̧kwȩlö̧jatebö yöbawö weakobe, ja̧danö okobe deinö böjȩnö tjitebotenia ju̧kwadöma jo̧ba wei̧ otidö tjö̧jakobe— jö̧ba̧lö yöawinobe.

Daniel 7:18

jo̧kwaijayonö jemi ikenama bajalianö Mölejȩbe Jo̧ Diosma iteda ömöledönö iyakobe, böjȩtjö yöbawö wetjobö. Ja̧danö, Dios ömöledö yöbawö wetjakwa̧ma, ba̧kwȩlö̧jatebö 'dö̧ibajökenanö yöbawö wetjakobe— jö̧ba̧lö yöawinobe.

Isaías 52:7

Ayö, otiwa jawa wene yötjawakwedö tjichi̧ma jwiinö otiwobe, mösa'ijutjö tjömasapiya edö, —Jwiinö otiwobe, —jö̧ba̧lö edadösa. Jau, wene jwiinö dö̧jakwa̧ wene yöbawö ichadö, do̧'wo ösöwachibanö ja̧kwawa jawa yöbawö ichadö, otiwanö dö̧ji̧bakwa̧ jawa yöbawö ichadönö edö ösödadösa. Jau, Sion mösa'o ju̧kwadönö yöbawadö, —Kwuluwo̧ Diosma webö jo̧, —jö̧ba̧lö, ja̧danö ja̧ wene yöbawadö tjichi̧ma do̧'wo ösöwachibanö edadösa.

Éxodo 15:21

Ja̧danö, Maríama baikwö lo̧bijotö Isabenö Jo̧nö ösödö: —Isabenö Jo̧nö lo̧do öpöjojodönö jwiinö ujuluwajabetjö̧. Ka̧ba̧yu̧dönöbi, ka̧ba̧yu̧dönö wa̧jadönöbi o̧pesobunö o̧tja̧winö jabö loajabe— lo̧bijotö Maríama.

Mateo 6:10

Ja̧danö ju'wibi la'aka luwo̧ kwö̧jakwa̧ möle juluwanö baibobö dösöda. Mölejȩbe ju̧kwadö jwaikwöda kwösödi̧danö ja̧bö tjö̧ji̧danö, böjȩnö ju̧kwadönöbi kwösödi̧danö ja̧bö tjö̧jobö dösöda.

Mateo 6:13

Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Mateo 24:29

Ja̧danö juluwanö ja̧ möle usula tjemawaja̧ ikenama, Jawo̧ yȩatibakobe, ja̧danö yö̧te jawo̧ma idejatökakobe, ja̧danö si̧li̧'i̧döma mölejȩbetjö metjakobe, ja̧danö okobe deinö mölejȩnö la̧jadöma wainö batjibakobe.

Isaías 33:17

Chömöledö, ju'winö kwuluwo̧duwi inesö otiwo̧nö kwedaduwakwedöja, ja̧danö kwiteboduwi inesö jalemi niji kwedaduwakwedöja.

Isaías 60:1

Chömöledö israel jojodö, a̧la̧ibaduwi. A̧la̧ibö, Dios dejatinö ujulu i̧sȩkwaduwi. Jau chömöledö, Isabenö Jo̧ma iteda dejatinö ujulu i̧sȩbö, ökwödönö pjaatajabe, jo̧kwajabetjö̧ dejatinö ujuluma ökwödönö idejatajabe.

Isaías 60:20

Jobekwö ötjöda dejatö chö̧jobetjö̧, möle jawo̧ la'akatjöda meajokobedanö ichejekwakobe, ja̧danö yöte jawo̧ dewi̧ma, la'akatjöda 'dö̧ibajöködanö ichekwakobe. Jau chömöledö, ötjöda tibibökönö, ba̧kwelöjatebö dejatö chöjakwo̧sa. Budekwö kwö̧jaduwi̧ma 'dö̧ibakobe,

Isaías 33:22

Jau chömöledö, Isabenö Jo̧ Diosda duluwo̧ ö̧jakwo̧, Isabenö Jo̧ Diosda ökwödönö webö ö̧jakwo̧, Isabenö Jo̧ Diosda inesö la'aka duluwo̧ ö̧jakwo̧, ja̧danö jo̧bada dö̧jibinö pjaatakwo̧, döpöjojodö tjichibapji jö̧ba̧lö.