Isaías 24:20 - Dios Iwene

²⁰ Bö̧jȩ tjö̧awi̧ma, 'dukwachökwe suliidanö tjö̧awakobe, jwa̧le'ewena löwöte 'ya̧'yȩa̧kwawi̧danö, labinö tjö̧awakobe bö̧jȩma. Jau, bö̧je jojodö Dios öba a'otjö sulabenö ja̧tji̧ma ömökobe, bö̧jȩ meenanö baibanö, ja̧danö inesö ömöki̧tjö meakobe bö̧jȩma, yemidanö a̧la̧ibobö jwiinö.

Isaías 24:20 Referans Kwoze

Isaías 19:14

Jau, okwa jawa omukwatöködö batjibanö weajabe Isabenö Jo̧ma, ja̧danö okobe jwiinö ja̧bö tjö̧ji̧ma, sulabenö öbibadö Egipto jojodönö, Egipto jojodöma jwiinö 'dukwachökwe etekwawo̧danö tjichejekwenanö baibanö, etekwawaja̧nö sayuwena mebabinö kwebacho̧danö tjichejekwenanö baibanö.

Daniel 11:19

Jemi ikenama Siria la'aka luwo̧ma itebobe ȩwa̧jakobe, chitebo comunidad otiwanö tjöbebö dotidina comunidadnö otiwanö chö̧jakobe jö̧ba̧lö. Jo̧kwaijayonö ja̧bi waekwakobe, jo̧banö tjujuluwakobe, ja̧danö kwabö lotjakobe.

Isaías 29:9

Chömöledö, isabenö baledakwa̧ edö, kwöbajaleduwi jalaka baibanö kwö̧jaduwakwedöja, tajijö jö̧ba̧lö. Yötawi̧ kwa̧jakwaduwobö kwöpöjödaduwobetjö̧, ökwödöda kwöbajaleduwi tjewawadö bakibaduwanö jabadöja, ja̧danö tjewawadödanö kwö̧jaduwakwedöja. Ökwödö Jerusalen comunidad jojodöma 'dukwachawö̧ tjö̧jidanö ja̧döja, jo̧kwaijayonö ubasobu o̧wa̧lajadö 'dukwachawö̧ babiböködöja. Ja̧danö 'dukwachawö̧ kwebachadö tjö̧ji̧danö ja̧döja, jo̧kwaijayonö nio ojwiyo owa̧lajadö 'dukwachawö̧ kwebachöködöja.

Apocalipsis 18:21

Ikenama chedemi, bakwo̧ ángelma, jwiinö juluwo̧ma, inawa nöawa, jwiinö ömökawa kabebö, labinö ojwe nöödö okwa jaobe chedijatö. Ja̧danö, jabö yöa̧lobe cha̧ja̧kwijatö: Biwa labinö kabebö jati̧danö Babilonia comunidad, inesö comunidadma labinö söbebö loakwemi, yemidanö jö̧könö.

Isaías 43:27

Kwöwaisaduwa chömöledö, jobekwö kwi̧sȩbaduwoböma jwiobe. Ökwödö Israel jojodöma la'akatjöda ba̧kwelöjatebö weti̧ kwa̧ja̧kwaduwobö öpöjödadöja, ajayi möletjö, babe baibanö. Jau, ökwödö israel jojodötjö ajayi ji̧nabi chöba a'otjö sulabenö ja̧bina chömöledö, ja̧danö jo̧ba ikena, okobe deinö ju'wedö kwuluwedöduwibi weti̧ a̧ja̧kwökönö tjö̧jajabe chömöledö.

Isaías 38:12

Wanedö yöta̧la, obejadönö teada̧lo̧ eju sabana'wotjö otikweju 'yebö jelobekwö tje'ewi̧danö, chö̧ji̧ 'yebö loobedanö ichejekwa. Jau, sabana'wo otido̧, sabana'wo o̧'bo̧di̧danö, chö̧ji̧ mölebiya otiwanö 'bo̧dö jo̧sa. Jo̧kwaijayonö ina chö̧ji̧ sabana'wo 'dö̧bö katatibököjayonö, sabana'wo 'dö̧awakatjö 'wibebö loobedanö ichejekwa. Jau chuluwo̧ Dios, yö̧te baibakwa̧ abönö, juluwanö chö̧ji̧ 'dö̧ibajobö weköbajobedanö ichejekwijatö.

Isaías 1:28

Jo̧kwaijayonö okobe deinö Dios wei̧ öpöjödö, sulabenö ja̧badöma, isabenö Dios söbebö loakwawö̧, ja̧danö okobe deinö Isabenö Jo̧nö kabatibadöma, debö tji̧'yakwedö.

Isaías 1:8

Ja̧danö kwiteboduwi inesö la'aka comunidad Jerusalenma, ajayinö jalemi la'aka comunidad ji̧najayonö, jo̧dawemi baibajabe, bakobe kwöpöjojodöduwi ölakwabikwawö tjötjösawemi baibajabe. Jau, löwöte uba batjo ö'wejenö jö̧tedanö, ja̧danö pepinos mikwi̧ batjo ö'wejenö jö̧tedanö ichejekwemi baibajabe Jerusalen comunidadma, bakwachobetenia kwöpöjojodöduwi ölakwabikwawö tjötjösawobetjö̧, jö̧ba̧lö laebobe Dios Israel jojodönö yöawaja̧ma.

Diosnö ösödo̧ Job mikwo̧ usula emawina jawa 12:25

Jejenö weiawö̧, dewi̧ jwiinö yȩa'wo okwa diwanö kwebachadö, ja̧danö 'dukwachawö̧ tötöbö kwetjachi̧danö kwebachadö, Diosda jejenö weobetjö̧, —jö̧ba̧lö yöa̧linobe Jobma.

Isaías 24:1

Baikwö yötawaduwakwö: Ju'wi möle Isabenö Jo̧ma jwiinö lȩebakobe bö̧jȩ jojodönö. Jwiinö söbebö loakobe bö̧jȩma, jojodö deobe baibanö, niji yubatödanö ja̧akwo̧, ja̧danö bö̧jȩnö ju̧kwadönö tjipjelekwachinö a'dewö loakwo̧.

Isaías 28:7

Babe möle, ökwödönö ötjibo jö̧ba̧ladöma, 'dukwachawö̧ kwebachadö. Ubasobu o̧'dobubi, ju'wi nio ojwiyobi o̧wa̧lajadö, jobekwö 'dukwachawö̧ kwetjachobe. Dios yöawi̧ yöbawadöbi, Diostjö jojodötjö ö'weje pjabatadöbi, nöinö o̧wa̧lajadö jobekwö 'dukwachawö̧ kwebachadö. Jobadöma tji̧'wididanö tjedijayonö, okwa jawa tjöwaisachibanö tjedobö jwibadö, ja̧danö lȩekwa yötjawobö jö̧tja̧lenama, jweinö lȩekwa yötjawobö jwibadö, 'dukwachawö̧ tjö̧jobetjö̧.

Génesis 41:31

Ja̧danö, kwakwawa nöinö pokwina jwiobetjö̧ a̧wi̧chö̧lö̧ji̧ nöinö baledakobe. Ja̧ a̧wi̧chölö̧ji̧ nöinö baledena, jojodöma a̧wi̧chi̧ nöinö tjötjobetjö̧ tjomukwatökakobe ajayinö kwakwawa nöinö pokwinama— yöbawijetö Joséma faraónnöma.